LUKA 19:12 - Jinghpaw Common Language Bible 2009

¹² Dai majaw shi gaw, “Kalang mi na arawng lu ai masha langai mi nga ai. Shi gaw tsan ai mungdan langai mi de hkawhkam aya sa hkam la na sa wa na maw nga ai, dai hpang shi a nta buga de bai wa na hkyen nga ai.

Jinghpaw Hanson Version Bible

¹² “Arawng lu ai masha langai mi gaw, mungdan lu la nna dai hpang bai wa na nga, tsan ai mung de sa na maw nga ai.

LUKA 19:12 ပူးပေါင်းရင်းမြစ်များ

MAHTE 21:38

Rai ti mung, sun galaw ai ni dai kasha hpe hkap mu jang, ‘Ndai wa gaw sun madu a kasha rai nna sali wunli dagraw na wa rai nga ai, sa marit shi hpe sat kau nna shi a sali wunli anhte la kau ya gaw,’ nga nna shada da bawng dup la ma ai.

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

MARKU 12:1

Dai shaloi ga shadawn hte shanhte hpe tsun mu ai gaw, “Masha langai mi sabyi sun langai mi hkai sharam da nna, de a grup yin e nhpan kum da ai hte sabyi shup na matu htung htu da nna langchyi langai mi gap da wu ai. Dai hpang shi gaw sun shap galaw ai ni hpe boi ya da nna kaga mung de hkawm sa mat wa ai.

MARKU 16:19

Shing rai Madu gaw, shanhte hpe ga tsun da ai hpang, sumsing lamu de shalun la ai hkrum nna, Karai Kasang a hkra maga de dung nga ai.

LUKA 20:9

Dai shaloi Yesu gaw, masha ni hpe ndai ga shadawn tsun mu ai gaw, “Kalang mi na masha langai mi gaw, sabyi sun langai mi hkai lajang da nna, sun galaw sha ai ni hpe shap ya da nhtawm, na na wa pru sa mat wa ai.

LUKA 24:51

Shing rai shanhte hpe shaman ya nga yang, shi shanhte kaw na hka mat wa nna sumsing lamu de woi shalun la ai hkrum wu ai.

YAWHAN 18:37

Dai re ai majaw Pilat gaw, “Rai taw, nang hkawhkam langai mi rai nga n ni?,” ngu nna san wu ai. Yesu gaw, “Ngai hkawhkam langai mi re ai nga nna nang tsun nga ndai. Ngai gaw dai teng man ai lam hkaw tsun na yaw shada ai lam langai mi a matu ngai shangai chyinghkai wa ni ai hte mungkan ga de du sa ring ngai. Dai teng man ai hte seng ai ni nlang hte gaw, nye a ga nsen madat ma ai,” ngu nna htan wu ai.

KASA 17:31

Hpa majaw nga yang Madu lata san da sai wa a lata hte mungkan ga hpe tara malang ai hku daw dan na ninghtoi gaw shi tawn da nu ai rai nga ai. Dai wa hpe si ai kaw na shi hkrung sharawt la ai hte dai lata san da ai lam masha yawng hpe kam ram ai sakse madun dan nu ai,” ngu nna tsun wu ai.

1 KORINHTU 15:25

Hpa majaw nga yang Hkristu gaw Karai Kasang e gumlau ni yawng mayawng hpe dang kau nna Hkristu a lagaw lahpan npu e tawn da ya ai ten du hkra up hkang nga na rai nga ai.

HEBRE 9:28

Dai hte maren Hkristu mung masha law law a yubak mara hpe kalang mi hte ngut hkra gun kau ya na matu shi a hkum hpe hkungga shatai nna nawng kau nu ai. Yubak gun kau ya ai lam hte n seng ai sha shi hpe ala nga ai ni hpe hkye hkrang la na matu lahkawng lang ngu na bai dan pru na ra ai.

1 PETRU 3:22

Yesu Hkristu gaw sumsing lamu de lung mat wa nhtawm, Karai Kasang a hkra maga de anga nga ai rai nna lamu kasa ni yawng hte sumsing lamu na ahkang aya lu ai ni hte, hpung dagu rawng ai ni yawng hpe up hkang nga ai.

SHINGRAN 1:7

Yu mu! Shi gaw sumwi ni hta jawn nna du sa wa ra ai; Madu hpe nri hte galun baw ai ni hte hpawn masha yawng gaw shi hpe mu lu na mara ai. Dinghta ga na amyu nlang hte gaw, shi a majaw yawn hkyen sharung shayawt na mara ai. Dai hte maren byin wa u ga law!