LUKA 18:13 - Jinghpaw Common Language Bible 2009

¹³ “Rai ti mung kang hta ai wa gaw, tsawmra tsan ai kaw tsap nna, lamu de pyi n wam mada ai, shi a sinda adup let, ‘Karai Kasang e, ndai yubak kap ai wa langai mi rai nga ai ngai hpe matsan dum la rit law!,’ ngu nna hpyi wu ai.

Jinghpaw Hanson Version Bible

¹³ Kang hta ai wa chyawm gaw, tsawmra naw tsan kaw tsap nna, lamu de pyi n wam mada ai; shi a sinda adup let, ‘Karai Kasang e, ndai yubak kap ai wa ngai hpe matsan dum la e law,’ ngu nna hpyi wu ai.

LUKA 18:13 ပူးပေါင်းရင်းမြစ်များ

2 SAMUELA 12:13

Dawi gaw, “Dai Madu hpe ngai shut kau ni ai,” ngu nna tsun wu ai. Nahtan mung, “Dai Madu nang hpe yubak raw ya nga sai; nang si lu na nit dai n rai.

2 HKAWHKAM LABAU 33:19

Hkawhkam wa a akyu hpyi ga hte dai hte seng ai Karai Kasang a mahtai, shi myit malai garai n lu yang, n hkru ai amu galaw nna shi shut hpyit kau ai yubak mara ni a lam, tara maigan masha ni nawku ai shara ni, shi tawk galaw ai Ashera karai num a hkrang sumla ni hte shi nawku ai hpara sumla ni yawng a lam hpe Myihtoi ni a Labau Laika hta ka matsing da nga ai.

2 HKAWHKAM LABAU 33:23

Rai ti mung shi a kawa hte n bung ai sha, n shagrit shanem ai hte dai Madu hpang de n kayin wa nga ai. Shi gaw kawa hta pyi grau sawng hkra yubak mara shut hpyit nga ai.

EZRA 9:6

Ngai gaw, “O Karai Kasang e, anhte a yubak gaw baw lim hkra sumpum nga nna, dai ni gaw sumsing lamu du hkra dep nga ai majaw, na a man e nye a baw sharawt lu na ngai nau wa kaya nga nngai.

YOBA 42:6

Dai rai nna, ngai tsun kau sai lam yawng mayawng a majaw kaya hkrum nga nngai; shing rai ga nhpu hte wan dap hte bun nna myit malai lu nngai.

SHAKAWN KUNGDAWN 106:6

Anhte gaw anhte a kaji kawa ni galaw lai wa sai zawn yubak galaw kau saga ai; shing rai, anhte gaw tara n lang ai ni hte n hkru n shawp ai ni tai mat nga saga ai.

SHAKAWN KUNGDAWN 119:41

Madu e, nang ngai hpe kade wa tsaw ra nga ndai gaw ngai hpe madun dan e; na a ga sadi hte maren, ngai hpe hkye hkrang la e.

SHAKAWN KUNGDAWN 130:7

Israela e, shi a tsaw ra myit gaw dinggrin anga nga ai hte; shi anhte hpe hkye hkrang la na matu, tut nawng e, ra sharawng nga ai majaw, dai Madu hta kam hpa nga mu.

SHAKAWN KUNGDAWN 25:11

Madu e, na a ga sadi hpe shadik shatup nga u, nye a yubak ni hpe mung raw dat kau ya e; kaning rai nme law, dai hte gaw law la nga ai.

SHAKAWN KUNGDAWN 25:7

Nye a ram prat na shut hpyit ai lam ni hte yubak mara ni hpe, raw dat kau ya e. Madu e, na a dinggrin tsaw ra ai myit hte mai kaja ai myit hta ngai hpe adum nga e law!

SHAKAWN KUNGDAWN 40:12

Ngai gaw ru tsang law law hte gawan da hkrum ai wa rai nga nngai dai gaw n dang hti hkra law la nga ai! Ngai loi mi pyi n mu mada lu hkra, nye a yubak ni mung ngai hpe dep nang mat sai; dai gaw nye baw na kara ni hta grau law ai rai nna, nye a myit gawng run mat sali ai.

SHAKAWN KUNGDAWN 41:4

“Madu e, nang hpe ngai yubak galaw kau ni ai; ngai hpe matsan dum la nna, ngai hpe shamai shatsai la e,” ngu nna ngai tsun ni ai.

PRU MAT 33:10

Dai Sum chyinghka lam e sumwi shadaw nga nga ai hpe amyu masha ni mu ai hte rau shanhte gum dagup ma ai.

ESAIA 1:18

Dai Madu gaw, “Ya, anhte bawng jahkrup yu ga. Nanhte a yubak gaw sai zawn hkyeng nga ti mung hkyen zawn hpraw san hkra ngai kashin kau ya na nngai. Nanhte a yubak gaw dik hkra hkyeng nga ti mung, sagu mun zawn hpraw wa lu na marin dai.

ESAIA 6:5

Ngai gaw, “Nye a matu myit mada shara n nga sahka! Nye a nten kaw nna pru ai ga hkum shagu gaw yubak ga ni rai nna, ga hkum shagu yubak ga tsun shaga ai amyu masha ni a lapran e ngai nga nga nngai majaw, ngai gaw dingnye hkrum nga nngai. Ti mung, nye myi hte chyaw, Chyahtum Chyalai N-gun rawng ai dai Madu Hkawhkam wa hpe ngai mu se ai.

