LUKA 18:7 - Jinghpaw Common Language Bible 2009

⁷ Karai Kasang gaw, shi hpe shani shana karum la na matu hpyi jahtau nga ai, shi a lata la ai amyu masha ni a maga de, tara n dara ya ai nga na wu ni?

Jinghpaw Hanson Version Bible

⁷ Karai Kasang gaw matsan dum lama nga ai rai nna, shi hpe shani shana hpyi jahtau nga ai, shi a lata la ai ni a hpang maga de, tara n dara ya ai, nga na wu ni?

LUKA 18:7 ပူးပေါင်းရင်းမြစ်များ

SHAKAWN KUNGDAWN 88:1

Ngai hpe hkye hkrang la ai Madu Karai Kasang e shani tup ngai nang hpe hpyi jahtau nna; shana e mung, na a man de du sa nngai.

SHAKAWN KUNGDAWN 9:8

Shi gaw mungkan ga hpe ding man ai hku up hkang nga nna; amyu baw ni hpe teng man rap ra ai tara hte shi jeyang nga ai.

PRU MAT 22:23

Nang shing di ai rai yang, shanhte ngai kaw karum hpyi ai shaloi, Ngai Madu nan shanhte a nsen hpe htan ya nna,

ESAIA 40:27

Israela e, dai Madu gaw na a tsin-yam tsindam hpe n chye nga ai nga nna, nang hpa majaw aput angun nga n ni? Nang gaw n teng n man ai tara a nni nkri hpe hkam sha yang shi nang hpe n yu ai ngu hpa majaw tsun nga n ta?

HABAKU 2:3

Dai hpe ka tawn u, hpa majaw nga yang dai gaw teng teng byin wa na aten garai n du nga ai. Rai ti mung aten gaw alawan du nga sai, ngai nang hpe madun ai lam gaw teng wa na ra ai. Dai du wa na aten gaw lanyan ai zawn rai nga ai, rai ti mung dai hpe la nga u; dai gaw teng teng byin wa na ra ai, dai gaw na taw nga na ra ai n rai.

MAHTE 24:22

Karai Kasang gaw dai nhtoi ni hpe shayawm kau nu ai; shi shing n di yang gaw, kadai mung hkrung nga lu na ra ai n rai. Rai ti mung shi a lata la ai masha ni a matu mara, Karai Kasang gaw dai nhtoi ni hpe shayawm kau na ru ai.

MAHTE 24:24

Hpa majaw nga yang, masu ai Meshia hte masu ai myihtoi ni paw pru na mara ai; shanhte gaw byin mai ai rai yang, Karai Kasang e lata la tawn sai masha ni hpe pyi lam shadam kau lu hkra lamik kumla kaba hte mauhpa amu ni galaw dan na mara ai.

MAHTE 7:11

Nanhte zawn re ai n hkru n kaja ai ni pyi tinang a kasha ni hpe kaja ai kumhpa gara hku jaw na chye nga myit yang gaw, dai hta grau n-ga, sumsing lamu na nanhte a Kawa gaw, shi kaw hpyi ai ni hpe kaja ai kumhpa ni jaw na n rai hka!

LUKA 11:13

Nanhte n hkru n kaja nga myit dai ni pyi, tinang a kasha ni hpe kaja ai kumhpa chye jaw myit yang gaw, dai hta grau nna sumsing lamu na Kawa gaw shi e hpyi ai ni hpe dai Chyoi Pra Ai Wenyi jaw na n rai hka!,” ngu nna tsun wu ai.

LUKA 2:37

Dai num gaw Nawku Htingnu kaw na n pru ai sha, lusha gam nna akyu hpyi ai hte Karai Kasang hpe nawku daw jau let anga nga ai.

LUKA 21:28

Dai lam ni byin hpang wa jang, rawt tsap nna baw ni hpe sharawt mada yu mu; hpa majaw nga yang, nanhte hpe hkye hkrang la na aten ni wa ra ai.”

ROMA 8:33

Karai Kasang a lata la ai ni hpe kadai wa mi mara shagun lu na a ta? Shanhte hta mara n nga ai lam Karai Kasang shi nan shapraw shadan tsun ya sai.

