LUKA 18:30 - Jinghpaw Common Language Bible 2009

³⁰ ndai prat hta htam law law akyu hkam sha lu na hta n ga, htawm hpang e mung nhtum nwai asak lu la na ra ai,” ngu nna shanhte hpe tsun mu ai.

Jinghpaw Hanson Version Bible

³⁰ ndai prat hta htam law law wa n lu la ai, n nga na hta kaga, htawm hpang prat e mung, n htum n wai asak n lu la ai gaw, n nga na re ai,” ngu nna shanhte hpe tsun mu ai.

LUKA 18:30 ပူးပေါင်းရင်းမြစ်များ

YOBA 42:10

Yoba gaw shi a manang marai masum a matu akyu hpyi ngut jang, dai Madu gaw shi shawng e lu malu mahkra hta htam lahkawng bai jat ya let shi hpe bai ngamu ngamai shangun wu ai.

SHAKAWN KUNGDAWN 119:103

Nang sharin shaga ai ga matsun ni gaw kade wa dwi nga a hka! Dai gaw lagat jahku hta pyi grau nna dwi nga ai.

SHAKAWN KUNGDAWN 119:111

Na a hkang da ai tara ni gaw prat dingsa na nye a sut gan ni rai nga ai; dai ni gaw nye myit masin kabu gara ai lam rai nga ai.

SHAKAWN KUNGDAWN 119:127

Aja hte jet ai aja hta grau nna, na a hkang da ai tara ni hpe ngai tsaw ra nga nngai.

SHAKAWN KUNGDAWN 119:162

Na a ga sadi ni a majaw, ngai kade wa kabu gara nga a hka! Law la ai ja gumhpraw sut gan ni hpe mu tam ai wa zawn, kabu gara nga nngai.

SHAKAWN KUNGDAWN 119:72

Nang ngai hpe jaw ya ai tara gaw mungkan ga na ja gumhpraw sut gan yawng mayawng hta grau nna manu dan nga li ai.

SHAKAWN KUNGDAWN 37:16

Mai kaja ai wa a sut gan kachyi mi gaw tara n lang ai wa a sut gan yawng hta grau nna manu dan nga ai,

MAHTE 12:32

Dai Masha Kasha hpe ga hte shut hpyit ai wa kadai hpe mung, mara raw dat kau ya na lam hku nga ai; Chyoi pra ai Wenyi hpe ga hte shut hpyit ai wa chyawm gaw, ndai prat hta rai ti mung, hpang na prat hta rai ti mung, raw dat kau ya hkrum na n rai.

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

1 TIMOHTI 4:8

Hkum hkrang hte seng nna sha shaman shakyang ai lam gaw akyu loi sha mi nga ai; rai ti mung wenyi makam masham lam hta shaman shakyang ai gaw lam shagu hta akyu nga nga ai; hpa majaw nga yang dai gaw ndai prat hte htawm hpang prat a matu ga ndat rawng nga ai.

1 TIMOHTI 6:6

Kaja wa nga yang gaw tinang lu ai hta myit dik chye ai rai yang nawku htung gaw masha langai mi hpe lu su shangun ai rai nga ai.

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.

SHINGRAN 2:17

“Wenyi gaw hpung ni hpe kaning nga tsun ai gaw, na tu ai wa gaw na la u ga! “Awng padang lu ai ni hpe, makoi da ai manna muk nkau mi hpe mung, shanhte langai hkrai hpe ahpraw n san ai lungdin hpe mung, ngai jaw na nngai. Dai lungdin hta ka da ai mying ningnan hpe chyawm gaw, lungdin lu la ai wa hta kaga kadai mung n chye ya lu ai.

SHINGRAN 3:21

Ngai awng padang lu nna nye Wa a tingnyang makau e shi hte rau dung nga lu ai zawn, awng padang lu ai wa gaw nye a tingnyang makau e ngai hte rau dung nga lu na ahkang ngai jaw na we ai.