LUKA 20:37 - Jinghpaw Common Language Bible 2009

³⁷ Mawshe gaw, si mat sai ni bai hkrung rawt wa ai lam dan dan leng leng sakse madun nga ai. Wan hkru nga ai singwum a lam ka da ai hta, shi gaw Madu hpe, ‘Abraham a Karai Kasang, Isak a Karai Kasang, Yaku a Karai Kasang,’ nga nna tsun nga ai.

Jinghpaw Hanson Version Bible

³⁷ Mawshe pyi dai Madu hpe, Abraham a Karai Kasang, Isak a Karai Kasang, Yaku a Karai Kasang nga nna tsun ai ga hte, si ai ni bai hkrung rawt ai lam dai singwum hte seng nna ka da ai hta, madun da nga ai.

LUKA 20:37 ပူးပေါင်းရင်းမြစ်များ

NINGPAWT NINGHPANG 17:7

“Nang hte mung, du na ra ai ban na na a amyu matu ni hte mung htani htana ga shaka ngu ai nye a ga sadi hpe ngai shatup na nngai. Ngai gaw na a Karai Kasang mung, na a amyu matu ni a Karai Kasang mung tai nga na nngai.

NINGPAWT NINGHPANG 28:13

Dai Madu gaw dai yang na shi a makau e tsap nga nhtawm, “Ngai gaw Abraham, Isak ni a dai Madu Karai Kasang rai nga nngai; nang hpe mung, na a amyu matu ni hpe mung ndai lamu ga hpe ngai jaw na nngai.

NINGPAWT NINGHPANG 28:21

nang gaw nye a Karai Kasang tai nga let, ngai hte rau nga nga nhtawm ngai hkawm sa nga ai hkrun lam hpe makawp maga ya nna, lusha hte hpun palawng ngai hpe jaw ai rai yang gaw,

NINGPAWT NINGHPANG 32:9

Dai hpang Yaku gaw, “Nye a aji Abraham a Karai Kasang nye wa Isak a Karai Kasang e, nye a akyu hpyi ga hpe na ya e! Madu e, nang ngai hpe nye a mung ga, nye a amyu ni shanu nga ai ga de nhtang wa na matu mung, nye a matu lam shagu hta mai kaja shangun na mung, nang tsun nit dai.

PRU MAT 3:15

Nanhte a nji nwa ni a Karai Kasang, Abraham, Isak hte Yaku ni a Karai Kasang Ngai Madu nan shanhte hpang de nang hpe shangun dat ni ai, ngu nna Israela amyu masha ni hpe tsun dan u; dai gaw htani htana na nye a amying rai nga li ai; du na ra ai ban masha ni yawng mung dai hte maren ngai hpe shaga na mara ai.

TARA JAHPRANG 33:16

Shanhte a lamu ga hta mai kaja ai ngamu ngamai lam yawng hte hpring nga u ga; Wan hkru nga ai singwum kata kaw na ga shaga ai dai Madu a mai kaja lam a majaw shaman chyeju hkam la lu mu ga. Yosep gaw kahpu kanau ni hta ningbaw tai nga ai majaw; Shi a amyu bawsang hta dai shaman chyeju ni anga nga nu ga law.