LUKA 18:8 - Jinghpaw Common Language Bible 2009

⁸ Nanhte hpe ngai tsun made ga, shanhte hpang maga alawan tara dara ya na mu ai. Rai ti mung Masha Kasha du sa ai nhtoi hta, ndai mungkan ntsa e makam masham nga nga ai hpe mu lu na a kun?,” ngu mu ai.

Jinghpaw Hanson Version Bible

⁸ Nanhte hpe ngai tsun made ga, Shanhte hpang maga alawan tara dara ya na wu ai. Rai timung, Masha Kasha du sa ai nhtoi hta, ndai mungkan ga ntsa e makam masham nga nga ai gaw, mu lu na a kun?” ngu mu ai.

LUKA 18:8 ပူးပေါင်းရင်းမြစ်များ

SHAKAWN KUNGDAWN 46:5

Karai Kasang gaw dai mare hta shanu nga nna, dai mare gaw galoi mung jahten kau ai hkrum na n rai; jahpawt manap jau jau e, dai mare hpe shi karum la na matu pru sa na ra ai.

GA SHAGAWP 20:6

Masha hkum shagu hte gaw, shi gade sadi dung ai hte kangka nga ai hpe tsun shana nga ma ai; teng teng dai zawn re ai wa hpe kadai mu tam lu nga a hka!

ESAIA 40:27

Israela e, dai Madu gaw na a tsin-yam tsindam hpe n chye nga ai nga nna, nang hpa majaw aput angun nga n ni? Nang gaw n teng n man ai tara a nni nkri hpe hkam sha yang shi nang hpe n yu ai ngu hpa majaw tsun nga n ta?

MAHTE 24:24

Hpa majaw nga yang, masu ai Meshia hte masu ai myihtoi ni paw pru na mara ai; shanhte gaw byin mai ai rai yang, Karai Kasang e lata la tawn sai masha ni hpe pyi lam shadam kau lu hkra lamik kumla kaba hte mauhpa amu ni galaw dan na mara ai.

MAHTE 8:20

Yesu gaw, “Chyahkyawn ni nhkun lu ma ai, ntsa malen pyen ai u ni mung u tsip ni lu ma ai, dai Masha Kasha chyawm gaw baw tawn na shara pyi n lu nga ai,” ngu shi hpe tsun wu ai.

2 PETRU 2:3

Ndai masu ai sara ni gaw shanhte a nam mak law hpa ai myit hte gyin shalat la ai maumwi ni tsun dan let amyat tam na mara ai. Moi jau jau kaw nna pyi shanhte hpe ari jaw na tara agyi wa gaw shajin da nga sai hte shanhte hpe jahten shabyak kau na wa gaw yup shamwi yup pyaw nga ai n rai.