LUKA 2:48 - Jinghpaw Common Language Bible 2009

⁴⁸ Shi hpe mu jang shan mau mat ma ai rai nna, shi a kanu gaw, “Ngai sha e, hpa rai an e ning di mi ta? Yu u, na nwa hte an grai myit ru myit tsang ai hte nang hpe hkan tam nga ga ai,” ngu nna shi hpe tsun mu ai.

Jinghpaw Hanson Version Bible

⁴⁸ Shi hpe mu jang shan mau mat ma ai rai nna, shi a kanu gaw, “Sha e, hpa rai an e ning di mi ta? yu u, nwa hte an myit ru myit tsang ai hte nang hpe hkan tam nga ga ai,” ngu nna shi hpe tsun wu ai.

LUKA 2:48 ပူးပေါင်းရင်းမြစ်များ

MAHTE 12:46

Shawa masha ni hpe Yesu ga naw shaga nga yang, shi a kanu hte kanau ni gaw, shi hte ga tsun na nga nna shinggan e la tsap nga ma ai.

LUKA 2:49

Shi gaw, “Hpa rai ngai hpe tam myit ta? Nye wa a nta e ngai nga lu na mai ai nan n chye myit ni?,” ngu nna shan hpe htan mu ai.

LUKA 3:23

Yesu amu galaw hpang ai shaloi asak sumshi ning daram rai wa sai; shi gaw masha ni a myit yu ai hte maren, Yosep a kasha rai nga ai; Yosep gaw Heli a kasha Heli gaw Mahtat a kasha, rai nga ai.

LUKA 4:22

Shanhte yawng shi a lam tsun shakawn ai hte, shi a n-gup hta na pru ai chyeju ga ni a majaw mau nga nna, “Ndai wa gaw Yosep a kasha n rai nga a ni?,” nga nna tsun shajang ma ai.

YAWHAN 1:45

Hpilip gaw Nahtanela hpe mu nna, “Mawshe gaw Tara Laika ni hta, myihtoi ni mung myihtoi laika ni hta, sha-ang nna ka da ai, Yosep a kasha Nazaret mare na Yesu hpe anhte mu sagaw ai,” ngu nna shi hpe tsun dan wu ai.