LUKA 20:9 - Jinghpaw Common Language Bible 2009

⁹ Dai shaloi Yesu gaw, masha ni hpe ndai ga shadawn tsun mu ai gaw, “Kalang mi na masha langai mi gaw, sabyi sun langai mi hkai lajang da nna, sun galaw sha ai ni hpe shap ya da nhtawm, na na wa pru sa mat wa ai.

Jinghpaw Hanson Version Bible

⁹ Dai shaloi e mung masha ni hpe ndai ga shadawn hte shi tsun wu ai gaw, “Masha langai mi tsabyi sun hkai sharam da nna, sun galaw ai masha hpe boi ya da nhtawm, kaga mung de na na wa sa nga mat ai.

LUKA 20:9 ပူးပေါင်းရင်းမြစ်များ

YEREMIA 2:21

Ngai gaw nang hpe grai kaja htum ai nli tum kaw na sabyi ru hpe hkai da ni ai. Rai ti mung, nang hpa baw tai mat nga nit dai hpe yu yu u! Nang gaw yat mat nna manu n dan ai sabyi ru zawn rai nga ndai.

MAHTE 25:14

“Dai ten hta, sumsing lamu a Mungdan gaw, lang mi na masha langai mi bu hkawm na maw ai rai nna, mayam ni hpe shaga la nhtawm, shi arai ni shanhte hpe ap ya da ai shaloi byin ai lam hte bung na ra ai.

LUKA 19:12

Dai majaw shi gaw, “Kalang mi na arawng lu ai masha langai mi nga ai. Shi gaw tsan ai mungdan langai mi de hkawhkam aya sa hkam la na sa wa na maw nga ai, dai hpang shi a nta buga de bai wa na hkyen nga ai.

LUKA 20:10

Sabyi si di ai aten du jang, shi gaw mayam langai mi hpe, sabyi sun shap galaw sha ai ni kaw dat dat nna, sabyi mangai hta na shi lu la ang ai hkambum jaw manit, ngu nna sa hpyi shangun wu ai. Rai ti mung sun galaw ai ni gaw, dai mayam hpe anu kayat nna, kaman dat dat mu ai.

LUKA 20:8

Yesu gaw, “Ndai amu ni hpe ahkang hte ngai galaw nngai gaw, ngai mung nanhte hpe n tsun dan na nngai,” ngu nna shanhte hpe tsun mu ai.

TARA JAHPRANG 16:18

“Dai Madu nanhte a Karai Kasang nanhte hpe jaw ai mare shagu hta tara agyi ni hte kaga du salang ni hpe san tawn na rai myit dai. Dai masha ni gaw amyu masha ni hpe myi man n lata ai sha, tara jeyang na rai ma ai.