LUKA 20:22 - Jinghpaw Common Language Bible 2009

²² Anhte gaw Roma hkawseng wa kaw hkanse mai bang ga ni? N mai bang ga ni? Bang yang anhte a jep ai Tara hte anhte a matu nhtan shai a ni?, tsun dan mi,” ngu nna shi hpe san yu mu ai.

Jinghpaw Hanson Version Bible

²² anhte gaw Kehta hkawhkam hpe hkansi mai bang ga ni? n mai bang a ni?” ngu nna shi hpe san yu mu ai.

LUKA 20:22 ပူးပေါင်းရင်းမြစ်များ

EZRA 4:13

Anhte a madu hkawhkam e, ndai mare hpe bai de da nna de a bunghku ni ngut wa jang, amyu masha ni ahkun hkanse bang ai hpe jahkring kau na mara ai shaloi, hkawhkam hte seng ai ahkun banda yawm mat na ra ai.

EZRA 9:7

Anhte a ji wa ni a prat kaw nna dai ni du hkra, na a amyu masha rai nga ai anhte ni yubak kaba galaw shut kau saga ai. Anhte shut kau ai yubak ni a majaw anhte mung, anhte a hkawhkam ni hte hkinjawng ni maigan hkawhkam ni a lata de hkrat mat nna, htau sat ai mung, hpya lu hpya sha ai hte bawng rim ai mung hkrum sha saga ai. Dai ni du hkra pyi, anhte mahkra myi man sum nga ga ai.

NEHEMIA 5:4

Kaga ni mung, “Anhte a yi sun ni hte sabyi sun ni hte seng ai hkawhkam hkanse bang na matu, gumhpraw hkoi la shajang saga ai.

NEHEMIA 9:37

Anhte yubak galaw shut kau saga ai majaw anhte hpe nang up shangun ai hkawhkam ni mahtang mungdan kaw na shapraw ai sut rai lu la nga ma ai. Shanhte gaw anhte hte anhte a yam nga hpung ni hpe shanhte myit ra ai hku galaw ma ai, anhte gaw ja ja yawn hkyen ai hkrum shajang saga hka!”

MAHTE 17:25

Petru gaw, “Bang ga ai,” ngu wu ai. Ya Petru a nta hta shang bang wa yang, Yesu shi hpe shawng hkap tsun wu ai gaw, “Simun e, nang gara hku myit da wu ta? Ga ntsa Hkawhkam ni kang hte hkan se kadai kaw na hta ma ta? Mungchying sha ni kaw na hta ma ni? Shing n rai maigan masha ni kaw na hta ma ni?,” ngu wu ai.

LUKA 20:21

Dai kin-yu ni gaw, “Sara e, nang tsun sharin shaga ai lam ni gaw teng man nga ai hpe anhte chye ga ai. Nang gaw masha langai mi a arawng aya madang hpe myi man n tau ai sha, masha a matu Karai Kasang a myit ra ai lam hpe teng man ai hku sharin shaga ndai gaw anhte chye ga ai.

LUKA 20:23

Rai ti mung Yesu gaw, shanhte a myit magaw hpaji daw ai lam hpe mu chye ya mu ai rai nna shanhte hpe,

LUKA 23:2

Shanhte gaw, “Ndai wa gaw, anhte a amyu hpe lam woi shadam ai hte, hkawseng kaw hkanse bang na lam hkum da nna, shi hkum dai hkawhkam rai nngai, nga nna tsun nga ai hpe anhte mu ga ai,” ngu nna shi hpe mara shagun mu ai.

KASA 5:37

Dai hpang mung, Galile masha Yuda ngu ai wa yuptung jahpan hta ai ten hte yang paw pru nna, mung masha ni hpe shi hpang de lau la mu ai; shi mung sat kau ai hkrum nna shi a hpang hkan nang ai ni yawng bra ayai mat ma sai.

ROMA 13:7

Dai rai nna shanhte hpe nanhte jaw ang ai made jaw mu; nanhte jaw ra ai hkansi hte kang nga manga hte hpe jaw mu. Shanhte yawng hpe hkungga lara ai lam hte shagrau shareng ai lam galaw mu.

TARA JAHPRANG 17:15

Dai Madu lata da sai wa hpe sha hkawhkam tai wa na matu nanhte teng teng lata na rai myit dai. Shi gaw nanhte a amyu masha hta na langai mi rai lu na rai nga ai; maigan masha wa hpe nanhte a hkawhkam shatai lu na myit dai n rai.