LUKA 18:27 - Jinghpaw Common Language Bible 2009

²⁷ Yesu gaw, “Masha n dang di lu ai lam ni hpe Karai Kasang dang di nga ai,” ngu nna htan mu ai.

Jinghpaw Hanson Version Bible

²⁷ Shaloi shi gaw, “Masha n dang di lu ai lam ni hpe, Karai Kasang gaw dang di lu nga ai,” ngu nna tsun dan mu ai.

LUKA 18:27 ပူးပေါင်းရင်းမြစ်များ

NINGPAWT NINGHPANG 18:14

Dai Madu n dang galaw lu ai amu nga nga a ni? Ngai tsun da sai hte maren, ya kaw nna shata jahku du jang, ngai bai du na ring ngai, dai shaloi Sara gaw shadang sha langai mi lu na ra ai,” ngu nna tsun wu ai.

YOBA 42:2

Madu e, nang gaw daru magam n-gun yawng hte hpring ai wa rai nna; nang ra ai lam magup hpe nang galaw lu nga ndai gaw ngai chye nngai.

YEREMIA 32:17

“Tsaw Htum ai Madu e, nang gaw na a daru magam n-gun hte lahpum hpe shada nna ginding aga hte sumsing lamu hpe hpan da nit dai; na a matu hpa mung grai yak la nga ai n rai.

Daniela 4:35

Shi gaw mungkan masha ni hpe hpa mi n re ai zawn yu nga ai; sumsing lamu na lamu kasa ni hte mungkan ga na masha ni gaw shi up hkang ai n pu hta taw nga ai. Kadai mung shi a sharawng awng ai hpe ninghkap lu ai n rai; shi galaw ai amu hpe kadai mung ga san n shapraw lu nga ai.

ZEHKARIA 8:6

“Dai gaw ya naw ngam nga ai masha amyu baw a matu n mai byin ai zawn rai nga ti mung nye a matu chyawm gaw mai byin nga ai.

MAHTE 19:26

Yesu shanhte hpe azi mada yu nna, “Masha a atsam hte kadai wa hpe mung hkye hkrang la na matu dang di lu ai n rai; Karai Kasang mahtang gaw yawng mayawng hpe dang di lu nga ai,” ngu wu ai.

LUKA 1:37

Kaning rai nme law, Karai Kasang n galaw lu ai lam hpa mung n nga ai,” ngu nna htan wu ai.

LUKA 18:26

Dai ga na ai ni gaw, “Dai rai yang gaw kadai wa mi hkye hkrang la ai kaw du lu na rai ta?,” ngu nna san mu ai.