LUKA 18:32 - Jinghpaw Common Language Bible 2009

³² Shi gaw maigan amyu ni a lata de ap kau ai hkrum nna, asawng asang di ai, aroi arip di ai, mayan mahtaw bun ai hkrum na ra ai.

Jinghpaw Hanson Version Bible

³² Kaning rai nme law, maigan amyu ni a lata de ap kau na, asawng asang di ai, aroi arip re ai, mayen mahtaw bun ai, shi hkrum na ra ai:

LUKA 18:32 ပူးပေါင်းရင်းမြစ်များ

ESAIA 50:6

Ngai hpe kayat ai ni hpe nye a shingma shakrin ja ya nngai. Shanhte ngai hpe n kaw n law di nna, nye a nhka mun ni hpe gang baw ai hte nye a myi man hpe mayen mahtaw bun ai shaloi, ngai shanhte hpe jahkring we ai n rai.

ESAIA 52:14

Shanhte gaw shi hpe mu ai shaloi, amyu masha law law hte gaw mau kajawng mat ma ai; shi gaw shinggyim hkum hkrang hte grai shai mat hkra, gawng shingyan hten mat nga ai.

ESAIA 53:3

Anhte shi hpe n kaw n law di ga ai, shi hpe ningdang kau ga ai; shi gaw nni nkri hte nchyi nmu hpe hkam sha nga ai. Kadai mung shi hpe pyi n yu mada nga ai- anhte gaw shi hpe hpa n re ai wa hpe zawn nawn kau ga ai.

MIHKA 5:1

Yerusalem masha ni e, na a hpyen n-gun ni hpe mahkawng da u! Anhte gaw wang da ai hkrum nga saga ai! Shanhte gaw Israela a ningbaw wa hpe gasat nga ma ai.

MAHTE 16:21

Dai aten kaw nna Yesu gaw, sape ni hpe tsun dan magang mu ai gaw, “Ngai Yerusalem mare de sa nna agyi salang ni, hkinjawng agyi ni hte tara sara ni a lata hta e nni nkri law law hkrum nna, sat kau ai hkrum nhtawm, masum ya nhtoi hta ngai bai sharawt la ai hkrum na ring ngai,” ngu mu ai.

MAHTE 20:19

maigan masha ni a lata de ap kau na mara ai rai nna, shanhte gaw shi hpe asawng asang di nna anu kayat ai hte wudang hta jen da na mara ai; rai ti mung masum ya nhtoi hta e bai jahkrung sharawt la ai hkrum na ra ai,” ngu nna tsun mu ai.

MAHTE 22:6

Naw nga ai ni mahtang gaw, shi a mayam ni hpe rim la nna anu kayat ai hte sat kau ma ai.

MAHTE 26:67

Shaloi shanhte gaw shi a myi man hpe mayen mahtaw bun ai hte shi hpe htwi mu ai. Nkau mi shi hpe kahpret nna,

MAHTE 27:2

Dai hpang shi hpe gyit nhtawm Roma mung gyi Pilat hpang de sa ap kau mu ai.

MARKU 14:65

Shanhte hta na nkau mi gaw, shi hpe mayen mahtaw bun ai hte, shanhte shi hpe myi bam kau ya nna kayat nhtawm shanhte gaw, “Nang hpe kadai kayat a ta? Tak yu u!,” ngu mu ai. Hkinjawng Agyi Kaba wa a sin langa ni mung shi hpe magra bye kahpret mu ai.

MARKU 15:1

Jahpawt manap jau jau e, hkinjawng agyi ni gaw, agyi salang ni, tara sara ni hte dai salang kongsi hpawng ting gaw grai tin ai hku bawng jahkrup la nna, Yesu hpe gyit nhtawm, dun mat wa nna, Pilat kaw ap ya mu ai.

LUKA 18:33

Shi hpe anu kayat nhtawm, sat kau na maru ai, rai ti mung, masum ya nhtoi hta bai hkrung rawt wa na ra ai,” ngu nna shanhte hpe tsun mu ai.

LUKA 23:1

Dai shaloi hpawng nga ai hte yawng rawt nna Yesu hpe Pilat hpang de woi bang mu ai.

LUKA 23:11

Herod hte shi a hpyen ma ni Yesu hpe n kaw n law aroi arip jahpoi asawng di nna reng ai hpun palawng jahpun nhtawm, Pilat hpang de bai nhtang sa shangun dat mu ai.

LUKA 23:35

Shawa masha ni gaw mada yu let tsap nga ma yang, Yuda agyi salang ni gaw mani jahpoi asawng let, “Masha kaga ni hpe shi hkye la ga ai; Karai Kasang e lata la ai Meshia shi nan rai yang mung, shi hkum shi hkye la u ga,”

YAWHAN 18:22

Yesu shing ngu wu yang, makau e tsap nga ai sin nga ai ni hta na langai mi gaw, Yesu hpe kahpret nna, “Hkinjawng Agyi Kaba wa mi ting hpe nang shing nga htan gwi nga n ni!,” ngu wu ai.

YAWHAN 18:28

Bai shanhte gaw jahpawt jau jau e, Yesu hpe Kayahpa kaw nna Pilat a htingnu na tara jeyang ai pretori ngu ai gawk kaba de woi shang wa mu ai. Yuda masha ni gaw tinang a hkum awu asin n hkrum ai sha dai Shalai wa ai Poi sha lu na matu nawku htung a tara hte maren jasan jaseng mayu ai majaw htingnu wang de n shang ma ai.

YAWHAN 18:30

Shanhte gaw, “Ndai wa tara lama ma tawt lai ai wa n rai yang gaw, shi hpe nang hpang de anhte woi sa wa na n rai,” ngu nna htan mu ai.

YAWHAN 18:32

(Shanhte shing nga nna tsun ai gaw, Yesu shi kaning rai gara hku si hkam lu na lam kumla ga hte tsun da ai ga dik wa na matu rai nga ai.)

YAWHAN 18:35

Pilat gaw, “Ngai Yuda masha re ai ngu nna nang myit n ni? Na a amyu masha ni hte hkinjawng agyi ni gaw, nang hpe ngai kaw sa ap ya ma ai. Nang hpa galaw shut nit ta?,” ngu nna htan wu ai.

KASA 2:23

Karai Kasang gaw, shi a shatawng shada ai lam daw dan shangut da sai hte maren, Yesu hpe nanhte a lata de ap kau wu ai. Nanhte gaw shi hpe n tara ai hte yubak kap ai ni a lata de ap kau nna wudang hta jen sat kau myit dai.

KASA 3:13

Abraham, Isak hte Yaku a Karai Kasang ngu ai anhte ji wa ni a Karai Kasang gaw, shi a shangun ma Yesu hpe hpung shingkang shadan shapraw ya nu ai. Rai ti mung, nanhte chyawm gaw ahkang aya lu ai ni a lata de shi hpe ap kau myit dai rai nna, Pilat du wa pyi shi hpe dat kau na myit daw dan da sayang nanhte mahtang Pilat a man e shi hpe ndang kau myit dai.