LUKA 17:27 - Jinghpaw Common Language Bible 2009

²⁷ Noa sanghpaw li de shang ai shani du hkra nan, masha ni gaw, lu let, sha let, num la num ya rai nga nga ma yang, sha-u ing wa nna shanhte yawng hpe yeng seng kau mu ai.

Jinghpaw Hanson Version Bible

²⁷ Noa gaw dai sanghpaw li kata de shang nna, sha-u ing wa let nlang hte hpe yeng seng kau ai nhtoi du hkra, masha ni gaw lu let sha let num la num ya rai let, nga nga ma ai.

LUKA 17:27 ပူးပေါင်းရင်းမြစ်များ

NINGPAWT NINGHPANG 7:23

Dai Madu gaw ga ningtsa na hkrung mahkrung mahkra ngu na shinggyim masha, yam nga hte ntsa malen u ni hpe atsai awai jahten kau wu ai. Noa hte dai sanghpaw li kata na shi hte rau rawng ai ni chyu sha ngam nga ma ai.

NINGPAWT NINGHPANG 7:7

Shi hte shi a madu jan, shi a shadang sha ni hte shanhte a madu jan ni gaw sha-u sha-ing ai kaw nna lawt lu hkra nga, sanghpaw li kata de shang ma ai.

ESAIA 21:4

Nye a baw sin mat li ai, ngai gaw hkrit gari nga nngai. Ngai gaw shana de du wa na matu la kau ni ai, rai ti mung dai gaw hkrit kahpra ai hta jan nna nye a matu kaman lila rai nga ai.

ESAIA 47:11

Tsin yam tsindam gaw na a ntsa e du wa na ra ai, na a mandan lakle hpaji hpa hte mung dai hpe jahkring lu na n rai. Nang galoi mung yup mang n mang yu ai hten run lam gaw nang kaw akajawng sha du wa na ra ai.

MAHTE 22:30

Hpa majaw nga yang, si mat ai ni bai hkrung rawt ai shaloi, shanhte gaw lamu kasa ni zawn rai nna, num la num ya ai lam n galaw na ma ai.

LUKA 17:26

Noa ban e byin ai zawn, Masha Kasha a nhtoi ni hta mung byin na ra ai.

LUKA 17:28

Lawt a ban e mung dai hte maren rai nga ai, masha ni gaw, lu let, sha let, dut let, gat hkai let, dum nta gap let nga nga ma ai.

1 SAMUELA 30:16

Shi mung Dawi hpe shanhte hpang de sa nna woi madun kau wu ai. Majan shang gasat ai ni gaw Hpilisti hte Yuda mung na shanhte rim la lu ai lanep arai sumpum kaba ni a majaw lu let, sha let, poi galaw nna dai shara ni hta pri rai jawng nga ma ai.