LUKA 19:46 - Jinghpaw Common Language Bible 2009

⁴⁶ shanhte hpe tsun da mu ai gaw, “Dai Chyum Laika ni hta mung, Karai Kasang gaw, ‘Nye a nta hpe akyu hpyi ai nta ngu nna shamying lu na rai nga ai,’ nga nna ka da nga ai. Rai ti mung nanhte gaw, ndai nta hpe damya lungpu shatai da myit dai,” ngu mu ai.

Jinghpaw Hanson Version Bible

⁴⁶ nanhte gaw ndai hpe damya lungpu shatai myit dai, ngu nna shanhte hpe shaden kau mu ai.

LUKA 19:46 ပူးပေါင်းရင်းမြစ်များ

SHAKAWN KUNGDAWN 93:5

Madu e, na a hkang da ai tara ni gaw htani htana agrin nga ai, na a Nawku Htingnu mung teng teng chyoi pra nga nna, htani htana agrin nga ai.

ESAIA 56:7

“Ngai gaw nang hpe nye a chyoi pra ai kawng ngu ai Ziun de woi sa nna, nye a akyu hpyi nta hta nang hpe kabu gara lam jaw na nngai, nye a tawn hkungri ntsa nang nawng jau ya ai shagu hkungga ni hpe hkap la na nngai. Nye a Nawku Htingnu gaw masha amyu baw ni yawng a amyu masha ni a matu akyu hpyi ai nta langai ngu shamying hkrum na ra ai.”

YEREMIA 7:11

Nye a Nawku Htingnu gaw hpya lu hpya sha ai damya ni a matu makoi shara rai nga ai ngu, nang myit nawn da wu ni? Nang hpa galaw nga ai hpe ngai mu se ai.

EZEKELA 43:12

Ndai gaw Nawku Htingnu a tara rai nga ai: Bum pungding hte de a grup yin shara ni yawng chyoi pra san seng ai shara rai nga ai,” ngu nna tsun ai.

HOSEA 12:7

Dai Madu gaw, “Israela amyu masha ni gaw Hkanan masha ni zawn n ding n man nga ma ai; shanhte gaw n man ai joi jang ni hte shanhte a arai mari hkyawt la ai ni hpe maw sha na sharawng nga ma ai.

MAHTE 21:13

“Nye a nta hpe akyu hpyi ai nta ngu na mu ai, nga nna Karai Kasang tsun ai hpe Chyum Laika ni hta ka da nga ai. Rai ti mung nanhte gaw, dai hpe damya lungpu shatai nga myit dai,” ngu nna shanhte hpe tsun mu ai.

MAHTE 23:13

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw masha ni a man e sumsing lamu a chyinghka hpe pat da mu ai. Nanhte nan mung n shang myit dai hte, shang na matu shakut ai ni hpe mung shang na ahkang n jaw myit dai.

MARKU 11:17

Dai hpang shi gaw shanhte hpe, “Karai Kasang gaw, ‘Nye a nta hpe amyu baw shagu a matu akyu hpyi ai nta, ngu na mu ai,” nga nna tsun ai lam Chyum Laika ni hta ka da nga ai n rai ni? Rai ti mung nanhte gaw, dai hpe damya lungpu shatai kau manu ai,” ngu nna sharin shaga mu ai.