LUKA 17:34 - Jinghpaw Common Language Bible 2009

³⁴ Nanhte hpe ngai tsun made ga, dai shana hta e yup ra langai hta sha yup nga ai masha lahkawng hta na langai mi gaw woi la ai hkrum nna, langai mi gaw hti nga mat na ra ai.

Jinghpaw Hanson Version Bible

³⁴ Nanhte hpe ngai tsun made ga, “Dai shana hta e yup ra langai mi hta, lasha lahkawng rau nga na ma ai; langai mi gaw woi la ai hkrum nna, langai mi gaw hti nga mat na ra ai.

LUKA 17:34 ပူးပေါင်းရင်းမြစ်များ

SHAKAWN KUNGDAWN 26:9

Yubak kap ai ni hte rau ngai hpe hkum jahten kau et; masha sat ai ni hkrum na ari kaw na ngai hpe jahti tawn da e;

SHAKAWN KUNGDAWN 28:3

Tara n lang ai ni hte mung, n hkru ai amu galaw ai ni hte mung, masha a n-gup aga ni gaw jinghku zawn hku hkau nga ti mung, shanhte a myit masin ni hta n ju n dawng ai myit rawng nga sai ni hte rau ngai hpe hkum daw dan et.

ESAIA 42:9

Ngai tau tsun da ai amu ni gaw ya teng nga sai. Ya chyawm gaw dai lam ni garai n byin hpang ai rai tim, ngai nang hpe amu nnan lam ni tsun dan na nngai.”

YEREMIA 45:5

Nang gaw na hkum a matu laklai ai lam hkan tam nga n ni? Hkum hkan tam nga et. Ngai gaw shinggyim masha ni yawng a ntsa e tsin-yam tsindam shapraw na we ai, rai ti mung, nang gaw nang sa wa ai shara shagu hta, na a asak gaw yawm dik lawt lu na rin dai. Dai Madu ngai nan tsun ni ai.”

MAHTE 24:25

Madat mu! ndai lam garai n byin kaw nna ngai nanhte hpe tsun hkap da ni ai.

MARKU 13:23

Nanhte sadi nga mu! Ngai nanhte hpe ndai lam shagu garai n byin kaw nna tau tsun dan ni ai.

MARKU 14:29

Petru gaw, “Kaga ni yawng dai hku galaw ma ti mung, ngai gaw nang hpe galoi mung n kabai kau tawn da na nngai,” ngu nna htan wu ai.

LUKA 13:24

Yesu gaw, “Gyip ai chyinghka hku shang lu na nanhte shakut shaja mu, hpa majaw nga yang, masha law law wa shang na matu kaja wa shakut na mara ai, rai ti mung, n shang lu na mara ai.

LUKA 13:3

Kaja wa dai hku n rai! Ngai nanhte hpe tsun made ga, Nanhte mung, yubak mara ni kaw na myit malai n lu myit yang gaw, nanhte yawng shanhte zawn si wa na marin dai.

LUKA 13:5

Kaja wa dai hku n rai! Ngai nanhte hpe tsun made ga, Nanhte mung, yubak mara ni kaw na myit malai n lu myit yang gaw, shanhte zawn, yawng si wa na marin dai,” ngu mu ai.

LUKA 17:33

Tinang a asak hkye la na tam ai wa kadai mung, asak sum na ra ai, rai ti mung tinang asak sum ai wa chyawm gaw, asak hpe hkye la lu na ra ai.

LUKA 17:35

Numsha lahkawng rau sha htumrin rin nga ai kaw na, langai mi gaw woi la ai hkrum nna, langai mi gaw hti nga mat na ra ai.

2 PETRU 2:9

Dai re ai majaw Karai Kasang gaw tara hkung ga ai ni hpe shanhte hkrum hkra nga ai chyam dinglik ai lam ni a kata na gara hku mawai la na hte, n hkru n kaja ai ni hpe tara daw dan ai nhtoi du hkra gara hku ari jaw na hpe mung shi chye nga ai.