LUKA 19:21 - Jinghpaw Common Language Bible 2009

²¹ Kahti gari rai nna grai yak ai wa nang rai nga ndai majaw, ngai nang hpe hkrit nngai. Nang gaw, tinang n madu ai arai hpe magawn la chye ai wa, tinang n gat n hkai ai kaw na dan la ga ndai,’ ngu wu ai.

Jinghpaw Hanson Version Bible

²¹ kahti kari re ai wa nang rai nga ndai majaw, ngai nang hpe hkrit nngai: n tawn n da ai arai nang magawn la nna, n gat n hkai ai kaw na, nang dan la ga ndai,” ngu wu ai.

LUKA 19:21 ပူးပေါင်းရင်းမြစ်များ

LUKA 19:20

“Bai kaga shangun ma langai wa mi gaw sa nna, ‘Madu e, ndai na a ja dengga rai nga ai; hpajet hte ngai makai da nngai.

LUKA 19:22

N hkaw n shawp n kaja ai shangun ma e! Na a n-gup na ga hku hkan nna ngai nang hpe jeyang de ga! Ngai gaw kahti gari rai nna grai yak ai wa rai nga nngai hte, tinang n madu ai arai magawn la nna, n gat n hkai ai kaw na dan la ga nngai hpe nang chye nga ndai.

ROMA 8:15

Hpa majaw nga yang Karai Kasang nanhte hpe jaw ya ai Wenyi gaw nanhte hpe mayam shatai myit dai n rai, hkrit myit mung rawng shangun myit dai n rai, shing rai na malai dai Wenyi gaw nanhte hpe Karai Kasang a kashu kasha tai shangun manit dai hta n ga, dai Wenyi a n-gun atsam hte shi hpe Wa e! Nye a Wa e! ngu nna nanhte gang shaga lu na ahkang lu nga ai.

ROMA 8:7

Dai rai nna masha langai mi gaw hkum shan myit e up hkang kau ai shaloi Karai Kasang a Tara hpe n madat n mara lu sai majaw shi gaw Karai Kasang a hpyen tai wa ai; kaja wa nan shi n madat n mara lu nu ai.

2 TIMOHTI 1:7

Hpa majaw nga yang, Karai Kasang anhte hpe jaw ai Wenyi e, anhte hpe hkrit agam ai myit jaw mi ai n rai; Dai Madu a Wenyi gaw anhte hpe n-gun atsam, tsaw ra myit hte tinang hkum hpe hkang la lu ai myit she jaw mi ai.

YAKU 2:10

Jep ai tara langai mi hpe tawt lai ai wa kadai rai ti mung jep ai tara yawng hpe tawt lai nu ai.

1 YAWHAN 4:18

Tsaw ra ai myit hta hkrit kang ai myit n rawng ai; kup tsup ai tsaw ra myit gaw hkrit kang ai myit hpe shaden kau wu ai. Dai rai yang gaw, hkrit kang ai myit rawng ai wa kadai hta mung tsaw ra ai myit n kup tsup lu ai, hpa majaw nga yang, hkrit kang ai myit gaw ari hkrum na lam hte seng nga ai.

YUDA 1:15

Masha yawng a ntsa e dai tara jeyang na ra ai; masha yawng mayawng hpe shanhte galaw ai n hkru n kaja ai amu ni a matu mung Karai kata ai masha ni Karai Kasang hpe ninghkap ai hku tsun shaga kau ai hkrithpa ga ni yawng a matu mung jeyang daw dan na ra ai!,” nga nna myihtoi ga hta tsun da sai.

1 SAMUELA 12:20

Samuela gaw, “Hkum hkrit myit, ndai zawn re ai n hkru ai amu hpe nanhte galaw shut kau nga myit ti mung, dai Madu kaw na hkum yit mat myit; nanhte a myit masin mahkra hte shi hpe daw jau nga myit.