LUKA 18:2 - Jinghpaw Common Language Bible 2009

² “Mare langai mi hta, Karai Kasang hpe mung n hkrit, masha hpe mung myi man n tam, n agam ai tara agyi langai mi nga ai.

Jinghpaw Hanson Version Bible

² “Mare langai mi hta, Karai Kasang hpe mung n hkrit masha hpe mung n agam ai tara agyi langai mi nga ai.

LUKA 18:2 ပူးပေါင်းရင်းမြစ်များ

GA SHAGAWP 29:7

Mai kaja ai wa gaw matsan mayan wa a ahkaw ahkang hpe chye ya nga ai; tara n lang ai masha ni gaw dai zawn re ai amu ni hpe n chye na lu ma ai.

ESAIA 33:8

Ningmaw lam kaba ni grai hkrit tsang shara rai nna kadai mung dai lam hku n lai hkawm ma ai. Ga shaka ni mung hten mat nna myit hkrum lam ni run mat nga sai. Kadai mung hkungga n hkrum nga sai.

LUKA 18:3

Bai dai mare hta gaida jan langai mi mung nga ai. Shi gaw tara agyi wa kaw matut manoi sa nna, ‘Ngai hte amu rawng ai wa hpe mara hte maren tai ya rit, nga nna shi lu ang ai ahkaw ahkang a matu hpyi lajin wu ai!’

LUKA 18:4

Rai ti mung tawng marang wa mi na hkra, shi n jeyang ya hkraw ai, timung jahtum e shi gaw, ‘Ngai Karai Kasang hpe mung n hkrit, masha hpe mung n agam nngai.

LUKA 20:13

Shaloi sabyi sun madu wa gaw, ‘Ngai kaning di na i? Ngai tsaw ra ai ngai sha hpe ngai shangun dat yu na we ai. Kaja wa shi hpe gaw shanhte hkrit hkungga na ma ai nhten!,’ nga nna tsun ai.

HEBRE 12:9

Anhte hpe daru sharin ai shinggyim kawa ni hpe anhte hkungga lara di ga ai. Dai rai yang, anhte a Wenyi hte seng ai Kawa a npu e grau nna taw nga let asak hkrung nga ra ga ai n rai hka!