LUKA 19:22 - Jinghpaw Common Language Bible 2009

²² N hkaw n shawp n kaja ai shangun ma e! Na a n-gup na ga hku hkan nna ngai nang hpe jeyang de ga! Ngai gaw kahti gari rai nna grai yak ai wa rai nga nngai hte, tinang n madu ai arai magawn la nna, n gat n hkai ai kaw na dan la ga nngai hpe nang chye nga ndai.

Jinghpaw Hanson Version Bible

²² Shaloi madu gaw, N hkaw n shawp ai mayam e, na a n-gup na ga hku hkan nna ngai nang hpe jeyang na de ai: ngai gaw kahti kari re ai wa rai nga nngai hte, n tawn n da ai arai ngai magawn la nna, n gat n hkai ai kaw na dan la ga nngai, nang chye ndai rai yang gaw,

LUKA 19:22 ပူးပေါင်းရင်းမြစ်များ

2 SAMUELA 1:16

Dawi gaw dai Amalek masha wa hpe, “Ndai amu nang nan galaw shapraw dat nga ndai. Dai Madu gaw hkawhkam galaw na matu lata san da sai wa hpe nang sat kau sai lam yin la nit dai majaw nang hkum nan daw dan ai hkrum nga nit dai,” ngu nna tsun wu ai.

MAHTE 12:37

Nanhte mara lu ai n lu ai ngu ai hpe nanhte tsun shaga ai ga hte maren daw dan ai hkrum na marin dai,” ngu mu ai.

MAHTE 22:12

Dai rai nna shi gaw, ‘Jinghku wa e, hkungran poi sa ai hpun palawng n bu n hpun ai mi, nang kaning rai nang de shang lu n ta?,’ ngu nna san wu ai. Rai ti mung dai masha chyawm gaw n chye htan ai hte atsin sha rai nga ai.

LUKA 19:21

Kahti gari rai nna grai yak ai wa nang rai nga ndai majaw, ngai nang hpe hkrit nngai. Nang gaw, tinang n madu ai arai hpe magawn la chye ai wa, tinang n gat n hkai ai kaw na dan la ga ndai,’ ngu wu ai.

LUKA 19:23

Rai sa, dai rai yang, nye a gumhpraw hpe hpa majaw gumhpraw dum hta n bang da n ta? Shing rai ngai bai nhtang wa ai shaloi, amyat hte hpawn ngai bai lu la na rai nga ai.

ROMA 3:19

Dai jep ai Tara hta rawng ai hkang da ai lam shagu gaw jep ai Tara a npu e nga ai ni a matu rai nga ai hpe ya anhte chye saga ai; ndai hku byin wa ai lam gaw masha a tsun jahpai ai ga ni yawng hpe jahkring sha-ip kau shangun na hte mungkan ting gaw Karai Kasang jeyang daw dan ai hpe hkam la shangun na matu rai nga ai.