LUKA 20:35 - Jinghpaw Common Language Bible 2009

³⁵ Rai ti mung, si ai kaw na bai hkrung rawt wa nna sumsing lamu Mungdan de shang na gingdan ai masha ni gaw, htinggaw rawn ai hte num la num ya ngu ai n nga ma ai.

Jinghpaw Hanson Version Bible

³⁵ wora katsan prat hte si ai kaw na bai hkrung rawt wa ai de du ging ai ni chyawm gaw, htinggaw rawn ai hte num la num ya ngu ai n nga ma ai:

LUKA 20:35 ပူးပေါင်းရင်းမြစ်များ

MAHTE 12:32

Dai Masha Kasha hpe ga hte shut hpyit ai wa kadai hpe mung, mara raw dat kau ya na lam hku nga ai; Chyoi pra ai Wenyi hpe ga hte shut hpyit ai wa chyawm gaw, ndai prat hta rai ti mung, hpang na prat hta rai ti mung, raw dat kau ya hkrum na n rai.

MAHTE 22:29

Yesu htan let, shanhte hpe tsun mu ai gaw, “Nanhte gaw, Chyum Laika hpe mung, Karai Kasang a n-gun atsam hpe mung n chye ai majaw lam dam mat manit dai.

MARKU 10:42

Dai majaw Yesu gaw shanhte yawng hte hpe shaga la nna, “Maigan amyu ni a up hkang ai ni ngu nna sawn la hkrum ai masha ni gaw, mung masha ni a ntsa e daru magam hte reng sha nga ma ai hte, dai ningbaw ningla ni gaw atik anang re ai ahkang aya hpe jai lang nga ma ai hpe nanhte chye nga myit dai,

MARKU 12:24

Yesu gaw, “Nanhte dai daram wa shut shai lam dam mat nga manit hka? Dai hpa majaw re hpe nanhte chye da mu ni? Dai Chyum Laika hte Karai Kasang a atsam hpe nanhte n chye mu ai majaw rai nga ai.

LUKA 16:8

Ndai zawn, bawnu shachyai nna hpaji hte chye galaw ai majaw, madu gaw kunhting wa hpe shakawn wu ai, hpa majaw nga yang, ndai mungkan ga a kashu kasha ni gaw, shanhte a mungkan amu magam lam galaw gun hpai sa wa ai hta, nhtoi hte seng ai kashu kasha ni hta grau nna hpaji rawng nga ma ai.”

LUKA 21:36

Nanhte gaw dai byin wa na ra ai lam ni yawng hpe lai di nna lawt lu na n-gun atsam lu la myit ga hte Masha Kasha a man e tara daw dan hkam na matu tsap lu ging ai ni tai lu myit ga akyu hpyi nga let amaja nga mu,” ngu mu ai.

YAWHAN 5:29

Kaja ai arawn alai hkan sa galaw ai ni gaw htani htana asak hkrung ai lam hkam la na matu mung, n shawp ai arawn alai hkan sa galaw ai ni chyawm gaw tara daw dan ai hkrum lu na matu mung, si ai kaw na hkrung rawt shajang na mara ai.

KASA 24:15

Shanhte myit mada ai hte maren ngai mung kaja ai ni mi da, n kaja ai ni mi da, si ai kaw na bai hkrung rawt wa na mara ai ngu nna Karai Kasang hta myit mada nga nngai.

KASA 5:41

Kasa ni gaw shanhte hpe Madu Yesu a majaw kaya kahpa hkrum ging ai re ngu nna Karai Kasang e sawn ya hkrum ai majaw kabu gara ai hte Yuda kongsi hpawng kaw na pru mat wa ma ai.

2 HTESALONI 1:5

Ndai lam ni mahkra gaw, Karai Kasang a tara daw dan ai lam teng nga ai hpe sakse madun ya nga ai. De a akyu a majaw, nanhte gaw shi a mungdan hte ging dan ai ni tai wa na marin dai, de a matu she nanhte nni nkri hkrum nga myit dai.

HEBRE 11:35

Numsha ni mung kam sham ai hte si mat sai shanhte a jinghku ni hpe hkrung sharawt ai hpe hkap lu la ma ai. Nkau mi gaw shanhte hpe shalawt dat na ngu ai ahkaw ahkang hpe n hkap la ma ai sha, grau reng htum ai asak hkrung lam de hkrung rawt shang sha lu na matu zingri zingrat hkam let si wa ma ai.

SHINGRAN 3:4

Rai ti mung Sardi hpung hta tinang a hpun palawng ni hpe awu asin n shakap ai ni nkau mi lawm nga lit dai. Shanhte gaw ging dan ai ni rai nga ma ai majaw, hpraw ai bu hpun let, ngai hte rau hkawm sa lu na mara ai.