LUKA 19:26 - Jinghpaw Common Language Bible 2009

²⁶ Hkawhkam wa gaw, nanhte hpe ngai tsun made ga, “Loi sha mi lu ai wa kadai hpe mung, grau nna pyi naw jat jaw na rai nga ai; rai ti mung hpa mung n lu ai wa kaw na chyawm gaw, shi lu ai kachyi sha mi hpe pyi naw la kau na rai nga ai,” ngu mu ai.

Jinghpaw Hanson Version Bible

²⁶ “Ngai nanhte hpe tsun made ga. Lu ai wa kadai hpe mung, naw jat jaw na rai nga ai; n lu n lawm ai wa kaw na chyawm gaw, shi lu ai made hpe pyi naw la kau ya na rai nga ai.

LUKA 19:26 ပူးပေါင်းရင်းမြစ်များ

2 SAMUELA 7:15

Nang hkawhkam tai lu hkra, Shawlu a lata kaw na ngai seng kau ai zawn shi hpe karum madi shadaw ai lam ngai dawm kau ya na we ai n rai.

SHAKAWN KUNGDAWN 109:8

Shi a asak mung, kade nna yang, htum mat u ga; shi a bungli hpe masha kaga wa lu la mat u ga!

MAHTE 13:12

Hpa majaw nga yang, lu ai wa kadai hpe mung naw jat jaw na rai nna, shi hta law htam wa na rai nga ai; rai ti mung n lu ai wa kaw na chyawm gaw shi lu ai kachyi mi hpe pyi naw la kau ya na ra ai.

MAHTE 21:43

“Dai rai nna ngai nanhte hpe tsun made ga, Karai Kasang a Mungdan hpe nanhte kaw na shaw la kau nna asi atsawm sha shapraw ya lu ai amyu hpe jaw kau na ru ai.”

MARKU 4:25

Lama ma lu ai wa kadai hpe mung naw jat jaw na ra ai; hpa mung n lu ai wa hpe gaw shi lu ai arai kachyi mi hpe pyi, shi kaw na shaw la kau ya na ra ai,” ngu nna shanhte hpe tsun mu ai.

LUKA 16:3

Shangun ma wa gaw, ‘Nye a madu ngai hpe bungli kaw na jahkrat kau ni ai, ngai kaning rai na i? Ga htu, ga chye na mung ngai n-gun n rawng nna n di lu nngai, hpyi sha na mung ngai kaya nngai.

LUKA 19:25

Dai ni gaw, ‘Madu e, shi gaw joi shi lu nga sai,’ ngu mu ai.

LUKA 8:18

“Dai re ai majaw, nanhte gara hku madat la myit dai hpe sadi nga mu; hpa majaw nga yang, lu ai wa kadai hpe mung, naw jat jaw na ra ai; n lu ai wa kaw na chyawm gaw, shi lu dum ai kachyi mi hpe pyi naw shaw la kau ya na ra ai,” ngu mu ai.

KASA 1:20

“Dai lam Shakawn Kungdawn Laika hta, ‘Shi a nta gaw hpa n nga ai kaman rai mat u ga, dai hta e kadai mung n nga mu ga.’ Bai nna, ‘Shi a aya hpe masha kaga la kau u ga,’ ngu nna mung ka da nga ai.

2 YAWHAN 1:8

Anhte galaw da ai amu hpe nanhte n shamat kau myit dai sha nanhte a shabrai hpe hpring tsup hkra hkam la lu myit ga, tinang dai sadi nga mu.

SHINGRAN 2:3

Nang hkam sharang lu nga ndai hte nye a mying nsang a matu mara tsin-yam tsindam hkam ai hte nang asum mung n jaw ndai.

SHINGRAN 3:11

Ngai alawan du na ring ngai; na a janmau hpe kadai mung n kashun la kau ya u ga, nang lu ai made hpe asin nga u.

1 SAMUELA 15:28

Samuela gaw shi hpe, “Dai ni, dai Madu gaw Israela mungdan hpe nang kaw na gang je kau nhtawm, nang hta grau kaja ai masha langai ngai hpe jaw kau nu ai.

1 SAMUELA 2:30

Na a dinghku hte na a lakung lama ni hkinjawng ni zawn prat tup ngai hpe daw jau lu mu ga ngu, dai MaduIsraela a Karai Kasang ngai nan lai sai prat ni hta ga sadi tawn da ni ai. Rai ti mung ya chyawm gaw dai ga sadi galoi mung grin sana n rai nga sai hpe ngai tsun nga nngai! Shing rai na malai, ngai hpe shagrau sha-a ai ni hpe ngai shagrau sha-a na nngai; ngai hpe n kaw n law re ai ni hpe ngai mung n gawn n sawn di kau na we ai.