LUKA 2:28 - Jinghpaw Common Language Bible 2009

²⁸ Shaloi, Simun gaw shi a lata hte dai ma hpe pawn la nna Karai Kasang hpe chyeju dum shagrau sha-a let:

Jinghpaw Hanson Version Bible

²⁸ Simun gaw shi a lata hte dai ma hpe pawn la nna Karai Kasang hpe shakawn sha-a let,

LUKA 2:28 ပူးပေါင်းရင်းမြစ်များ

SHAKAWN KUNGDAWN 32:11

Ding hpring ai ni e, Madu galaw dan sai amu a majaw, kabu gara ai hte pyaw pyaw rai nga mu. Shi a ga madat mara ai ni e, kabu gara marawn jahtau nga mu law!

MARKU 10:16

Shaloi ma ni hpe shi a lata hte pawn la nna, shanhte langai hte langai a ntsa e lata mara let shaman ya mu ai.

MARKU 9:36

Dai hpang ma kaji langai mi hpe shaga la nna shanhte a shawng e shatsap tawn wu ai. Shi gaw ma hpe shi lata lahkawng hte jum ahpum la tawn nhtawm,

LUKA 1:46

Shaloi Mari gaw, “Nye a myit masin dai Madu hpe shagrau li ai;

LUKA 1:64

Dai hkring mi hta shi a n-gup hpaw ai hte shinglet yan nna ga bai lu shaga nu ai rai nna Karai Kasang hpe shakawn kungdawn nga ai.

LUKA 1:68

“Dai Madu Israela a Karai Kasang hpe shakawn kungdawn shagrau sha-a nga ga law! Shi a amyu Israela hpe karum la na kawan yu sa nna shanhte hpe shalawt dat nu ai.

LUKA 2:20

Sagu rem ai ni mung shanhte wa nna, shanhte hpe lamu kasa tsun dan manu ai hte maren, na la, mu la, ai lam mahkra a majaw, Karai Kasang hpe shagrau sha-a nna, shakawn kungdawn let bai wa ma ai.

LUKA 2:27

Dai wa gaw Nawku Htingnu kata de Wenyi hte du sa ai. Kanu yan kawa gaw ma Yesu hpe tara htung hte maren di ya na woi sa ma ai.

LUKA 2:29

“Ya, N-gawn Madu e, na a ga sadi tawn da nit dai hte maren, na a shangun ma wa hpe ngwi pyaw ai hte wa shangun dat nit ga law.

YAWSHU 22:33

Israela amyu masha ni myit pyaw myit dik ai hte Karai Kasang hpe shakawn kungdawn ma ai. Rubin Gad amyu masha ni nga ai mung hpe gasat jahten kau na lam galoi mung n shaga yu manu ai.