LUKA 20:38 - Jinghpaw Common Language Bible 2009

³⁸ Karai Kasang gaw si nga ai ni a Karai Kasang n rai, hkrung nga ai ni a Karai Kasang she rai nga ai, yawng mayawng hte gaw shi hta e ahkrung nga ma ai,” ngu nna shanhte hpe htan mu ai.

Jinghpaw Hanson Version Bible

³⁸ Karai Kasang chyawm gaw si nga ai ni a Karai Kasang n rai, hkrung nga ai ni a Karai Kasang she rai nga ai: yawng mayawng hte gaw, shi a man e hkrung nga ma ai,” ngu nna shanhte hpe htan mu ai.

LUKA 20:38 ပူးပေါင်းရင်းမြစ်များ

MAHTE 22:32

Karai Kasang chyawm gaw, si nga ai ni a Karai Kasang n rai, ahkrung nga ai ni a Karai Kasang she rai nga ai,” nga ai.

MARKU 12:27

Shi gaw si nga ai ni a Karai Kasang n rai, hkrung nga ai ni a Karai Kasang she rai nga ai; nanhte grai lam dam mat manit dai,” ngu nna shanhte hpe htan mu ai.

LUKA 20:39

Shaloi Tara sara nkau mi gaw, “Sara e, nang htan ai ga gaw grai jaw ai mahtai rai la sai!,” nga nna tsun pru wa ma ai.

YAWHAN 14:19

Loi hkring mi rai jang, mungkan ga gaw ngai hpe n mu dat na nu ai; nanhte chyawm gaw naw mu lu na marin dai; hpa majaw nga yang, ngai ahkrung nga nngai majaw, nanhte mung ahkrung nga na marin dai.

YAWHAN 6:57

Ahkrung nga ai nye Wa gaw, ngai hpe shangun dat ai rai nna, ngai gaw Wa a majaw hkrung nga nngai. Dai hte maren, ngai hpe sha ai wa mung, nye a majaw hkrung nga na ra ai.

2 KORINHTU 13:4

Kaning rai nme law shi gaw n-gun kya ai madang hta wudang hta jen sat kau ai hkrum tim, Karai Kasang a n-gun atsam hte ahkrung nga ai. Anhte mung Hkristu hte langai sha tai ai a jaw e n-gun kya nga ga ai. Rai ti mung nanhte hte matut mahkai ai lam hta anhte gaw Hkristu hte rau ahkrung nga ga ai a jaw e Karai Kasang a n-gun atsam hpe jawm hkam la na ga ai.

2 KORINHTU 6:16

Karai Kasang a nawku htingnu gaw gawng-ngu sumla ni hte kaning di nna myit hkrum lu na rai ta? Hpa majaw nga yang, anhte gaw ahkrung nga ai Karai Kasang a nawku htingnu ni rai nga ga ai! Karai Kasang shi nan, “Ngai gaw nye a amyu masha ni hta nye a nta shatai nna, shanhte hta shanu nga na nngai; Ngai shanhte a Karai Kasang tai nga na nngai rai nna, shanhte gaw nye a amyu masha ni tai na mara ai,” nga nna tsun ai.

HEBRE 11:16

Ya chyawm gaw, dai hta grau ai sumsing lamu na buga mungdan hpe marit nga ma ai. Dai re ai majaw, Karai Kasang gaw shanhte a Karai Kasang re ai ngu na hpe kaya ma ai n rai, hpa majaw nga yang, Karai Kasang gaw shanhte a matu nga na shara langai mi lajang da ya manu ai.

SHINGRAN 22:1

Bai, lamu kasa gaw Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi hkrat wa ai pat zawn htoi san ai asak hkrung ai hka a hka nu hpe ngai e madun nngai.