LUKA 20:40 - Jinghpaw Common Language Bible 2009

⁴⁰ Hpa majaw nga yang, dai ni gaw Madu hpe hpa ga san mung bai n san wam mat ma ai.

Jinghpaw Hanson Version Bible

⁴⁰ Kaning rai nme law, dai ni gaw shi hpe hpa lam mung bai n san wam manu ai.

LUKA 20:40 ပူးပေါင်းရင်းမြစ်များ

GA SHAGAWP 26:5

Lachyum n pru ai ga san hpe lachyum n pru ai mahtai jaw ya u; dai shaloi, san ai wa gaw shi chye dum ai zawn shi n rai taw nga ai hpe chye na wu ai.

MAHTE 22:46

Kadai wa mung, ga hkaw mi pyi shi hpe n htan lu ma ai hte dai shani kaw nna htawm hpang de kadai wa mung shi hpe hpa ga san ni mung n san wam mat ma ai.

MARKU 12:34

Dai wa htan ai ga gade wa hpaji rawng nga ai hpe Yesu mu chye wu yang, “Nang gaw Karai Kasang a mungdan hte n tsan nga ndai,” ngu nna tsun wu ai. Dai hpang, kadai mung Yesu hpe matut nna ga san hpa mung n san wam ma ai.

LUKA 14:6

Rai ti mung shanhte gaw ndai lam hte seng nna shi hpe hpa n htan lu ma ai.

LUKA 20:39

Shaloi Tara sara nkau mi gaw, “Sara e, nang htan ai ga gaw grai jaw ai mahtai rai la sai!,” nga nna tsun pru wa ma ai.