LUKA 20:25 - Jinghpaw Common Language Bible 2009

²⁵ Dai majaw Yesu gaw, “Rai sa, dai rai yang gaw, hkawseng hte seng ai hpe hkawseng hpe jaw mu; Karai Kasang hte seng ai hpe Karai Kasang hpe jaw mu,” ngu nna shanhte hpe tsun mu ai.

Jinghpaw Hanson Version Bible

²⁵ Shaloi shi gaw, “Dai rai yang gaw, Kehta hte seng ai hpe gaw, Kehta hpe ya mu: Karai Kasang hte seng ai hpe mung, Karai Kasang hpe ya mu,” ngu nna shanhte hpe tsun mu ai.

LUKA 20:25 ပူးပေါင်းရင်းမြစ်များ

GA SHAGAWP 24:21

Ngai sha e, dai Madu hpe hkrit kamyin nga u; hkawhkam wa hpe shagrau sha-a nga u, shanhte hte nhtan shai nna gumle gumlau ai masha ni hte hkum kanawn et;

MAHTE 17:27

Rai ti mung, an a majaw shanhte myit n kataw mu ga, nawng de sa nna nga myek jahkrat bang u; shawng lu ai nga hpe shaw la nhtawm, nga n-gup gang mahka dat yang, Shekela pa mi nang mu na ndai; dai hpe la nna, ngai hte na a matu shanhte hpe ya u,” ngu nna shi hpe tsun wu ai.

MAHTE 22:21

Shanhte gaw, “Kehta a sumla hte masat laika kap nga ai,” ngu nna htan mu ai. Shaloi shi gaw, “Dai rai yang gaw, Kehta hte seng ai hpe gaw Kehta hpe ya mu; Karai Kasang hte seng ai hpe gaw, Karai Kasang hpe ya mu,” ngu nna shanhte hpe tsun mu ai.

MARKU 12:17

Yesu gaw, “Kaja sai, shaloi rai jang gaw, Kehta hte seng ai hpe gaw Kehta hpe jaw mu, Karai Kasang hte seng ai hpe gaw, Karai Kasang hpe jaw mu,” ngu nna shanhte hpe tsun mu ai. Shanhte mahtang shi a lam grai mau mat nga ma ai.

LUKA 20:24

“Gumhpraw lap mi ngai hpe madun yu mi: gade a myi man hte mying kap nga a ta?,” ngu nna san mu ai. Shanhte gaw, “Kehta a re nga ai,” ngu mu ai.

KASA 5:29

Petru hte kaga kasa ni gaw, “Anhte gaw masha a ga madat na hta Karai Kasang a ga hpe mahtang madat lu na ga ai.

1 KORINHTU 10:31

Rai sa! Dai majaw, nanhte sha ti mung, lu ti mung, hpa galaw ti mung, nga manga hta Karai Kasang a hpung shingkang hpe tam let, a galaw nga mu.

1 PETRU 4:11

Marai langai ngai hkaw tsun a yang gaw, Karai Kasang a mungga hpe hkaw tsun u ga, marai langai ngai daw jau a yang gaw Karai Kasang jaw da ai n-gun lagaw hte maren galaw daw nga u ga; shing rai yang she galaw ai amu yawng mayawng a majaw Madu Yesu a marang e Karai Kasang a hpung shingkang hpe shakawn kungdawn ai lam tai na rai nga ai. Yesu Hkristu hta hpung shingkang hte daru magam n-gun atsam gaw htani htana prat dingsa e anga nga ai law. Amen.