LUKA 2:4 - Jinghpaw Common Language Bible 2009

⁴ Yosep mung, Dawi a aru arat hte kashu kasha rai nga ai majaw, Galile mung na Nazaret mare kaw nna Yuda mung na Dawi hkawhkam a shangai daidaw buga rai nga ai Betlehem mare de lung wa ai.

Jinghpaw Hanson Version Bible

⁴ Yawsep mung, Dawi a kashu kasha hte aru arat rai nga ai majaw, Galile mung na Nazaret mare kaw nna, Yuda mung na Betlehem ngu ai Dawi a mare de,

LUKA 2:4 ပူးပေါင်းရင်းမြစ်များ

NINGPAWT NINGHPANG 35:19

Rahkela si mat ai shaloi, ya aten e Betlehem ngu nna tsun ai Ehprat de sa wa ai lam makau hta shi hpe lup makoi da mu ai.

NINGPAWT NINGHPANG 48:7

Ndai lam hpe na nnu Rahkela a majaw ngai galaw nga nngai. Mesopotamia mung kaw nna ngai bai nhtang wa ai shaloi, Ehprat mare hte nau n tsan ai Hkanan mung hta shi si mat nna ngai hpe yawn hkyen kaba jahkrum nu ai. Dai rai nna Ehprat de sa wa ai lam makau e shi hpe ngai lup makoi se ai,” ngu nna tsun wu ai. (Ehprat hpe ya aten e Betlehem ngu ai re.)

MIHKA 5:2

Dai Madu gaw, “Nang Betlehem Ehprat e, nang gaw Yuda mung na mare ni hta kaji htum rai nga ti mung, Israela a matu up hkang du langai nang kaw na pru wa na ra ai; shi a dinghku ru sai mung moi chyaloi nhkoi kaw nna nga nga ai wa rai nga ai,” ngu nna tsun ai.

MAHTE 1:20

Ya, shi ndai lam hpe naw myit aru yu nga yang, Madu a lamu kasa langai mi yupmang hta shi hpe hkum shadan dan nna, “Dawi a kasha Yosep e, Mari hpe na a madu jan hku hkap la na hkum hkrit et, hpa majaw nga yang, shi a na-um nasin gaw, dai Chyoi Pra Ai Wenyi a majaw byin wa ai rai nga ai.

MAHTE 2:23

Nazaret ngu ai mare hta dum nta hte rai anga nga ai. Dai rai nna, “Shi hpe Nazaret wa ngu na maru ai,” nga nna myihtoi ni tsun ai ga gaw dik wa sai.

LUKA 2:3

Shaloi masha mahkra gaw amying shalawm na matu, langai hte langai tinang a mare de wa ma ai.

LUKA 2:5

Shi gaw, shi mahtan da ai num Mari hte rau, amying wa bang na matu lung wa ai. Mari chyawm gaw na-um nasin hkum rai nga ai.

LUKA 4:16

Shaloi shi nga kaba wa ai Nazaret mare de du wa ai; shi a htung hte maren, Yuda Bansa shani e dai tara jawng de shi sa nna laika hti na rawt wu ai.

YAWHAN 1:46

Nahtanela gaw, “Nazaret mare na arai kaja lama mi pru lu a ni?,” ngu nna htan wu ai. Hpilip gaw “She sa yu rit,” ngu nna htan wu ai.

YAWHAN 7:42

Meshia gaw, Dawi a amyu lakung kaw na rai na ra ai, nga nna mung Dawi nga lai wa ai Betlehem mare kaw na she paw pru na ra ai, nga nna mung, Chyum Laika hta tsun nga ai n rai ni?,” nga nna tsun hkat ma ai.

RUHTA 1:19

Shan gaw hkawm sa wa nna, Betlehem de du shang wa ma ai. Shan mare de du shang wa ai shaloi, mare ting gaw shan a majaw yu kajawng ma ai hte dai mare na numsha ni gaw, “Ndai Naomi teng teng rai nga a ni?,” ngu nna shada da san shajang nga ma ai.

RUHTA 2:4

Loi hkring mi rai jang, Bua shi nan Betlehem mare kaw nna du sa wa nhtawm mam dan ai masha ni hpe, “Dai Madu gaw nanhte hte rau anga nga u ga law!,” ngu nna shakram let tsun wu ai. Shanhte gaw, “Dai Madu nang hpe shaman ya nga u ga!,” ngu nna htan ma ai.

RUHTA 4:11

Mare a ningbaw ni hte kaga masha ni mung, “Rai sa, anhte gaw sakse ni rai nga saga ai. Yaku hpe kasha law law shaprat ya ai Rahkela hte Lea yan zawn na a madu jan hpe dai Madu hpajang ya nga u ga. Nang mung Ehprat a amyu lakying hta sut su ngamu ngamai wa ai hte Betlehem mare hta kajai gumhkawng wa nu ga.

RUHTA 4:17

Shi a htingbu jan ni mung sa nna ma dai hpe Obed ngu shamying ya ma ai. Shanhte langai hte langai mung, “Naomi hta shadang sha langai lu nu ai!,” ngu nna tsun ma ai. Obed gaw Dawi a kawa Yese hpe shaprat wu ai.

1 SAMUELA 16:1

Dai Madu gaw Samuela hpe, “Shawlu a majaw nang kaden du hkra yawn nga na ngu n ta? Ngai shi hpe Israela hkawhkam aya kaw nna jahkrat kau ni ai. Rai ti mung, ya chyawm gaw tsanlun sau loi mi la lang nhtawm Yese mying ai wa nga ai Betlehem mare de sa wa su, hpa majaw nga yang, ngai gaw shi a shadang sha langai mi hpe hkawhkam shatai na san da ni ai,” ngu nna tsun wu ai.

1 SAMUELA 16:4

Samuela mung dai Madu shi hpe tsun ai hte maren galaw nhtawm Betlehem mare de sa mat wa wu ai; dai yang e mare ningbaw ni gaw hkrit kajawng ai hte shi hpe sa hkrum let, “Myi san wa e, ndai gaw ngwi pyaw sim sa ai hte seng ai hkawm chyai lam rai nga a ni?,” ngu nna hkap san ma ai.

1 SAMUELA 17:12

Dawi gaw Ehprat ngu ai Yuda mung Betlehem mare hta nga ai Yese a kasha rai nga ai. Yese gaw kasha matsat lu ai rai nna Shawlu hkawhkam a lakhtak e shi gaw grai dingla ugut gu nga sanu ai.

1 SAMUELA 17:58

Shawlu gaw shi hpe, “Shabrang wa e, nang kade kasha rai n ta?,” ngu nna san wu ai. Shaloi Dawi mung, “Ngai gaw Betlehem mare na na a shangun ma Yese a kasha rai nga nngai,” ngu nna htan wu ai.

1 SAMUELA 20:6

Na nwa gaw sha ku e ngai n lawm ai hpe dum jang, nye a dinghku ting a matu shaning shagu galaw ai hkungga nawng ya ai aten du ai majaw, Betlehem nta de tin tin gat wa na nga, nang kaw akroi anoi ahkang hpyi se ai lam, shi hpe tsun dan u.