ESAIA 66:2

Ngai hkum nan nga yawng danghta n-gawn tawa ting hpe hpan da ni ai! Ngai gaw shagrit shanem ai hte myit malai lu nna ngai hpe hkrit kamyin ai hte nye a ga madat mara ai ni hpe awng sharawng nga nngai.

EZEKELA 16:63

Ngai gaw nang galaw yu sai shut hpyit amu mahkra hpe mara dat ya na nngai, rai ti mung, nang gaw dai lam ni hpe myit dum wa nna na a n-gup hpaw na matu, ja ja kaya bu na ndai.” Tsaw Htum ai dai Madu tsun nu ai.

Daniela 9:5

“Anhte yubak galaw shut kau saga ai; anhte gaw n hkru ai ni she rai mat saga ai, anhte gaw shut hpyit ai amu galaw kau saga ai. Anhte galaw na matu nang hkang da ai ga ni hpe ningdang kau nna nang anhte hpe madun dan nit dai jaw ai lam kaw nna mung yit mat wa saga ai.

MAHTE 10:3

Hpilip hte Barhtolume; Htawma hte kang hta ai wa Mahte; Alhpe a kasha Yaku hte Htade;

MAHTE 6:5

Nanhte akyu hpyi myit yang, sawt ai masha ni zawn hkum rai myit! Shanhte gaw masha shagu shanhte hpe mu lu mu ga, tara jawng ni hta, mare lam mashe ni hta tsap nga nna akyu hpyi nga na tsaw nga ma ai. Nanhte hpe ngai teng teng tsun made ai gaw, shanhte tinang a shabrai lu la manu ai.

MAHTE 9:13

Dai rai nna, ‘Dusat hkungga jaw ai lam n rai, matsan dum ai lam sha ngai tsaw nga nngai,’ nga ai chyum ga a lachyum hpe chye lu myit ga, sa hkan tam sharin la mu; hpa majaw nga yang, ding hpring ai ni hpe shaga na matu n rai, yubak kap ai ni hpe shaga na matu she ngai sa du ring ngai,” ngu mu ai.

MARKU 11:25

Nanhte rawt tsap let akyu hpyi ai shaloi, masha langai ngai nanhte hpe shut ai mara lama ma nga yang, dai hpe raw dat kau ya na rai myit dai, shaloi she sumsing lamu e nga ai nanhte a Kawa gaw nanhte a mara ni hpe mung raw dat kau ya na ra ai.’

LUKA 17:12

Kahtawng langai mi de shang wa yang, manggang kap ai masha marai shi, Yesu hpe hkap tau la ma ai. Shanhte tsan tsan e tsap nna,

LUKA 22:41

Dai hpang shi gaw, sape ni nga ai kaw nna nlung kabai hkap daram gang hkra sa nhtawm, lahput hput di let,

LUKA 23:48

Dai lam yu na nga nna sa hpawng nga ai shawa masha ni mung, shing rai byin ai lam hpe mu mu yang, tinang a sinda ni hpe adup nna yawn hkyen let bai wa ma ai.

LUKA 5:8

Simun Petru gaw, dai byin ai lam mu jang, Yesu a lagaw nhpang e hput di dingnyawm let, “Madu e ngai kaw na wa mat u, ngai gaw yubak kap ai masha rai nga nngai,” ngu wu ai.

KASA 2:37

Shawa masha ni dai ga hpe na ma yang, shanhte a myit hta hkra malu ai rai nna shanhte gaw Petru hte kaga Kasa ni hpe, “Hpu nau ni e, anhte kaning rai na rai ta?,” ngu nna tsun ma ai.

ROMA 5:8

Rai ti mung, anhte yubak kap ai ni naw rai nga yang Hkristu gaw anhte a matu mara si hkam sai. Ndai hku nna Karai Kasang gaw anhte hpe gade wa tsaw ra mi ai lam madun dan mani ai.

2 KORINHTU 7:11

Nanhte a myit yawn hkyen ai hpe Karai Kasang gara hku jai lang ai lam hpe yu yu mu: dai gaw nanhte hpe gade myit rawt sharawng awng shangun ai, nanhte hta mara n kap ai lam madun dan na myit gade katu shangun ai, kaja ai lam shabyin mayu ai majaw grai myit rawt nna masin pawt ai hte myit kajawng kahpra mat ai, myit hta hkam sha nga ai lam ni, nanhte a kam sham maju jung ai lam, mara lu ai wa hpe ari jaw na matu jin jin rai nga ai lam ni gaw lam shagu hta nanhte mara n lu ai, ngu ai hpe madun dan nga manit dai.

1 TIMOHTI 1:15

Yubak kap ai ni hpe hkye hkrang la na matu Hkristu Yesu gaw mungkan ga de du sa ai nga ai ga gaw, tup hkrak hkap la nna kam sham ging ai teng man kangka re ai ga nan rai nga ai. Dai yubak kap ai ni hta ngai mahtang kaba htum ai wa rai nga nngai.

HEBRE 4:16

Dai rai nna anhte nden ja ai myit hte Karai Kasang a chyeju tingnyang man de sit shang wa ga. Shing rai yang anhte gaw matsan dum ai lam hkam la lu na hte, ra kadawn ai aten hta nan anhte hpe karum ai chyeju lu la na ga ai.

HEBRE 8:12

Shanhte a mara hpe ngai raw kau ya nna, shanhte shut hpyit ai lam ni hpe ngai bai dum ya sana n rai, nga nna dai Madu tsun nga ai.”