LUKA 20:36 - Jinghpaw Common Language Bible 2009

³⁶ Shanhte gaw lamu kasa ni hte bung na mara ai rai nna, si hkrung si htan ngu ai shanhte hta nga sana n rai. Shanhte gaw si ai kaw na Karai Kasang e jahkrung sharawt la hkrum ai re ai majaw, Karai Kasang a kasha ni rai nga ma ai.

Jinghpaw Hanson Version Bible

³⁶ dai ni gaw si hkrung si htan ngu ai htawm hpang e n hkrum lu masai rai nna, lamu kasa ni zawn rai wa ai hte, bai hkrung rawt ai a kashu kasha ni rai ma ai majaw, Karai Kasang a kasha ni rai nga ma ai.

LUKA 20:36 ပူးပေါင်းရင်းမြစ်များ

ESAIA 25:8

Dai Tsaw Htum ai Madu gaw si hkrung si htan hpe htani htana jahten kau na ra ai! Shi gaw masha shagu a myi ni kaw na hkrat ai myi prwi ni hpe katsut kau ya nna, shi a amyu masha ni mungkan ting hta hkrum sha lai wa sai kaya kahpa hpe mung la kau ya na ra ai. Dai Madu shi nan tsun nu ai.

HOSEA 13:14

Ndai amyu masha ni hpe katsan ga kaw nna hkye la na n rai; si du a lata kaw nna mung shanhte hpe mawai la na n rai. Sidu e, na a ana zinli woi shapraw dat u! Katsan ga e, na a hten byak lam shapraw dat u! Ndai amyu masha ni hpe ngai galoi mung matsan yu dum na nngai n rai.

ZEHKARIA 3:7

Chyahtum Chyalai N-gun Rawng ai dai Madu ning nga tsun nu ai ga tsun dan wu ai: “Ngai nang hpe lit jaw ai amu ni hpe hkan galaw nna nye a tara ni hpe madat mara ndai rai yang, nye a Nawku Htingnu hte de a wang ni hpe matut nna woi hpareng lu na rai ndai. Ngai gaw nye a man e nga nga ai lamu kasa ni a hpyi nem ai ga ni hpe na ya ai zawn, na a hpyi nem ai ga ni hpe mung na ya na nngai.

MAHTE 22:30

Hpa majaw nga yang, si mat ai ni bai hkrung rawt ai shaloi, shanhte gaw lamu kasa ni zawn rai nna, num la num ya ai lam n galaw na ma ai.

MARKU 12:25

Hpa majaw nga yang, si ai ni bai hkrung rawt wa jang, num la num ya n rai na ma ai. Shanhte gaw sumsing lamu hta e lamu kasa ni zawn rai nga na mara ai.

ROMA 8:16

Anhte Karai Kasang a kashu kasha ni rai nga ga ai lam Karai Kasang a Wenyi nan anhte a Wenyi hte rau sakse hkam tsun shana shabra ya mi ai.

1 KORINHTU 15:26

Hpang jahtum na hpyen wa ngu ai si hkrung si htan gaw yeng seng kau ai hkrum na ra ai.

1 KORINHTU 15:42

Si mat ai ni a bai hkrung rawt wa na lam mung, dai hte maren rai nga ai. Dai hkum hkrang gaw ga hta lup makoi ai shaloi, hten mat yat mat chye nga ai; bai hkrung rawt ai shaloi n hten n mat chye ai rai na ra ai.

1 KORINHTU 15:49

Ga yun hte galaw ai masha wa hte bung ai gawng shingyan hpe anhte gun ga ai hte maren, sumsing lamu na du sa ai Masha wa hte bung ai gawng shingyan mung anhte gun na ra ga ai.

HPILIPI 3:21

Shi gaw arai yawng mayawng hte hpe shi a npu e tawn da lu ai hpung shingkang daru magam atsam hte anhte a si chye ai hkum hkrang ni hpe galai kau nna shi a hpung shingkang rawng ai hkum hkrang hte bung hkra galai shachyaw ya na ra ai.

SHINGRAN 20:6

Shing rai shawng na si ai kaw na bai hkrung rawt wa ai ni a pang hta shang lawm lu ai ni gaw a lu nna chyeju n hpaw n ya hkam sha lu ma ai. Lahkawng lang na si ai lam gaw shanhte hpe hkra lu na n-gun atsam, ahkang n lu wu ai. Shanhte gaw Karai Kasang hte Yesu Hkristu a hkinjawng ni rai na mara ai rai nna, shaning hkying mi tup Hkristu hte rau up nga lu na mara ai.

SHINGRAN 21:4

Shi gaw shanhte a myi hta na myi prwi pru mapru yawng katsut kau ya na ra ai: htawm hpang de si hkrung si htan ngu ai n nga lu na sai; sharung shayawt, hkrap ngu hkrap ngoi ai hte machyi makaw, hki si ba si ai mung n nga lu na sai. Shawng na byin ga ai lam dingsa nga manga hte gaw hkoi mat wa sai,” nga nna tsun ai.

SHINGRAN 22:9

Rai ti mung shi gaw, “Shing hkum rai et! Ngai gaw, na a mung, na a kahpu kanau myihtoi ni hte, ndai laika a mungga hpe madat mara hkan nang ai ni a mung, shangun ma manang shada she rai nngai. Karai Kasang hpe chyu sha nawku u!,” nga nna ngai hpe tsun ai.