LUKA 2:25 - Jinghpaw Common Language Bible 2009

²⁵ Dai ten hta Simun mying ai masha langai mi Yerusalem mare e nga ai, dai wa gaw ding hpring ai hte Karai Kasang hpe hkrit hkungga nna, Israela hpe hkye hkrang la na lam myit mada ala nga ai wa rai nga ai.

Jinghpaw Hanson Version Bible

²⁵ Ya, yu mu, Simun mying ai masha langai mi Yerusalem mare e nga ai: dai wa gaw dinghpring ai hte tara hkungga nna, Israela hpe shalan shabran na lam myit mada nga ai wa rai nga ai; dai Chyoi pra ai Wenyi mung shi a ntsa e nga nga ai.

LUKA 2:25 ပူးပေါင်းရင်းမြစ်များ

NINGPAWT NINGHPANG 6:9

Da ndai gaw Noa a maumwi rai nga ai. Shi gaw shadang sha masum lu ai; dai ni gaw Shem, Ham, hte Yahpet ni rai nga ai. Noa gaw yubak mara hpa mung n lu ai hte shi a aten hta shi chyu sha mai kaja ai wa rai nga ai. Shi gaw Karai Kasang hte rau kanawn mazum let hkrung nga ai.

YOBA 1:1

Yoba mying ai wa gaw Uza mung e nga nga nna Karai Kasang hpe nawku ai hte shi hta sadi dung ai wa rai nga ai. Shi gaw mai kaja ai masha langai mi rai nna, sadi sahka hte n hkru n hkra ai amu hpa mung n galaw ai wa rai nga ai.

YOBA 1:8

Dai Madu gaw, “Nye a shangun ma Yoba hpe nang matsing da wu ni? Shi gaw kam sham nna mai kaja ai wa rai nhtawm shi zawn re ai mi ginding aga ntsa e kadai n nga nga ai. Shi gaw ngai hpe nawku nna sadi sahka hte n hkru n hkra ai amu hpa mung n galaw nga ai,” ngu nna san wu ai.

ESAIA 25:9

Dai lam byin wa ai shaloi, masha hkum shagu gaw, “Shi gaw anhte a Karai Kasang rai nga a hka! Anhte shi hpe kam hpa saga ai, shi gaw anhte hpe hkye mawai la nu ai. Shi gaw dai Madu rai nga ai! Anhte shi hpe kam hpa saga ai, ya chyawm gaw shi anhte hpe hkye la mi ai majaw, anhte kabu gara ai hte awng sharawng nga ga ai,” ngu nna tsun na mara ai.

ESAIA 40:1

Anhte a Karai Kasang gaw, “Nye a amyu masha ni hpe shalan shabran mu, shanhte hpe shalan shabran mu!

MIHKA 6:8

N rai law, dai Madu gaw anhte hpe mai kaja ai amu galaw na matu she hkang da sai. Anhte kaw na shi hpyi ai gaw ndai lam rai nga ai: “Teng man ai amu galaw na lam, dinggrin tsaw ra myit madun dan na lam, anhte a Karai Kasang hte kanawn mazum ai hta myit grit myit nem hte asak hkrung hkawm nga na lam ni hpe sha, shi hpyi nga ai.”

BU HKAWM 11:25

Dai Madu gaw sumwi hta yu hkrat wa nhtawm shi hpe ga shaga wu ai. Shi gaw Mawshe hpe jaw ya ai wenyi nkau mi hpe la nhtawm ningbaw sanit shi hte hpe jaw wu ai. Dai wenyi shanhte hta du jang, myihtoi ni zawn aten kadun mi hta marawn jahtau hpang wa ma ai.

BU HKAWM 11:29

Mawshe gaw, “Ngai hte seng ai amu hta myit hkan tsang nga n ni? Dai Madu gaw shi a amyu masha ni yawng hpe wenyi jaw ya nna myihtoi ni zawn shanhte yawng hpe marawn jahtau shangun na, ngai ra sharawng nga nngai!,” ngu nna htan wu ai.

MARKU 15:43

Ya dai Laban Nhtoi a shawng shani ngu ai, shachyip da ai nhtoi rai nga ai majaw, Yosep gaw Pilat a man de gwi gwi shang nna Yesu a hkum tsawp moi mang hpe hpyi wu ai.

LUKA 1:41

Mari hkrum shaga ai ga Elisabet na jang, shi a hkritung na ma gaw gumlawt nga ai.

LUKA 1:6

Dai yan gaw Karai Kasang a man e ding hpring ai yan rai nga ma ai. Shan gaw Madu a jep ai tara nga manga hte hkang da mada yawng hpe htep lahti hkan nang ma ai.

LUKA 1:67

Shaloi Yawhan a kawa Zahkaria gaw Chyoi pra ai Wenyi hte hpring wa nna, myihtoi ga hku tsun wu ai gaw:

LUKA 2:38

Shi mung dai ahkying e nan du sa wa nna Karai Kasang hpe shakawn kungdawn let, Yerusalem hpe hkye hkrang la na lam myit mada nga ai ni yawng hte hpe dai ma a lam tsun dan mu ai.

LUKA 23:51

Shi gaw Yuda amyu mung bawng salang hpung hta lawm ai wa langai mi rai nga ai rai ti mung, shanhte a bawng daw dan ai hte galaw ai lam hpe myit n hkrum lawm wu ai.

KASA 10:2

Shi gaw tara hkungga ai wa rai nna shi hte shi a nta dinghku masha ni yawng Karai Kasang hpe hkrit hkungga nawku daw jau ma ai. Shi gaw matsan mayan re ai Yuda masha ni hpe mung alu law law jaw ai hte karum madi shadaw let Karai Kasang kaw tut tut akyu hpyi nga ai.

KASA 10:22

Shanhte gaw, “Anhte hpe hpyen latsa up ai du wa Korneli shangun dat mi ai. Shi gaw kaja ai masha langai mi rai nna Karai Kasang hpe hkrit hkungga ai hte Yuda amyu ting a man e grai myi man pa ai, hkungga lara hkrum ai wa rai nga ai. Karai Kasang a Lamu Kasa langai mi gaw, nang hpe Korneli shi a nta de shaga bang nna nang tsun ai ga madat la na lam hkang da nu ai,” ngu nna tsun mu ai.

KASA 2:5

Dai aten hta mungkan ting na mungdan langai hte langai hta nga ai tara hkungga ai Yuda masha ni Yerusalem mare e nga nga ma ai.

KASA 24:16

Dai rai nna ngai gaw Karai Kasang a man e mung, masha a man e mung, ra n rawng ai sha tut nawng htauli htaula myit san pra nga lu hkra atsam htum hkra a shaja nga nngai.

TARA JAHPRANG 18:15

Shing rai na malai, nanhte a amyu masha ni hta na ngai zawn re ai myihtoi langai mi, shi nanhte hpang de shangun dat ya na rai wu ai. Shing rai shi a ga hpe nanhte madat mara hkan sa lu na rai myit dai.

2 PETRU 1:21

Hpa majaw nga yang, gara myihtoi ga mung masha a myit ra myit jasat ai hku nna byin pru wa ai n rai; chyoi pra ai wenyi myit shadut ya hkrum ai masha ni gaw Karai Kasang kaw na du ai mungga hpe htawn tsun ma ai.