LUKA 19:41 - Jinghpaw Common Language Bible 2009

⁴¹ Shi gaw Yerusalem mare hte grau ni wa nna, dai mare hpe mu mada ai shaloi, de a matu shi hkrap nna,

Jinghpaw Hanson Version Bible

⁴¹ Ya dai de ni wa nna mare hpe mu wu yang, de a matu shi hkrap nna,

LUKA 19:41 ပူးပေါင်းရင်းမြစ်များ

2 HKAWHKAM 8:11

Dai hpang Elisha gaw Hazaela myit ru myit tsang mat wa ai aten du hkra, shi a myi man hpe hkrit kajawng shangun ai nsam hte azi yu da wu ai. Elisha mung akajawng sha myi prwi ni pru wa nga ai.

SHAKAWN KUNGDAWN 119:136

Masha ni na a tara hpe n madat n mara nga ma ai majaw, nye a myi prwi ni gaw hka nu zawn lwi nga li ai.

SHAKAWN KUNGDAWN 119:158

Gumle gumlau re ai ni na a hkang da ai ga ni hpe n hkan nga ma ai hpe, ngai mu ai shaloi, ngai yu matsat nga nngai.

SHAKAWN KUNGDAWN 119:53

Tara n lang ai ni na a tara hpe n hkan ai sha, jahten nga ma ai hpe ngai mu ai shaloi; ngai masin kahtet nga nngai.

ESAIA 22:4

Ya chyawm gaw si mat wa sai nye a amyu masha ni yawng a jaw e ahkup ahka nga hkra hkrap sharung na matu ngai hpe sha tawn da mi. Ngai hpe shalan shabran hkum rai myit.

ESAIA 28:21

Dai Madu gaw shi galaw na matu yaw shada ai amu galaw lu hkra nga, laklai ai shi a amu ni shangut lu hkra, Perazim Bum hte Gibeon kadit hta shi galaw nu ai zawn gasat na ra ai. Shi gaw shi a amu, mauhpa amu hpe shangut na ra ai.

YEREMIA 13:17

Dai ga ni hpe nang n madat ai rai yang, na a gumrawng gumtawng ai myit a majaw, ngai gaw n dan n leng ai shara hta hkrap na nngai; Dai Madu a amyu masha ni gaw bawng dung hkrum ai ni zawn rim hkrum nga ma ai majaw, ngai gaw ahkup ahka nga hkra hkrap ai hte nye a myi prwi lwi na ra ai.

YEREMIA 17:16

Rai ti mung, Madu e, ngai gaw shanhte a ntsa e tsin-yam tsindam du shangun na matu nang hpe galoi mung shadut yu ai n rai; shanhte a matu ru tsang hkrum ai nhtoi hpe ngai ra marit nngai n rai. Madu e, ndai lam nang chye nga ndai; ngai tsun sai ga ni hpe nang chye nga ndai.

YEREMIA 9:1

Nye a baw gaw hka htung hka, nye a myi ni gaw myi prwi hka hpawk tai mat na ngai ra sharawng nngai, shaloi ngai gaw sat kau hkrum sai nye a amyu masha ni a matu shani shana hkrap lu na rai nngai.

HOSEA 11:8

“Israela e, Ngai nang hpe kaning rai tawn kau da lu na rai ta? Ngai nang hpe kaning rai kabai kau da lu na rai ta? Ngai gaw nanhte hpe Adma mare hpe di ai zawn kaning rai shamyit kau lu na rai ta? Zeboim hpe di ai zawn nanhte hpe kaning rai di lu na rai ta? Nye a myit masin mung ngai hpe dai hku galaw shangun nga ai n rai! Nanhte a matu nye a tsaw ra ai myit gaw nau wa n-gun ja nga li ai.

LUKA 19:42

“Mare nang e, ngwi pyaw sim sa ai lam lu la na matu hpa baw ra nga ai ngu ai hpe dai ni nang chye lu wu taw gaw law! Rai ti mung ya gaw nang dai hpe n mu n chye lu ndai!

YAWHAN 11:35

Yesu hkrap ai.