LUKA 2:13 - Jinghpaw Common Language Bible 2009

¹³ Ya, dai lamu kasa hte rau, lamu na lamu kasa wunawng wuwa ga daga, akajawng sha dan pru nna, Karai Kasang hpe shakawn kungdawn let,

Jinghpaw Hanson Version Bible

¹³ Ya, dai lamu kasa hte rau, lamu na wunawng wuwa ga daga, akajawng sha dan pru nna, Karai Kasang hpe shakawn kungdawn let,

LUKA 2:13 ပူးပေါင်းရင်းမြစ်များ

NINGPAWT NINGHPANG 28:12

Dai shaloi ginding aga kaw nna lamu du hkra hkap ai lakang langai mi hta lamu kasa ni lung lung yu yu re ai yup mang hpe shi mu wu ai.

1 HKAWHKAM 22:19

Mihkaia gaw ning ngu nna matut tsun wu ai: “Dai Madu hpa tsun ai ga hpe ya madat u! Dai Madu gaw sumsing lamu na shi a tingnyang hta dung nga nna, shi a lamu kasa ni yawng mung shi a makau e tsap nga ma ai hpe ngai mu nngai.

YOBA 38:7

Dai shani a jahpawt nhtoi htoi wa ai aten hta shagan ni rau sha mahkawn shakawn nna, sumsing sha ni kabu gara jahtau garu ma ai.

SHAKAWN KUNGDAWN 148:2

Shi a lamu kasa ni yawng hte e, shi hpe shakawn mu: Sumsing lamu hte seng ai shi a hpyen luksuk ni yawng hte e, shi hpe kungdawn mu.

SHAKAWN KUNGDAWN 68:17

Dai Madu gaw hkying mun law la nna, n-gun rawng ai shi a hpyen leng ni hte Sina kaw nna chyoi pra ai shara de sa wa nga ai.

EZEKELA 3:12

Dai hpang, Karai Kasang a wenyi gaw ngai hpe pawn mat wa nna, nye a shingdu e, “Sumsing lamu lahta tang hta dai Madu a hpung shingkang hpe shakawn mu!,” nga nna ja ja wu kade ai hte tsun ai nsen hpe ngai na nngai.

Daniela 7:10

dai kaw nna hka shi langai zawn grung nga ai wan lwi pru nga ai. Shi hpe daw jau na matu masha hkying hkying law ai ni nga nna, wan wan re ai masha ni shi a man e tsap nga ma ai. Dai tara rung gaw jeyang na lamang ni hpe galaw hpang wa let laika buk ni hpe hpaw da nga ai.

LUKA 15:10

Dai hte maren, ngai nanhte hpe tsun made ga, Karai Kasang a lamu kasa ni gaw, yubak kap ai masha langai mi myit malai lu ai majaw kabu gara rai nga ai,” ngu mu ai.

LUKA 2:12

Ma chyangai langai mi nbat hte kayawp nna ushat wakang hta kaleng taw nga ai hpe nanhte mu na marin dai; dai gaw shangai wa sai ma teng teng rai nga ai lam nanhte chye lu na matu kumla rai na ra ai,” ngu nna shanhte hpe tsun mu ai.

LUKA 2:14

“Matsaw lahta tang e Karai Kasang gaw hpung shingkang rawng nga u ga; Ga ntsa e mung, shi sharawng awng ai masha ni hta, ngwi pyaw ai gaw anga nga nu ga law!” nga ma ai.

EHPESU 3:10

Shing rai galaw ai lam gaw lamu kasa hte seng ai up hkang ai ni hte sumsing mungdan kata na n- gun atsam ni gaw Madu a hpaji byeng-ya amyu myu hpe ya aten hta nawku hpung marang e sharin chye la shangun na matu rai nga ai.

1 TIMOHTI 3:16

Anhte a nawku htung makam masham a sung htum ai lam gaw gade kaba la nga ai hpe kadai mung ningdang shara n nga ai gaw lawu de na hte maren rai nga ai. Shinggyim masha a hkum hkrang hte dan pru wa ai hte ding hpring ai wa rai nga ai lam dai Chyoi pra ai Wenyi e shadan dan sai, lamu kasa ni mung shi hpe mu lu manu ai. Shi a lam masha amyu yawng hpe htawn tsun dan manu ai. Mungkan masha ni shi hpe kam sham masai, shing rai shi gaw sumsing lamu de shalun la ai hkrum nu ai.

HEBRE 1:14

Dai rai yang gaw, lamu kasa ni gaw kadai ni rai nga ma ta? Shanhte gaw hkye hkrang la ai sali wunli hkam la na ni hpe karum na matu Karai Kasang e shangun dat hkrum ai hte Karai Kasang hpe daw jau nga ai wenyi ni rai ma ai.

1 PETRU 1:12

Shanhte shachyen nga ai hkaw tsun ai amu gaw shanhte a akyu ara a matu n rai; nanhte a matu rai nga ai lam Karai Kasang gaw ndai myihtoi ni hpe shadan dan manu ai. Nanhte hpang de dai Kabu Gara Shiga la sa wa ai ni gaw dai myihtoi ni tau hkrau nna hkaw tsun ai ni hpe sumsing lamu kaw nna shangun dat ai Chyoi Pra ai Wenyi a n-gun atsam hte nanhte hpe tsun madun dan ai majaw nanhte na lu manit dai. Ndai lam hpe lamu kasa ni pyi chye na mayu ma ai.

SHINGRAN 5:11

Dai hpang ngai bai yu dat yang, dai tingnyang a grup yin e mung, dusat amyu mali hte salang ni a grup yin e mung, tsap nga ai lamu kasa ni a nsen hpe ngai na nngai. Dai lamu kasa ni gaw, mun, sen, wan, a htam law law hti n dang hkra rai nga ma ai.