LUKA 17:21 - Jinghpaw Common Language Bible 2009

²¹ ‘Yu mu, nang e nga ai! Shing n rai, wonang e nga ai!,’ nga nna mung kadai tsun na n rai: hpa majaw nga yang, Karai Kasang a Mungdan gaw, nanhte a kata e rai nga ai,” ngu nna shanhte hpe htan mu ai.

Jinghpaw Hanson Version Bible

²¹ dai hte maren, ‘Yu mu, nang e nga nga ai, wonang nga nga ai, nga nna mung tsun lu na ma ai, n rai:’ kaning rai nme law, Karai Kasang a mungdan gaw, nanhte a kata e rai nga ai,” ngu nna shanhte hpe htan mu ai.

LUKA 17:21 ပူးပေါင်းရင်းမြစ်များ

MAHTE 12:28

Ngai gaw Bezebula a n-gun atsam hte n rai, Karai Kasang a Wenyi atsam hte nat ni hpe shaden kau nngai. Dai hku teng yang gaw, Karai Kasang a Mungdan nanhte kaw du sai rai nga ai.

MARKU 13:21

“Dai shaloi masha langai ngai, ‘Yu u, nang e Meshia nga nga ai! Shing n rai, htawra kaw shi nga nga ai!,’ nga nna nanhte hpe tsun myit yang, nanhte hkum kam myit.

LUKA 17:23

Dai nhtoi a masha ni gaw, ‘Yu mu, wonang nga nga ai!,’ shing n rai, ‘Yu mu, nang e nga nga ai!,’ nga nna shanhte tsun ma timung, hkum pru hkum yu myit.

LUKA 21:8

Yesu gaw, “Nanhte hkalem masu kau ai n hkrum myit ga, sadi nga mu, hpa majaw nga yang, masha law law wa nye a mying hte paw pru nna, ‘Ngai gaw shi rai nngai; Jahtum nhtoi du ra ai; nga nna tsun na mara ai. Shanhte a hpang hkum hkan nang myit.

YAWHAN 1:26

Yawhan gaw, “Ngai gaw hka hta hkalup jaw nngai, rai ti mung nanhte a ka-ang e nanhte n chye ai wa langai mi tsap nga ai.

YAWHAN 18:36

Yesu gaw, “Nye a mungdan ndai mungkan ga hte n seng li ai; nye a mungdan ndai mungkan ga hte seng ai rai yang gaw, ngai Yuda masha ni a lata de n shang hkra, nye a ali ama ni gasat na masai. Kaja wa nye a mungdan gaw ndai mungkan hte n seng li ai,” ngu nna htan wu ai.

ROMA 14:17

Hpa majaw nga yang, Karai Kasang a Mungdan gaw sha sha, lu lu rai nga na hku n re ai sha, Chyoi Pra ai Wenyi e jaw ya ai shaman chyeju ni rai nga ai, ding hpring ai ngwi pyaw ai hte kabu gara ai lam ni hte seng nga ai.

KOLOSE 1:27

Karai Kasang a shatawng shada ai lam gaw, masha amyu baw shagu a matu hpung shingkang rawng nna mauhpa hte sung htum ai mungga a lam shi a amyu masha ni hpe shadan dan na lam rai nga ai. Dai sung htum ai mungga gaw, Hkristu nan nanhte a kraw lawang hta shanu nga ai lam rai nga ai; lam mi hku tsun ga nga yang, nanhte gaw Karai Kasang hte rau dai hpung shingkang hpe hkam la lu na lam rai nga ai.