LUKA 2:38 - Jinghpaw Common Language Bible 2009

³⁸ Shi mung dai ahkying e nan du sa wa nna Karai Kasang hpe shakawn kungdawn let, Yerusalem hpe hkye hkrang la na lam myit mada nga ai ni yawng hte hpe dai ma a lam tsun dan mu ai.

Jinghpaw Hanson Version Bible

³⁸ Shi mung dai ahkying e nan sit sa nna, Karai Kasang hpe shakawn kungdawn let, Yerusalem hpe hkye hkrang la na lam myit mada ai ni nlang hte hpe, dai ma a lam tsun dan mu ai.

LUKA 2:38 ပူးပေါင်းရင်းမြစ်များ

MARKU 15:43

Ya dai Laban Nhtoi a shawng shani ngu ai, shachyip da ai nhtoi rai nga ai majaw, Yosep gaw Pilat a man de gwi gwi shang nna Yesu a hkum tsawp moi mang hpe hpyi wu ai.

LUKA 1:68

“Dai Madu Israela a Karai Kasang hpe shakawn kungdawn shagrau sha-a nga ga law! Shi a amyu Israela hpe karum la na kawan yu sa nna shanhte hpe shalawt dat nu ai.

LUKA 2:25

Dai ten hta Simun mying ai masha langai mi Yerusalem mare e nga ai, dai wa gaw ding hpring ai hte Karai Kasang hpe hkrit hkungga nna, Israela hpe hkye hkrang la na lam myit mada ala nga ai wa rai nga ai.

LUKA 2:36

Dai hta n-ga, Ashe amyu lakung hta na Hpanuela ngu ai wa a shayi sha, asak grai kaba sai gaida jan Anna ngu ai num myihtoi langai mi nga ai. Shi gaw hkungran ai kaw nna, sanit ning du hkra sha madu wa hte nga nhtawm, matsat shi mali ning tup gaida nga ai.

LUKA 23:51

Shi gaw Yuda amyu mung bawng salang hpung hta lawm ai wa langai mi rai nga ai rai ti mung, shanhte a bawng daw dan ai hte galaw ai lam hpe myit n hkrum lawm wu ai.

LUKA 24:21

Anhte chyawm gaw, dai wa gaw Israela amyu hpe shalawt dat na ra ai wa rai na re! ngu nna myit mada ga ai. Shing rai, dai lam ni byin lai wa ai pyi gaw, dai ni masum ya na wa sai.

2 KORINHTU 9:15

Manu sawn n dang lu ai Karai Kasang a chyeju kumhpaw kumhpa a majaw shi hpe chyeju shakawn nga ga law!

EHPESU 1:3

Anhte a Madu Yesu a Kawa rai nga ai Karai Kasang hpe chyeju dum shakawn ga law! Hpa majaw nga yang anhte Hkristu hte langai sha tai lu ai a marang e shi gaw sumsing lamu lahta tang hta e wenyi hte seng ai shaman chyeju lam shagu hpe jaw ya nga mani ai.