LUKA 18:16 - Jinghpaw Common Language Bible 2009

¹⁶ Rai ti mung, Yesu gaw ma kaji ni hpe shaga let, “Ma ni hpe ngai hpang de sa shangun maru, shanhte hpe hkum shadang myit, hpa majaw nga yang, Karai Kasang a Mungdan gaw dai zawn re ai ni a mungdan rai nga ai.

Jinghpaw Hanson Version Bible

¹⁶ Rai timung Yesu gaw ma kaji ni hpe shaga let, “Ma ni hpe ngai hpang de sa shangun maru; shanhte hpe hkum gang shadang myit: kaning rai nme law, Karai Kasang a mungdan gaw, dai zawn re ai ni a mungdan rai nga ai.

LUKA 18:16 ပူးပေါင်းရင်းမြစ်များ

NINGPAWT NINGHPANG 21:4

Isak asak 8 ya nhtoi du jang, Karai Kasang hkang da ai hte maren Abraham gaw shi hpe matu gadoi ya wu ai.

2 HKAWHKAM LABAU 20:13

Yuda masha ni yawng gaw shanhte a madu jan ni hte kashu kasha ni hte rau dai yang na Nawku Htingnu hta e tsap nga ma ai.

YEREMIA 32:39

Ngai gaw shanhte hte shanhte a aru arat ni a mai kaja lam a matu asak hkrun lam tup hta ngai hpe aten shagu shagrau sha-a na ngu ai yaw shada lam langai sha shanhte hpe jaw na nngai.

MAHTE 19:14

Yesu chyawm gaw, “Ma ni ngai hpang de sa maru ga, shanhte hpe hkum ban shadang myit, hpa majaw nga yang, sumsing lamu a Mungdan gaw dai zawn re ai ma ni a Mungdan rai nga ai,” ngu mu ai.

LUKA 18:15

Masha nkau mi shanhte a ma kaji ni hpe Yesu ta mara ya mi ga nga nna, shi hpang de woi sa ma ai. Sape ni gaw dai hpe mu jang hkap daru kau mu ai.

LUKA 18:17

Kadai rai ti mung Karai Kasang a Mungdan hpe ma kaji zawn n hkap la ai wa gaw, dai hta e kaja wa n shang lu na ra ai,” ngu mu ai. Dai hpe adum nga mu.

KASA 2:39

Hpa majaw nga yang, ga ndat dai gaw, nanhte hte mung nanhte a kashu kasha ni hte mung sumtsan ga e nga ai anhte a Madu Karai Kasang shaga la ai masha nga manga hte hte mung seng nga ai,” ngu nna tsun dan mu ai.

1 KORINHTU 14:20

Hpu nau ni e, myit mang ai lam hta ma kaji hkum tai myit: n hkru n kaja ai lam hta she ma kaji tai nga mu; myit mang ai lam hta chyawm gaw, asak kaba nna myit su ai ni zawn rai nga mu.

1 KORINHTU 7:14

Hpa majaw nga yang, n kam n sham ai madu wa gaw, kam sham ai madu jan a jaw e mung, n kam n sham ai madu jan gaw, kam sham ai madu wa a jaw e mung, shachyoi shapra ai hkrum nna Karai Kasang e hkap la ging ai ni tai wa lu ma ai; dai hku n rai yang gaw, nanhte a kashu kasha ni n san n seng ai maigan kashu kasha ni tai na ma ai; ya chyawm gaw, Karai Kasang e hkap la ging ai ni shanhte tai ma ai.

TARA JAHPRANG 29:11

nanhte hta hkan nga nang nna nanhte a matu hpun hta, hka ja ya ai maigan masha ni ngu na yawng gaw, dai Madu nanhte a Karai Kasang a man e dai ni, tsap nga myit dai.

TARA JAHPRANG 31:12

Lasha numsha, ma kaji ni hte nanhte a mare ni hkan nga ai maigan masha ni yawng hpe shaga jahpawng tawn myit. Shaloi dai tara ga hpe masha shagu na lu hkra dai Madu nanhte a Karai Kasang hpe shagrau sha-a let shi a sharin achyin ai ga matsun ni hpe sadi sahka hte madat mara hkan sa na matu sharin la lu na rai myit dai.

1 PETRU 2:2

Ma chyangai zawn wenyi hte seng ai jet ai chyu hpe galoi mung hpang gara nga mu. Shing rai nanhte lu ai hte nanhte galu kaba wa nna hkye hkrang la ai hkrum na marin dai.