LUKA 2:32 - Jinghpaw Common Language Bible 2009

³² Maigan amyu ni a man e na a myit ra ai lam shadan dan na nhtoi hte, na a amyu Israela a matu hpung shingkang jaw ya na lam rai nga ai,” nga nna tsun ai.

Jinghpaw Hanson Version Bible

³² Na amyu Israela a hpung shingkang matu rai nga ai, Na a hkye hkrang la ai lam hpe, nye a myi hte chyaw ngai mu lu se ai,” nga nna tsun ai.

LUKA 2:32 ပူးပေါင်းရင်းမြစ်များ

SHAKAWN KUNGDAWN 85:9

Shi hpe shagrau sha-a ai ni hpe shi hkye hkrang la na, kaja wa, jin jin rai nga ai; shi a hkye hkrang la ai hpung shingkang gaw anhte a lamu ga hta nga nga na ra ai.

ESAIA 11:10

Dawi a hkawhkam aru asai kaw nna hkawhkam nnan gaw masha amyu baw ni a matu masat kumla tai na ra ai nhtoi gaw du wa nga ai. Shanhte gaw shi a hkawhkam htingnu mare hta zup hpawng nna shi hpe shagrau sha-a na mara ai.

ESAIA 4:2

Dai Madu gaw hpun lawn hte hpun shagu hte hpe lamu ga hta tu kaba wa shangun ai hte tsawm htap shangun na ra ai. Asak naw hkrung nga ai Israela amyu masha ni gaw dai lamu ga na shapraw ya ai nsi naisi a majaw kabu awng sharawng ai hte gumrawng wa na mara ai.

ESAIA 45:25

Dai Madu ngai nan Yaku a aru arat ni yawng hpe hkye mawai la na nngai, shanhte gaw ngai hpe shakawn kungdawn wa na mara ai.

ESAIA 49:6

Dai Madu gaw ngai hpe, “Nye a shangun ma wa e, ngai gaw na a matu bungli grau kaba ai langai lu nngai. Naw ngam nga ai Israela amyu masha ni hpe galu kaba lam jaw ya na matu sha n rai nga ai; rai ti mung ngai gaw nang hpe masha amyu ni a matu nhtoi shatai na we ai, shaloi mungkan yawng gaw hkye hkrang la hkrum na ma ai,” ngu nna tsun ai.

ESAIA 49:9

Ngai gaw bawng dung ai masha ni hpe, ‘Ndut ndang pru wa manu!,’ ngu nna mung, nsin kata e rawng nga ai ni hpe, ‘Nhtoi de pru wa marit!,’ ngu nna mung tsun na nngai. Shanhte gaw kawng ni hkan ushat sha nga ai sagu ni zawn tai na mara ai,

ESAIA 51:4

“Nye a amyu masha ni e, nye a ga madat mara mu, ngai tsun ai ga hpe madat mu: Ngai gaw masha amyu baw ni hpe nye a sharin shaga ga jaw nngai; nye a tara ni gaw shanhte a matu nhtoi tai na ra ai.

ESAIA 60:19

“Ajan gaw na a matu shani na nhtoi tai sana n rai, Shata gaw na a matu shana na nhtoi tai sana n rai; Dai Madu ngai gaw na a matu htani htana nhtoi tai nga na nngai; Nye a hpung shingkang a nhtoi gaw na a ntsa e htoi tu nga na ra ai.

ESAIA 9:2

Nsin kata hta hkawm nga ai amyu masha ni gaw nhtoi kaba hpe mu lu manu ai. Shanhte gaw si hkrung si htan mung na shingnip ni hta nga nga ma ai, rai ti mung ya chyawm gaw dai nhtoi shanhte a ntsa e htoi leng nga sai.

YEREMIA 2:11

Kaga amyu baw gaw shanhte a karai ni ajet n rai nga tim pyi galoi mung n galai kau yu ma ai. Rai ti mung nye a amyu masha ni chyawm gaw shanhte hpe arawng sadang jaw ya ai Karai Kasang hpe shanhte a matu hpa mung n galaw ya lu ai karai ni hte ngai hpe galai kau manu ai.

ZEHKARIA 2:5

Dai Madu chyawm gaw dai mare hpe makawp maga na matu mare grup grup e shi nan wan bunghku tai nna, shi a hpung shingkang hte dai yang e shanu nga na nngai, nga nna ga sadi jaw da nu ai,” nga nna tsun dan wu ai.

MAHTE 4:16

nsin kata e nga pra nga ai masha ni gaw, nhtoi kaba hpe mu lu na mara ai, si ai mung hte de a shingnip kata e nga pra nga ai ni a ntsa de nhtoi dawng pru na ra ai,” nga nna htawn tsun ai.

LUKA 2:10

Rai ti mung, lamu kasa gaw, “Hkum hkrit myit! Masha nlang a matu nachying kabu gara mai ai shi ga ngai nanhte kaw gun sa ring ngai.

LUKA 2:31

masha amyu ni yawng mu lu na matu nang lajang nu ai:

KASA 26:23

Meshia gaw nni nkri hkrum lu na hte si ai ni kaw na shawng hkrung rawt wa nna, Israela amyu masha ni hte maigan masha ni hpe hkye hkrang la ai nhtoi hkaw tsun shana ya na ra ai ngu ai lam myihtoi ni hte Mawshe hkaw tsun lai wa sai hte maren byin wa na ra ai ngu ai lam rai nga ai,” ngu wu ai.

KASA 28:28

Hpungdim hku nna Pawlu gaw, “Dai re ai majaw Karai Kasang a hkye hkrang la ai mungga hpe maigan amyu ni hpang de jaw dat nu ai rai nna shanhte mahtang madat mara hta la na mara ai gaw nanhte nan chye nga mu law!,” ngu mu ai.

1 KORINHTU 1:31

Dai re ai majaw, Chyum laika hta tsun ai hte maren, “Kadai rai ti mung, gumrawng gumtawng mayu ai wa gaw, Karai Kasang galaw ai amu bungli a matu sha gumrawng gumtawng nga u ga.

SHINGRAN 21:23

Dai mare hpe jahtoi ya na matu jan, shata mung n ra nga ai. Hpa majaw nga yang, Karai Kasang a hpung shingkang gaw dai mare hpe jahtoi ya nna, Sagu Kasha gaw de a pyengdin rai nga ai.