LUKA 2:40 - Jinghpaw Common Language Bible 2009

⁴⁰ Dai ma gaw kaba wa ai hte n gun lapyin ja wa nna, hpaji byeng-ya hte hpring nga ai; Karai Kasang a chyeju mung shi a ntsa e nga nga ai.

Jinghpaw Hanson Version Bible

⁴⁰ Dai ma gaw kaba wa ai hte n-gun lapyin ja wa nna, hpaji byeng-ya hte hpring nga ai; Karai Kasang a chyeju mung, shi a ntsa e anga nga ai.

LUKA 2:40 ပူးပေါင်းရင်းမြစ်များ

SHAKAWN KUNGDAWN 22:9

Nang gaw ngai hpe shangai wa ai shani kaw nna shim lum ai hte bau sin da ai wa nan rai nga ndai, Ngai ma chyangai naw rai nga yang, nang ngai hpe shim lum ai hte bau maka dat nit dai.

SHAKAWN KUNGDAWN 45:2

Nang gaw lasha ni hta ahpraw tsawm htum ai wa rai nga ndai; nang gaw ga shaga ningtam rawng ai wa rai nga ndai. Dai majaw Karai Kasang nang hpe tut nawng shaman ya nit dai.

LUKA 1:80

Dai ma gaw gawng shingyan kaba wa nna wenyi atsam hpring let, Israela masha ni kaw dan pru ai nhtoi du hkra, nam mali hkan e nga nga ai.

LUKA 2:47

Shi a ga na mana ni gaw, shi a bawnu hpaji kungzet ai ga san hte mahtai jaw ai lam ni a majaw mau nga ma ai.

LUKA 2:52

Yesu gaw gawng shingyan kaba wa nna, hpaji byeng-ya kung hpan wa ai hte, Karai Kasang a man e mung, masha a man e mung, myi man pa wa nga ai.

YAWHAN 1:14

Mungga gaw shinggyim hkum hkrang dagraw la nna, chyeju hte teng man ai hpring let anhte hta nga nga yu sai. Anhte gaw shi a hpung shingkang hpe mu lu sagaw ai. Dai hpung shingkang gaw Kawa Karai Kasang a Kasha shingtai ngu ai hpe shi hkam la lu ai lam rai nga ai.

KASA 4:33

Kasa ni mung, dai Madu Yesu a bai hkrung rawt wa ai lam hpe atsam kaba hte sakse hkam ma ai rai nna, Karai Kasang gaw shanhte mahkra a ntsa e shaman chyeju nhpaw n-ya ru jaw bun ya mu ai.

EHPESU 6:10

Hpang jahtum dai Madu hte langai sha tai ai hku nna mung, shi a hpung shingkang hte mung, nanhte a n-gun lapyin shagreng da nga mu.

2 TIMOHTI 2:1

Ngai sha e, na a matu chyawm gaw anhte a Hkristu Yesu hta langai sha tai nna asak hkrung ai a marang e lu la ai chyeju hta n-gun lapyin rawng nga u.

TARA AGYI 13:24

Dai numsha mung shadang sha shangai ai rai nna, shi hpe Samson ngu nna shamying wu ai. Dai ma mung kaba wa ai hte dai Madu shi hpe shaman ya wu ai.

1 SAMUELA 2:18

Ndai aten hta, dai ma Samuela gaw chyoi pra ai lachyit hpa hkai lawng hpun let dai Madu hpe matut nna daw jau wu ai.

1 SAMUELA 2:21

Dai Madu gaw Hana hpe shaman ya nu ai rai nna, shadang sha masum hte shayi sha lahkawng hte hpe bai shaprat wu ai. Dai ma Samuela mung dai Madu hpe daw jau ai amu galaw let kaba wa nga ai.

1 SAMUELA 2:26

Dai ma Samuela chyawm gaw matut kaba wa nna dai Madu a man e mung, masha a man e mung myi man pa nga ai.

1 SAMUELA 3:19

Samuela kaba wa sai rai nna, dai Madu gaw shi hte rau rai nga ai; Samuela tsun ai lam teng nga ai rai nna lam magup hpe galaw ya wu ai.