LUKA 19:10 - Jinghpaw Common Language Bible 2009

¹⁰ Masha Kasha gaw mat mat ai ni hpe hkan tam nna hkye hkrang la na du sa ai rai nga ai,” ngu nna Zake hpe tsun wu ai.

Jinghpaw Hanson Version Bible

¹⁰ Masha Kasha gaw mat mat ai ni hpe, hkan tam nna hkye hkrang la na du sa ai rai nga ai,” ngu nna Zake hpe tsun wu ai.

LUKA 19:10 ပူးပေါင်းရင်းမြစ်များ

EZEKELA 34:12

Sagu rem wa gaw bra hkawm nga ai shi a sagu ni hpe bai shinggyin da nna lanu lahku ai hte maren, lamu sin mak mat nna tsin-yam hkrum ai shani e, shanhte bra hkawm mat wa ai shara shagu hkan na shanhte hpe bai woi wa na nngai.

EZEKELA 34:16

“Ngai gaw mat mat sai ni hpe hkan tam na nngai, dam hkawm mat ai ni hpe mung woi nhtang wa na nngai; ningma machyi ai sagu ni hpe mung ahkyen kayawp ya na nngai, machyi ai ni hpe mung shamai ya na nngai; rai ti mung hpum sau ai ni hte n-gun ja ai ni hpe chyawm gaw ngai jahten kau na nngai, hpa majaw nga yang, ngai gaw teng man ai hte maren galaw ai sagu rem wa rai nga nngai.

MAHTE 1:21

Shi gaw shadang sha shangai na ra ai rai nna, nang shi a mying hpe, Yesu ngu nna shamying lu na rai nga ai; hpa majaw nga yang, shi a amyu hpe tinang a yubak mara kaw na hkye hkrang la na shi rai nga ai,” ngu wu ai.

MAHTE 10:6

Shing rai na malai, Israela amyu hta na dam mat ai sagu ni kaw she shawng sa mu.

MAHTE 15:24

Shaloi Yesu gaw, “Israela dap na dam mat wa ai sagu ni a matu sha ngai hpe shangun dat nngai,” ngu wu ai.

MAHTE 18:10

“Dai ma kaji langai mi hpe pyi nanhte n gawn n sawn n di kau myit ga, sadi nga mu. Nanhte hpe ngai tsun made ga, sumsing lamu kata e shanhte a lamu kasa ni gaw, sumsing lamu na nye a Wa a myi man hpe a mada nga ma ai.

MAHTE 18:11

Dai Masha Kasha gaw mat mat ai ni hpe hkye la na matu du sa ai rai nga ai.

LUKA 15:32

Rai ti mung, anhte poi galaw nna pyaw pyaw rai kabu gara mai nga ai, hpa majaw nga yang, ndai na nnau wa gaw si mat sai, ya bai hkrung ra ai, mat mat sai mung, ya bai mu la saga ai,’ ngu nna shi hpe nem wu ai,” ngu mu ai.

LUKA 15:8

“Bai numsha langai mi, gumhpraw dengga shi lu ai hta na dengga mi mat mat ai rai yang, shi kaning rai galaw na rai ta? Shi, pyengdin shatu nhtawm, shi a nta hpe ye seng nna n mu yang mu hkra atsawm sha shara shagu tam yu wu ai.

YAWHAN 3:17

Karai Kasang gaw shi a Kasha hpe mungkan ga de shangun dat ai gaw, mungkan masha ni hpe tara dara na matu n rai, shi a marang e hkye hkrang la ai hkrum na she, shangun dat wu ai.

ROMA 5:6

Anhte kam hpa na shara kata nga ga yang Hkristu gaw Karai Kasang ladaw da ai ahkying hta tara n hkungga ai, n hkru n kaja ai ni a matu si hkam sai.

HEBRE 7:25

Dai rai nna shi gaw shi hpe manoi kam hpa let Karai Kasang kaw sit shang wa ai ni hpe galoi mung hkye mawai la na atsam rawng nga ai; hpa majaw nga yang, shi gaw shanhte a matu Karai Kasang kaw hpyi nem ya na, tut nawng e ahkrung nga ai.