LUKA 17:3 - Jinghpaw Common Language Bible 2009

³ Dai majaw, nang galaw ai amu hpe sadi let yu nga u! “Na a nhpu nnau wa yubak galaw shut hpyit yang, daru sharin u, myit malai bai lu yang gaw, shi a mara ni hpe dat ya u.

Jinghpaw Hanson Version Bible

³ Nanhte gaw tinang hkum dai sadi mu: na nhpu nnau wa shut hpyit yang, shi hpe daru sharin u: myit malai bai lu yang gaw, shi a mara dat ya u:

LUKA 17:3 ပူးပေါင်းရင်းမြစ်များ

SHAKAWN KUNGDAWN 141:5

Mai kaja ai masha wa gaw ngai hpe ari jaw u ga, shawang myit kaba hte ngai hpe daru sharin nga u ga, rai ti mung, shanhte a n hkru ai sat lawat ni hpe ninghkap na, tut nawng e, ngai akyu hpyi nga nngai majaw, n hkru ai masha ni a shagrau sha-a ai lam hpe galoi mung ngai hkap la na n rai.

PRU MAT 34:12

Nang sa du na mung na masha ni hte jinghku ga shaka hpa mung hkum tawn et; hpa majaw nga yang, dai gaw na a matu si shangun lu ai mahkam tai na ra ai.

GA SHAGAWP 17:10

Zai byeng-ya rawng ai masha wa, kalang mi daru hkrum ai kaw na sharin la ai gaw, angawk ai wa shingna lasik latsa lang kayat hkrum sha nna sharin la ai hta grau nga ai.

GA SHAGAWP 27:5

Masha langai mi hpe dan dan leng leng sharai shading ya ai gaw, ndai wa nye a ntsa e myit kaja hpa mung n rawng ai ngu myit kau shangun na hta grau kaja nga ai.

GA SHAGAWP 9:8

Gumrawng gumtawng ai masha wa hpe galoi mung hkum shading sharai nga et; dai lam a majaw, shi nang hpe n ju n dawng wa na ra ai. Rai ti mung, hpaji rawng ai masha wa hpe nang shading sharai ai rai yang, shi nang hpe hkungga lara rai na ra ai.

JAW JAU 19:17

“Kadai hte mung n pyaw n ngawn hkum rai myit; shi a majaw yubak n galaw kau u ga, shi hte hpai shai ai lam hpe hkam sharang lu na rai myit dai.

MAHTE 18:21

Shaloi Petru gaw Yesu kaw sit sa nna, “Madu e, nye a hpu nau wa ngai hpe bai shut shut rai yang gaw, ngai gade lang shi a mara hpe raw kau nga lu na rai ta? Sanit lang du hkra rai ni?,” ngu wu ai.

LUKA 21:34

“Nanhte gaw, lu lai, sha lai, chyaru nang ai, dinghta asak hkrung lam a matu myit ru myit tsang ai lam ni hte nanhte hpe n ka-up dang kau u ga, sadi hte nga nga mu. Dai n rai yang, dai tara dawdan ai nhtoi gaw mahkam htim ai zawn nanhte a ntsa e akajawng sha dan pru na ra ai.

EHPESU 5:15

Dai re majaw nanhte gara hku sak hkrung hkawm sa nga myit dai gaw atsawm sha yu nga mu. Hpaji n rawng ai angawk angak masha ni zawn n re ai sha, hpaji rawng ai masha ni zawn hkawm nga mu.

TARA JAHPRANG 4:15

“Dai Madu gaw Sina Bum e, wan kata kaw nna nanhte hpe ga shaga myit dai shaloi, kaning re ai hkrang hpe mung n mu nga myit dai. Shinggyim lasha hte mung,

TARA JAHPRANG 4:23

Dai Madu nanhte a Karai Kasang nanhte hte tawn da ai ga shaka hpe n malap kau myit ga, sadi nga mu; shi hkang da sai ga hpe hkan sa madat mara nhtawm nanhte a matu kaning re ai hpara sumla ni hpe mung hkum tawk myit;

TARA JAHPRANG 4:9

Nanhte hkum nan sadi maja nga mu! Nanhte a myi hte chyaw mu lu sai lam hpe n malap kau ai sha ahkrung nga dingsa shangang shakang da myit; nanhte a myit masin hta a matsing nga mu. Shi gaw ngai hpe, ‘Amyu masha ni hpe jahpawng tawn u; shanhte hkrung nga dingsa nye a ga hpe madat mara hkan sa nhtawm dai hte maren shanhte a kashu kasha ni hpe sharin achyin ya lu hkra ngai tsun ai ga shanhte hpe na la shangun mayu nga nngai,’ ngu nna Sina Bum hta dai Madu nanhte a Karai Kasang a man e tsap nga ai shani na matsun maroi ga, nanhte a kashu kasha ni hpe tsun dan mu.

HEBRE 12:15

Karai Kasang a chyeju kaw na htak mat wa ai lam n byin u ga, makawp maga nga mu. Hka ai hpun ru gaw tu kaba wa nna shi a gung hte jam jau law law jaw lu ai zawn, nanhte kadai hta mung dai zawn n byin u ga, sadi nga mu.

YAKU 5:19

Nye a hpu nau ni e, nanhte hta na marai langai ngai dai teng man ai lam kaw na dam mat wa ai wa hpe marai langai ngai bai woi nhtang wa ai ngu ga.

2 YAWHAN 1:8

Anhte galaw da ai amu hpe nanhte n shamat kau myit dai sha nanhte a shabrai hpe hpring tsup hkra hkam la lu myit ga, tinang dai sadi nga mu.