LUKA 18:43 - Jinghpaw Common Language Bible 2009

⁴³ Dai wa gaw shaloi jang myi mu lu nna, Karai Kasang hpe shagrau sha-a let, Yesu kaw hkan nang wu ai. Dai byin ai lam hpe mu ai ni yawng, Karai Kasang hpe shakawn kungdawn nga ma ai.

Jinghpaw Hanson Version Bible

⁴³ Dai wa gaw shaloi jang myi mu lu nna, Karai Kasang hpe shagrau sha-a let shi kaw hkan nang wu ai: hkan nang ai ni nlang hte gaw dai lam hpe mu jang, Karai Kasang hpe shakawn kungdawn nga ma ai.

LUKA 18:43 ပူးပေါင်းရင်းမြစ်များ

SHAKAWN KUNGDAWN 107:15

Shanhte a matu, shi galaw dan nu ai mauhpa magam bungli ni hte; shi a dinggrin tsaw ra myit a majaw, dai Madu hpe chyeju shakawn nga ra ma ai.

SHAKAWN KUNGDAWN 107:8

Shanhte a matu, shi galaw dan nu ai mauhpa magam bungli ni hte; shi a dinggrin tsaw ra myit a majaw shanhte dai Madu hpe chyeju shakawn lu na rai mu ai.

SHAKAWN KUNGDAWN 146:8

Myi n mu ai ni hpe myi shamu ya nna, kataw ai ni hpe shi sharawt la nga ai; shi a ding hpring ai masha ni hpe shi tsaw ra nga ai.

SHAKAWN KUNGDAWN 30:2

O Madu nye a Karai Kasang e, karum la na matu ngai nang hpe jahtau ni ai, nang ngai hpe shamai ya nit dai;

ESAIA 35:5

Myi n mu ai ni myi mu wa na mara ai, na lahpang ai ni na na wa na mara ai.

ESAIA 42:16

“Myi kyaw ai nye a amyu masha ni hpe shanhte galoi mung garai n hkawm yu ai lam hku ngai woi lakawn wa na nngai. Ngai gaw shanhte a nsin hpe nhtoi shatai kau nna marawk marak re ai mung hpe shanhte a man e shatsawm shara da na nngai. Ndai ni gaw nye a ga sadi ni rai nga ai, ngai gaw dai ni hpe n hprai ai sha shatup na nngai.

ESAIA 43:21

Shanhte gaw nye a matu ngai lata san da ai amyu masha ni rai ma ai, shanhte gaw nye a shakawn kungdawn ga ni hpe mahkawn na mara ai!,” ngu nna tsun ai.

MAHTE 11:5

Myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai, matsan mayan ni a matu Kabu Gara Shiga hkaw dan nga ai.

MAHTE 21:14

Myi kyaw ai ni hte lagaw hten ai ni gaw, dai htingnu kata de shi kaw du ma ai rai nna, shi shanhte hpe shamai shatsai ya mu ai.

MAHTE 9:8

Dai hpe mu ai shawa masha ni, hkrit kamyin nga ma ai rai nna, shinggyim masha ni hpe ning re ai ahkaw ahkang jaw ai Karai Kasang hpe shakawn shagrau nga ma ai.

LUKA 13:17

Shi htan ai ga a majaw, shi hpe hpyen tai ai ni kaya mat shajang ma ai. Shawa masha ni yawng chyawm gaw, shi galaw ai mauhpa amu mahkra a majaw kabu gara shajang nga ma ai.

LUKA 19:37

Ya Yerusalem mare du magang yang na Tsanlun bum kadawng yu ai shara kaw du yang, shi a sape hpung masha ni yawng gaw, shanhte mu yu sai magam atsam amu ni yawng a majaw, kabu gara let nsen kaba hte Karai Kasang hpe chyeju dum let shakawn kungdawn ma ai gaw:

LUKA 4:39

Shi gaw numsha a yupku makau e shang tsap nga let, dai hkali hpe numsha kaw na pru mat na hkang da wu ai rai nna, shi a hkali kawp mat ai, shaloi jang shi rawt nna shanhte hpe galaw daw mu ai.

LUKA 5:26

Yawng mayawng gaw, grai wa mau mahka nga nna, hkrit la ai hte Karai Kasang hpe shakawn kungdawn let, “Dai ni anhte mauhpa amu ni mu lu sagaw ai,” nga nna tsun ma ai.

LUKA 9:43

Masha nga manga hte mung, Karai Kasang a daru magam n-gun a majaw mau mahka nga ma ai. Shing rai Yesu galaw ai lam mahkra a majaw, masha ni naw mau nga ma yang, shi gaw shi a sape ni hpe,

KASA 11:18

Shanhte dai lam na ma yang, shanhte a mara tam dinglun ai lam jahkring kau nna myit pyaw ai hte, “Aw rai sa, Karai Kasang gaw maigan masha ni hpe mung myit malai lu nna asak hkrung nga na ahkaw ahkang jaw nga a hka!” nga nna Karai Kasang hpe shagrau sha-a ma ai.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

KASA 4:21

Shaloi salang kongsi gaw shan hpe shawng na hta grau ja ai hku sadi jaw daru jet nna dat dat mu ai. Shanhte gaw shan hpe ari jaw na lam n mai byin ai hpe mu chye ma ai. Hpa majaw nga yang dai byin ai amu a majaw, masha n lang Karai Kasang hpe shagrau sha-a ma ai.

GALATI 1:24

Dai majaw shanhte gaw nye a lam ninghkan e Karai Kasang a hpung shingkang hpe shakawn kungdawn nga ma ai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.