LUKA 17:2 - Jinghpaw Common Language Bible 2009

² Dai wa gaw, ndai ma kaji ni hta na langai mi hpe yubak galaw shangun ai rai yang, shi a du hta htumrin lung kaba gyit noi nna, panglai hta jahkrat bang kau na gaw, shi a matu grau mai nga ai.

Jinghpaw Hanson Version Bible

² Dai wa gaw, ndai ma kaji langai mi hpe myit kataw shangun ai hte, shi a du hta htumrin lung noi nna, nammukdara hta jahkrat kau ai hkrum yang gaw, shi a matu grau mai nga ai.

LUKA 17:2 ပူးပေါင်းရင်းမြစ်များ

ESAIA 40:11

Shi gaw sagu rem ai wa zawn shi a sagu hpung hpe lanu lahku na ra ai; shi gaw sagu kasha ni hpe shinggyin la nna dai ni hpe shi a lata lahpum hta pawn da na ra ai; shi gaw dai ni a kanu ni hpe angwi sha woi sa na ra ai.

ZEHKARIA 13:7

Chyahtum Chyalai N-gun rawng ai dai Madu gaw, “Nhtu e, hprang u; nye a matu amu galaw ai sagu rem wa hpe htim anut u! Shi hpe sat kau u, shaloi sagu ni bra ayai mat na mara ai.

MAHTE 17:27

Rai ti mung, an a majaw shanhte myit n kataw mu ga, nawng de sa nna nga myek jahkrat bang u; shawng lu ai nga hpe shaw la nhtawm, nga n-gup gang mahka dat yang, Shekela pa mi nang mu na ndai; dai hpe la nna, ngai hte na a matu shanhte hpe ya u,” ngu nna shi hpe tsun wu ai.

MAHTE 18:10

“Dai ma kaji langai mi hpe pyi nanhte n gawn n sawn n di kau myit ga, sadi nga mu. Nanhte hpe ngai tsun made ga, sumsing lamu kata e shanhte a lamu kasa ni gaw, sumsing lamu na nye a Wa a myi man hpe a mada nga ma ai.

MAHTE 18:14

Dai hte maren, ndai ma kaji langai mi hpe pyi jahten kau ai hkrum na gaw, sumsing lamu hta nga ai nye wa gaw, n hkraw nga ai.

MAHTE 26:24

Chyum laika hta ka da nga ai hte maren, dai Masha Kasha gaw si hkam na matu sa wa lu na rai nga ai; rai ti mung dai Masha Kasha hpe ap kau ai wa gaw dingnye lu na ra ai. Dai masha n shangai taw gaw shi a matu grau kaja nga ai!,” ngu wu ai.

MARKU 9:42

“Ngai hpe kam sham nga ai ndai ma kaji ni hta na langai mi hpe myit kataw shangun ai wa kadai rai ti mung, shi a du hta htum rin lung kaba langai mi gyit noi nna, panglai hta kabai bang kau na gaw, shi a matu grau nna mai nga ai.

YAWHAN 21:15

Ya sape ni sha ngut jang, Yesu gaw Simun Petru hpe, “Yawhan a kasha Simun e, ndai kaga ni ngai hpe tsaw ra ai hta nang ngai hpe tsaw ra n ni?,” ngu nna san wu ai. Shi gaw, “Rai sa, Madu e ngai nang hpe tsaw ra nga nngai gaw, nang chye nga ndai,” ngu nna htan wu ai. Shaloi Yesu gaw, “Nye a sagu kasha ni hpe bau rem nga u,” ngu nna shi hpe tsun wu ai.

1 KORINHTU 9:15

Rai ti mung ngai gaw dai ahkaw ahkang ni langai mi hpe mung n lang nngai. Dai zawn re ai ahkaw ahkang ni hpe nye a matu hpyi na ngu nna ndai lam ka nngai n rai. Shing rai hpyi na malai, ngai shawng si mat na gaw grau mai nga ai. Nye a gumrawng hpa lam hpe kaman lila ga laban byin shangun ai baw kadai hpe mung ahkang jaw na n rai.

1 KORINHTU 9:22

Ngai gaw Karai Kasang hpe kam sham ai hta n-gun n ja ai ni a kata de du mat wa ai shaloi, shanhte hpe lum la lu hkra, makam masham n-gun n ja ai wa zawn ngai tai nga nngai. Dai rai nna, nkau mi hpe byin mai ai lam langai ngai hte hkye hkrang la lu hkra, ngai gaw masha amyu myu hta, amyu myu hku nga nngai.