LUKA 21:1 - Jinghpaw Common Language Bible 2009

¹ Yesu gaw grup yin de dap mada dat yu nna, Nawku Htingnu na sut dek hta lu su ai ni alu sa bang shajang nga ma ai hpe mu wu ai.

Jinghpaw Hanson Version Bible

¹ Dai shaloi shi dap mada yu nna, alu sumpu hta alu bang shajang nga ma ai lu su ai ni hpe mu wu ai.

LUKA 21:1 ပူးပေါင်းရင်းမြစ်များ

1 HKAWHKAM 14:26

Shi gaw Hkawhkam Shawlumon galaw da ai ninggang ni lawm mat hkra Nawku Htingnu hte hkawhkam htingnu kata na sut gan ni yawng hpe magawn la mat wa wu ai.

2 HKAWHKAM 12:9

Dai hpang Yehoiada gaw sumpu langai mi la nhtawm de a magap hta hku langai waw nna Nawku Htingnu de shang wa ai lam a hkra maga, tawn hkungri a makau e shadun da wu ai. Shing rai shang wa chyinghka lam makau e lit lu ai hkinjawng ni gaw nawku sa ai ni sak jaw ai gumhpraw yawng hpe dai sumpu hta bang da ya nga ma ai.

2 HKAWHKAM 24:13

Nawku Htingnu hte hkawhkam htingnu kata na sut rai yawng mayawng hte hpe Babelon mung de htawm mat wa wu ai. Dai Madu hkang da sai hte maren, Nawku Htingnu hta lang na matu Hkawhkam Shawlumon e ja hte galaw da ai arung arai hkinghku ni yawng hpe Nebuhkadneza agrawp jahten kau wu ai.

2 HKAWHKAM LABAU 36:18

Babelon hkawhkam gaw Nawku Htingnu a sut gan arung arai hte hkawhkam hte shi a du salang ni a sut gan nlang ni hpe gasat hpya la nna Babelon mare de la wa wu ai.

NEHEMIA 13:13

Ngai gaw sut gawk ni hpe hpareng na matu ndai masha ni hpe san tawn nngai: dai ni gaw hkinjawng Shelemia, Tara sara ninghkrin Zadok, Lewi masha Pedaia; Matania a kashu, Zahkura a kasha Hanan gaw shanhte hpe karum shingtau na wa rai nga ai. Ndai masha ni gaw myit malang nga ma ai rai nna shanhte a hpu nau amu galaw masha ni hpe karan jaw ai amu hta kam mai nga ai gaw ngai chye nga nngai.

MAHTE 27:6

Hkinjawng agyi ni dai gumhpraw hpe hta la nna, “Ndai gaw asai jahpu rai nga ai majaw, Nawku Htingnu alu sut dek hta bang tawn da na anhte a tara hta ahkang n jaw ai,” nga ma ai.

LUKA 20:47

gaida gaina ni a dum nta arung arai ni hpe mya lu mya sha nna, hpyi hpun ai hte galu galang akyu hpyi ma ai! Shanhte hkam la na ari gaw laja lana sawng ai hkrai rai na mara ai,” ngu wu ai.

YAWHAN 8:20

Ndai ga ni gaw Nawku Htingnu kata na alu bang ai sadek ni tawn da ai gawk e Yesu sharin shaga nga yang, tsun ai ga ni rai nga ai. Rai ti mung, shi a ahkying garai n du lu ai majaw, shi hpe kadai mung n rim la lu mu ai.

YAWSHU 6:19

Aja gumhpraw, magri mang hte hpri rai ni hte galaw ai arai hpa rai tim, dai Madu a matu san da ya na rai myit dai. Dai gaw dai Madu a sut dek hta bang da na rai nga ai,” ngu nna tsun wu ai.

YAWSHU 6:24

Dai hpang, aja, gumhpraw, magri mang hte hpri ni hte galaw ai arai ni hpe dai Madu a sut dek hta bang da ai hta jan nna dai mare hte dai hta rawng marawng yawng hpe wan n-wu tai mat hkra nat kau ma ai.