LUKA 19:47 - Jinghpaw Common Language Bible 2009

⁴⁷ Shi gaw shani shanang Nawku Htingnu e sharin shaga let nga nga ai. Hkinjawng kaba ni, Tara sara ni Yuda amyu masha ni a ningbaw ningla ni mahtang gaw, shi hpe sat kau mayu da mu ai,

Jinghpaw Hanson Version Bible

⁴⁷ Shi gaw shani shanang nawku Htingnu e sharin shaga let nga nga ai. Hkinjawng kaba ni, laika ka ai sara ni hte, mung a agyi salang ni mahtang gaw, shi hpe sat kau lu na lam tam ma ai:

LUKA 19:47 ပူးပေါင်းရင်းမြစ်များ

MAHTE 21:23

Yesu gaw Nawku Htingnu de bai du wa nna sharin shaga nga yang, hkinjawng agyi ni hte, mung masha ni a agyi salang ni, shi kaw sit sa nna, “Nang gaw hpa ahkang hte ndai hte hpe galaw nga n ta? Ndai ahkang nang hpe kadai jaw a ta?,” ngu mu ai.

MAHTE 26:55

Dai hpang Yesu gaw shawa masha ni hpe, “Damya hpe rim la ai zawn, ngai hpe rim la na, nanhte nhtu, dawhkrawng hte pru sa wa marin ni? Ngai shani shagu Nawku Htingnu hta e dung nna sharin shaga nga ai ten hta, nanhte ngai hpe n rim la manit dai.

MARKU 11:18

Hkinjawng agyi ni hte tara sara ni, dai hpe na ma yang, shi hpe sat kau na lam tam ma ai. Shanhte gaw shi hpe hkrit da mu ai, hpa majaw nga yang, shawa masha ni yawng hte gaw, shi sharin shaga ai lam hpe mau mahka nga ma ai.

MARKU 12:12

Yuda ningbaw ningla ni gaw, Yesu hpe rim la na shakut ma ai, hpa majaw nga yang, ndai ga shadawn gaw shanhte hpe sha-ang nna ngu jaw ai re hpe shanhte chye nga ma ai. Rai ti mung shanhte gaw shawa masha ni hpe hkrit da mu ai rai nna shi hpe kau da nna pru mat wa ma ai.

MARKU 14:1

Ya, Shalai Wa ai Poi hte matsi n rawng ai muk sha ai Azuma poi du na lahkawng ya sha ra sai. Shaloi hkinjawng agyi ni hte Tara Sara ni gaw Yesu hpe kaning di nna makoi magap ai hku rim la nhtawm sat kau lu na lam tam nga ma ai.

MARKU 14:49

Shani shagu nanhte hte rau Nawku Htingnu e sharin shaga let nga nga yang, nanhte ngai hpe n rim la manit dai. Rai ti mung Chyum Laika ni hta ka da nga ai hte maren chyawm gaw dik wa lu na rai nga ai,” ngu nna tsun mu ai.

LUKA 19:48

Rai ti mung shanhte gaw shi hpe kaning di na lam n mu mu ai, hpa majaw nga yang, shawa masha ni yawng hte gaw ga hkaw mi mung n jahkrat kau mayu hkra shi a sharin shaga ai ga madat noi nga nga ma ai.

LUKA 20:19

Dai ga shadawn hpe tara sara ni hte hkinjawng agyi ni hpe sha-ang nna tsun ai re hpe shanhte chye ma ai majaw, dai ahkying hta pyi shi hpe rim la na maw ma ai; rai ti mung shanhte shawa masha ni hpe hkrit da mu ai.

YAWHAN 10:39

Shaloi shanhte gaw shi hpe rim la na kalang mi bai tam shakut ma ai. Shi chyawm gaw shanhte a lata na koi yen pru mat wa ai.

YAWHAN 18:20

Yesu gaw, “Ngai galoi mung masha yawng mayawng a man e, dan dan leng leng hkaw tsun ni ai, Yuda masha ni nlang zuphpawng ai tara jawng ni hta mung, Nawku Htingnu hta mung, ngai sharin shaga ni ai. Makoi magap nna ngai hpa mung n hkaw n tsun nngai.

YAWHAN 7:19

Mawshe gaw nanhte hpe Jep Ai Tara jaw da manit dai n rai ni? Rai ti mung nanhte hta na kadai mung, dai Tara hpe n hkan myit dai. Ngai hpe sat kau na hpa rai tam nga myit ta?,” ngu nna shanhte hpe htan mu ai.

YAWHAN 7:44

Shanhte hta na nkau mi gaw shi hpe rim la mayu ma ti mung, kadai wa mung shi hpe n rim la lu mu ai.