LUKA 2:49 - Jinghpaw Common Language Bible 2009

⁴⁹ Shi gaw, “Hpa rai ngai hpe tam myit ta? Nye wa a nta e ngai nga lu na mai ai nan n chye myit ni?,” ngu nna shan hpe htan mu ai.

Jinghpaw Hanson Version Bible

⁴⁹ Shi gaw, “Hpa rai ngai hpe tam myit ta? Nye Wa hte seng ai lam hta ngai nga lu mai ai, nan n chye myit ni?” ngu nna shan hpe htan wu ai.

LUKA 2:49 ပူးပေါင်းရင်းမြစ်များ

SHAKAWN KUNGDAWN 40:8

Nye a Karai Kasang e, na a myit ra ai hku galaw na, ngai kade wa tsaw nga a hka! Na a sharin shaga ai lam hpe nye a myit kraw lawang hta ngai mazing da nga nngai,” ngu nna ngai htan ni ai.

MALAHKI 3:1

Chyahtum Chyalai N-gun rawng ai dai Madu gaw, “Nye a matu lam lajang ya na kasa hpe ngai shangun dat na nngai. Dai hpang nanhte hkan tam nga ai Madu gaw shi a Nawku Htingnu de akajawng sha sa wa na ra ai. Nanhte mu mayu nna marit nga ai dai kasa wa gaw du sa nhtawm nye a ga shaka htawn tsun na ra ai,” ngu nna htan wu ai.

MAHTE 21:12

Yesu gaw Nawku Htingnu de shang nna, dai Nawku Htingnu kata e rai dut rai mari rai nga ai ni yawng hpe shaden shapraw kau mu ai rai nna, gumhpraw galai byan ya ai ni a ku ni hte hkrudu dut ai ni a punghkum ni hpe kanawng kadawng shagum kau ya nhtawm,

LUKA 2:48

Shi hpe mu jang shan mau mat ma ai rai nna, shi a kanu gaw, “Ngai sha e, hpa rai an e ning di mi ta? Yu u, na nwa hte an grai myit ru myit tsang ai hte nang hpe hkan tam nga ga ai,” ngu nna shi hpe tsun mu ai.

YAWHAN 4:34

Dai rai nna Yesu gaw, “Ngai hpe shangun dat ai wa a myit ra ai hku hkan galaw na hte shi ap ya da ai magam bungli ngut kre hkra galaw na lam gaw nye a sha hpa rai nga li ai.

YAWHAN 5:17

Shaloi Yesu gaw, “Nye Wa gaw ya du hkra pyi amu galaw nga ai rai nna, ngai mung galaw lu na rai nga ai,” ngu nna shanhte hpe htan mu ai.

YAWHAN 5:36

Rai ti mung ngai lu ai sakse gaw Yawhan hkam ya ai sakse hta grau kaba li ai, hpa majaw nga yang, ngai galaw ai gaw, ngai gun hpai shangut na matu, nye Wa e ngai hpe ap ya ai amu ni rai nga ai rai nna, ya ngai gun hpai nga ai amu ni e pyi, ngai hpe nye Wa e shangun dat ai lam sakse hkam ya nga ai.

YAWHAN 6:38

Hpa majaw nga yang, sumsing lamu nna ngai yu sa ai gaw, nye a myit ra ai hku hkan galaw na matu yu sa nngai n rai; ngai hpe shangun dat ai wa a myit ra ai hku hkan galaw na she, yu sa ai rai nngai.

YAWHAN 8:29

Dai hta n ga, ngai hpe shangun dat ai wa gaw, ngai hte rau anga nga ai; shi sharawng awng ai amu hpe, ngai tut nawng agalaw nga nngai majaw, shi gaw ngai hpe hkrai sha n tawn kau da nngai,” ngu tsun wu ai.

YAWHAN 9:4

Shani ninghtoi naw rai nga dingsa gaw, ngai hpe shangun dat ai wa a magam amu hpe anhte gun hpai nga lu na rai nga ai. Kadai mung amu n gun n hpai lu ai shana ahkying du na ra ai.