LUKA 18:5 - Jinghpaw Common Language Bible 2009

⁵ Rai ti mung gaida jan ndai ngai hpe sharu shatsang nga ai majaw, shi a ahkaw ahkang ni lu la hkra, shi a amu hpe ngai jeyang lajang ya na nngai. Dai n rai yang, shi sa sa rai nna, jahtum e ngai hpe hkiba shangun na ra ai,’” nga nna shi a kraw hta myit la wu ai.

Jinghpaw Hanson Version Bible

⁵ gaida jan ndai ngai hpe a shatsang nga ai majaw, shi hpang maga ngai tara dara ya na nngai; dai n rai yang shi ya sa sa rai nna, ngai hpe myit jahtum na ra ai, nga nna shi a kraw hta myit la wu ai,’ ngu mu ai.

LUKA 18:5 ပူးပေါင်းရင်းမြစ်များ

NEHEMIA 6:4

Shanhte gaw dai shiga hpe sha ngai hpang de mali lang shana dat mu tim, lang shagu shawng na lang hte maren shanhte hpe htang dat nngai.

MAHTE 15:23

Rai ti mung Yesu gaw ga hkaw mi pyi n htan wu ai. Shi a sape ni mung shi kaw sit sa nna, “Shi hpe shabawn kau u; shi anhte a hpang e hkan nang nna marawn jahtau bu nga ai,” ngu nna shadut mu ai.

LUKA 11:8

Rai sa, ngai nanhte hpe tsun made ga, nta madu wa gaw jinghku langai mi hku, yupra kaw nna rawt nhtawm, muk la jaw na ra ai n rai; rai ti mung, n kaya ai sha akroi anoi matut nna hpyi nga ai majaw, dai wa hpe ra mara rawt jaw na wu ai.

LUKA 18:3

Bai dai mare hta gaida jan langai mi mung nga ai. Shi gaw tara agyi wa kaw matut manoi sa nna, ‘Ngai hte amu rawng ai wa hpe mara hte maren tai ya rit, nga nna shi lu ang ai ahkaw ahkang a matu hpyi lajin wu ai!’

LUKA 18:39

Shawng e sa wa nga ai masha ni gaw, atsin sha nga na matu dai wa hpe jet kau mu ai. Rai ti mung, shi mahtang, “Dawi a kasha e, ngai hpe matsan dum la e law,” ngu nna grau jahtau shaja wu ai.

1 KORINHTU 9:27

Ngai gaw masha kaga hpe shingjawng poi hta lawm na matu saw shaga ngut ai hpang, tinang hkum nan madang n dep ai majaw, lata kau ai n hkrum u ga, nye a hkum hpe ra ai hte maren jai lang lu na matu tsep kawp up hkang kau lu hkra htwi ahkak shaja la we ai.

TARA AGYI 16:16

Delila mung shi hpe lani hte lani sha asan nga wu ai rai nna dai lam a majaw shi aput shaja ai hpe na pu ai majaw