LUKA 20:24 - Jinghpaw Common Language Bible 2009

²⁴ “Gumhpraw lap mi ngai hpe madun yu mi: gade a myi man hte mying kap nga a ta?,” ngu nna san mu ai. Shanhte gaw, “Kehta a re nga ai,” ngu mu ai.

Jinghpaw Hanson Version Bible

²⁴ “Gumhpraw lap mi ngai hpe madun yu mi; gade a sumla hte masat laika kap nga a ta?” ngu nna htan mu yang, shanhte gaw, “Kehta a sumla hte masat rai nga ai,” ngu mu ai.

LUKA 20:24 ပူးပေါင်းရင်းမြစ်များ

MAHTE 18:28

“Shaloi shangun ma dai wa nan pru hkawm nna shi kaw pyeksan latsa hka kap ai mayam manang langai mi hpe hkrum jang, shi hpe magra dun la nna du manat da ya let, ‘Ngai hpe jaw ra ai hka wa rit!,’ ngu wu ai.

MAHTE 20:2

Dai wa gaw, lani mi hta gumhpraw lap mi jaw na, ngu nna amu galaw ai ni hte bawng jahkut nhtawm, sabyi sun de shanhte hpe shangun dat mu ai.

MAHTE 22:20

Dai rai nna shi gaw, “Gade a sumla hte mying masat laika kap nga a ta?,” ngu nna san mu ai.

MARKU 12:16

Dai rai nna, shanhte la wa mu ai. Shi gaw, “Gade a sumla hte masat laika kap nga a ta?,” ngu nna san mu yang, shanhte gaw, “Kehta a sumla hte masat laika kap nga ai,” ngu nna shi hpe htan mu ai.

LUKA 2:1

Dai ten e, Roma mungdan ting hta nga ai masha jahpan hta la na matu, Roma hkawseng Augustu kaw nna mungga shapraw dat wu ai.

LUKA 20:22

Anhte gaw Roma hkawseng wa kaw hkanse mai bang ga ni? N mai bang ga ni? Bang yang anhte a jep ai Tara hte anhte a matu nhtan shai a ni?, tsun dan mi,” ngu nna shi hpe san yu mu ai.

LUKA 20:23

Rai ti mung Yesu gaw, shanhte a myit magaw hpaji daw ai lam hpe mu chye ya mu ai rai nna shanhte hpe,

LUKA 20:25

Dai majaw Yesu gaw, “Rai sa, dai rai yang gaw, hkawseng hte seng ai hpe hkawseng hpe jaw mu; Karai Kasang hte seng ai hpe Karai Kasang hpe jaw mu,” ngu nna shanhte hpe tsun mu ai.

LUKA 23:2

Shanhte gaw, “Ndai wa gaw, anhte a amyu hpe lam woi shadam ai hte, hkawseng kaw hkanse bang na lam hkum da nna, shi hkum dai hkawhkam rai nngai, nga nna tsun nga ai hpe anhte mu ga ai,” ngu nna shi hpe mara shagun mu ai.

LUKA 3:1

Kehta Tiberi hkaw dung ai shi manga ning hta, Yuda mung e Pontu Pilat gaw munggyi aya hta, Galile mung e Herod gaw du aya hta, Ituri hte Trakuni ginwang hta e Herod a kanau Hpilip gaw du aya hta, Abili mung e Lusanu gaw du aya hta, rai shajang nga ma ai.

KASA 11:28

Shanhte hta na Agabu ngu ai wa rawt nna ga ntsa ting hta hku wa kaba wa na ra ai lam, Wenyi a atsam hte tau tsun dan mu ai. (Dai lam gaw Hkawseng Klawdi a prat e byin wa sai;)

KASA 26:32

Agripa mung Hpestu hpe, “Ndai wa shi lama Kehta kaw du na n hpyi taw gaw raw dat mai sai,” ngu nna tsun wu ai.

HPILIPI 4:22

Nang e nga nga ai Karai Kasang a masha ni nlang hte gaw, nanhte hpe shakram dat ma ai; Kehta Hkawhkam a htingnu na ni gaw grau nna alak mi shakram dat ma ai.