LUKA 2:1 - Jinghpaw Common Language Bible 2009

¹ Dai ten e, Roma mungdan ting hta nga ai masha jahpan hta la na matu, Roma hkawseng Augustu kaw nna mungga shapraw dat wu ai.

Jinghpaw Hanson Version Bible

¹ Dai nhtoi hte hta e, mungkan ting hpe jahpan la na, Kehta hkawhkam Agustu kaw nna mungga pru ai.

LUKA 2:1 ပူးပေါင်းရင်းမြစ်များ

ESHTA 10:1

Hkawhkam Ahasuru gaw shi a hkawseng mungdan na hkin-gau mayan ginwang ni hkan nga ai masha ni hpe mung, mungdan kata de nga ai ni hpe mung bungli laja lana galaw na hkang da nga wu ai.

MAHTE 22:17

Dai rai nna nang myit ai hku anhte hpe tsun dan mi: Kehta Hkawhkam kaw hkanse mai bang a ni? N mai bang a ni? Tara hte nhtan shai a ni? Anhte hpe tsun dan mi,” ngu mu ai.

MAHTE 24:14

Dai mungdan a Kabu Gara Shiga a lam hpe, masha amyu baw shagu a matu mara sakse tai u ga, mungkan ting hta e hkaw dan lu na rai nga ai; dai hpang e jahtum nhtoi gaw du na ra ai.

MARKU 14:9

Ngai nanhte hpe teng teng tsun made ai gaw, dai Kabu Gara Shiga hpe mungkan ting hkaw tsun ai shara shagu hta e, shi hpe dum na matu ya shi galaw ai amu hpe hkai dan na maru ai,” ngu nna tsun mu ai.

MARKU 16:15

Bai shi shanhte hpe, “Nanhte mungkan ting chyam hkra hkawm sa nna shinggyim masha amyu baw shagu hpe, dai Kabu Gara Shiga hkaw dan mu.

LUKA 2:3

Shaloi masha mahkra gaw amying shalawm na matu, langai hte langai tinang a mare de wa ma ai.

LUKA 2:5

Shi gaw, shi mahtan da ai num Mari hte rau, amying wa bang na matu lung wa ai. Mari chyawm gaw na-um nasin hkum rai nga ai.

LUKA 3:1

Kehta Tiberi hkaw dung ai shi manga ning hta, Yuda mung e Pontu Pilat gaw munggyi aya hta, Galile mung e Herod gaw du aya hta, Ituri hte Trakuni ginwang hta e Herod a kanau Hpilip gaw du aya hta, Abili mung e Lusanu gaw du aya hta, rai shajang nga ma ai.

KASA 11:28

Shanhte hta na Agabu ngu ai wa rawt nna ga ntsa ting hta hku wa kaba wa na ra ai lam, Wenyi a atsam hte tau tsun dan mu ai. (Dai lam gaw Hkawseng Klawdi a prat e byin wa sai;)

KASA 25:11

Lama wa ngai tara hpe tawt lai nna si ging ai mara lama ma galaw kau ai rai yang ngai hpe shalawt dat na matu ngai hpyi nem na n rai. Rai ti mung, ndai ni ngai hpe shagun ai mara langai mi mung n teng yang gaw, shanhte a lata de ngai hpe kadai wa ap kau lu na n rai. Ngai hpe Hkawhkam Kehta hkum nan jeyang daw dan ya na matu hpyi lajin nngai” ngu nna htan wu ai.

KASA 25:21

Rai ti mung Pawlu gaw shi a lam Kehta Hkawhkam she daw dan ya u ga, shi hpe naw sin da na hpyi nga ai. Dai majaw hkawseng hpang de shi hpe ngai sa dat lu ai aten du hkra sin da na shi a matu ngai hkang da ni ai,” ngu nna tsun da wu ai.

ROMA 1:8

Nanhte a kam sham ai gaw mungkan ting chyam hkra kajai gumhkawng wa sai majaw Yesu Hkristu a jaw e nanhte mahkra a matu mara, nye a Karai Kasang hpe ngai shawng chyeju dum shakawn kungdawn nngai.

HPILIPI 4:22

Nang e nga nga ai Karai Kasang a masha ni nlang hte gaw, nanhte hpe shakram dat ma ai; Kehta Hkawhkam a htingnu na ni gaw grau nna alak mi shakram dat ma ai.