LUKA 20:11 - Jinghpaw Common Language Bible 2009

¹¹ Bai mayam kaga hpe shangun dat wu ai, dai wa hpe mung shanhte anu kayat nna, kaya kahpa di zingri nhtawm, kaman dat dat mu ai.

Jinghpaw Hanson Version Bible

¹¹ Bai, mayam kaga hpe shi shanhte hpang de shangun dat wu ai: dai wa hpe mung shanhte anu kayat nna kaya kahpa di zingri nhtawm, kaman dat dat mu ai.

LUKA 20:11 ပူးပေါင်းရင်းမြစ်များ

HOSEA 10:1

Israela amyu masha ni gaw asi hpring hkra si ai sabyi hte bung nga ai. Shanhte ngamu ngamai wa magang, tawn hkungri ni hpe grau galaw magang rai ma ai. Shanhte a mungdan grau sut su wa magang shanhte nawku nna shanhte a lata hte galaw ai chyoi pra ai nlung shadaw ni grau tsawm wa rai nga ai.

MARKU 12:4

Dai hpang sun madu gaw, mayam kaga hpe shanhte hpang de bai shangun dat wu ai; shanhte gaw dai mayam a baw hpe kayat jahpye ya nna, shi hpe kaya kahpa jahkrum mu ai.

LUKA 20:10

Sabyi si di ai aten du jang, shi gaw mayam langai mi hpe, sabyi sun shap galaw sha ai ni kaw dat dat nna, sabyi mangai hta na shi lu la ang ai hkambum jaw manit, ngu nna sa hpyi shangun wu ai. Rai ti mung sun galaw ai ni gaw, dai mayam hpe anu kayat nna, kaman dat dat mu ai.

LUKA 20:12

Dai hpang, masum ngu na mayam hpe bai shangun dat wu ai, dai wa hpe mung ahpye alam nma kap hkra di nna shinggan de kabai shapraw kau mu ai.

KASA 7:52

Nanhte a nji nwa ni n zingri yu ai myihtoi kadai wa nga a ta? Shanhte gaw Karai Kasang a ding hpring nga ai shangun ma du sa na ra ai lam tau hkrau nna htawn tsun ai myihtoi ni hpe sat kau ma ai; ya nanhte mung dai wa hpe ap kau sat kau ai ni rai nga myit dai.

1 HTESALONI 2:2

Anhte gaw nanhte nga ai Htesaloni mare de garai n sa yang, Hpilipi mare e anhte hpe gara hku zingri zingrat ai hte asawng asang di ai hkrum sha saga ai hpe nanhte chye nga myit dai. Shing rai nhtan shai ninghkap ai lam law law nga ti mung, nanhte hpe Karai Kasang kaw na Kabu Gara Shiga tsun dan lu na matu anhte a Karai Kasang gaw anhte hpe nden marai jaw da mani ai.