LUKA 21:12 - Jinghpaw Common Language Bible 2009

¹² Dai lam ni yawng garai n byin yang, masha ni gaw nanhte hpe rim la nna zingri zingrat di nhtawm, tara jawng ni hta jeyang nna htawng bang kau na matu ap kau ai hkrum na myit dai hte nye a mying a majaw hkawhkam ni hte du ni a man de du na marin dai.

Jinghpaw Hanson Version Bible

¹² Rai timung, dai lam yawng garai n byin yang, masha ni gaw nanhte hpe rim la nna, zingri zingrat di nhtawm, tara jawng ni hte htawng ni hta ap kau na myit dai hte, nye a amying majaw hkawhkam ni hte du ni kaw sa bang kau ai hkrum na marin dai.

LUKA 21:12 ပူးပေါင်းရင်းမြစ်များ

MAHTE 22:6

Naw nga ai ni mahtang gaw, shi a mayam ni hpe rim la nna anu kayat ai hte sat kau ma ai.

MAHTE 24:8

Ndai yawng mayawng chyawm gaw, shawng na ma shangai machyi ai hte bung nga ai.

LUKA 21:11

Hkrit hpa nnang nawn kaba ni mung, hkuwa kaba ni mung, shara shagu hta ana zinli ni mung byin na ra ai, lamu de na laklai ai hkrithpa arai ni hte lamik kumla kaba mung, pru na ra ai.

YAWHAN 15:20

‘Mayam gaw madu hta grau kaba ai n rai,’ ngu nna ngai nanhte hpe tsun ai ga hpe dum nga mu; ngai hpe pyi zingri zingrat ma ai rai yang gaw, nanhte hpe mung zingri zingrat na mara ai. Shanhte nye a ga madat mara ma yang gaw, nanhte a ga hpe mung, madat mara ya na mara ai.

YAWHAN 15:21

Rai ti mung shanhte gaw ngai hpe shangun dat ai wa hpe n chye ma ai rai nna, nye a amying a majaw dai zingri zingrat ai lam yawng nanhte hpe di na mara ai.

KASA 22:30

Hpang jahpawt e Yuda masha ni Pawlu hpe shagun ai mara hpa re ai teng teng chye lu hkra shi hpe raw dat nna hkinjawng agyi ni hte salang hpawng ting hpe shaga jahpawng tawn nhtawm Pawlu hpe shanhte a man e shatsap tawn ya mu ai.

KASA 5:40

Shanhte gaw kasa ni hpe shaga jashawn la nna kayat nhtawm, Yesu a mying hte n sharin n shaga lu na lam hkang da ngut jang, dat dat mu ai.

KASA 8:3

Rai ti mung Shawlu gaw hpung hpe hpya jahtum kau na matu shakut nga ai. Shi gaw nta langai hte langai shang nna kam sham ai numsha lasha ni hpe garawt ahkyik la nhtawm htawng hta sharen da mu ai.

KASA 9:4

Shi mung ga e kadawng taw mat ai hte, “Shawlu, Shawlu! Nang ngai hpe hpa rai zingri nga n ta?,” nga nna shi hpe tsun nga ai nsen langai mi na wu ai.

1 PETRU 2:13

Dai Madu a myi man hpe tau nna shinggyim masha hta na ahkang aya lu ai ni a npu e taw nga mu; tsaw dik ai ahkang aya lu ai hkawseng wa a npu e rai ti mung;

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.