KOLOSE 3:12

Nanhte gaw Karai Kasang a masha ni rai nga myit dai rai nna, shi gaw nanhte hpe tsaw ra nna shi a matu mara lata la hkrum ai ni rai nga myit dai. Dai re ai majaw nanhte gaw n ja n hpra ai, matsan dum lama ai, myit nem ai, sumnung shingdi ai myit galu kaba ai hpe bu hpun dagraw nga mu.

1 HTESALONI 3:10

Anhte gaw nanhte hpe myi man chyaw mu hkrum lu na hte, nanhte a makam masham hta naw ra nga ai hpe shatup shatsup na matu, anhte a myit masin yawng hte shani shana hpyi nem nga ga ai.

2 HTESALONI 1:6

Karai Kasang gaw tara ding ai lam galaw na ra ai rai nna, nanhte hpe nni nkri hkrum shangun ai ni a ntsa e nni nkri bai htang jaw na ra ai.

1 TIMOHTI 5:5

Masha shingtai rai nna shi hpe yu lanu lahku na kadai n nga ai gaida jan langai mi gaw, Karai Kasang hta myit mada kam hpa let shani shana akyu hpyi ai hte Karai Kasang kaw na karum ai lam hpyi lajin nga ai.

2 TIMOHTI 1:3

Nye a ji wa ni galaw ai zawn, san seng ai myit hte ngai daw jau nga ai Karai Kasang hpe ngai shakawn nngai. Ngai gaw shani shana akyu hpyi ai hta nang hpe galoi mung adum nga let Karai Kasang hpe chyeju shakawn nga nngai.

2 TIMOHTI 2:10

Dai re ai majaw ngai gaw Karai Kasang lata la hkrum ai masha ni a matu ruyak jam jau hkam nngai; shing rai hkam ai lam gaw shanhte mung Hkristu Yesu a marang e hkye hkrang la ai chyeju hte de a htani htana hpung shingkang hkam la lu na matu rai nga ai.

TITU 1:1

Karai Kasang a shangun ma hte Yesu Hkristu a kasa wa rai nga ai ngai Pawlu gaw laika ka dat nngai. Karai Kasang gaw shi lata la ai masha ni a makam masham hpe bau maka sharawt ya na matu mung, anhte a nawku htung a sharin ya ai tengman ai lam hpe mu lu chye lu hkra lam madun na matu mung, ngai hpe lata la nna shangun dat ni ai.

1 PETRU 1:1

Yesu Hkristu a kasa, ngai Petru gaw Pontu mung, Galati mung, Kapadokia, Asi hte Behtuni mung hkan e tsasam manam zawn nga shingbyi hkawm nga ai Karai Kasang a lata la ai amyu masha ni hpang de laika ka dat nngai.

2 PETRU 3:9

Masha nkau mi myit ai zawn, Karai Kasang gaw shi a ga sadi jaw da sai lam hpe galaw shadik na matu aten la nna lanyan taw nga ai n rai; rai ti mung yawng mayawng yubak mara kaw na kayin wa nna kadai mung hten bya ai n hkrum u ga, shi ra nga ai majaw shi nanhte a ntsa e, myit galu nga ai majaw rai nga ai.

SHINGRAN 18:20

Sumsing na ni e, dai mare hten mat ai majaw kabu mu! Karai Kasang a masha ni e, kasa ni hte myihtoi ni e, kabu gara nga mu! Hpa majaw nga yang, nang hpe di ai lam yawng a matu Karai Kasang gaw dai mare hpe tara daw dan nu ai! nga nna tsun ai ngai na nngai.

SHINGRAN 6:10

Dai Wenyi ni gaw, “Chyahtum chyalai n-gun atsam rawng nna chyoi pra ai hte teng man ai Madu e! Anhte hpe sat kau ai mara a matu ga ntsa na masha ni hpe gaten du hkra nang n jeyang ai, ari n jaw ai nga na n ta?,” nga nna nsen kaba hte jahtau nga ma ai.

SHINGRAN 7:15

Dai re ai majaw, shanhte gaw Karai Kasang a tingnyang man e ningngai nga lu na ma ai hte, shi a nawku htingnu hta shani shana shi hpe nawku daw jau nga ma ai. Tingnyang hta dung nga ai wa mung, shanhte hte rau nga nga nna shanhte hpe makawp maga na ra ai.