LUKA 17:10 - Jinghpaw Common Language Bible 2009

¹⁰ Dai hte maren, nanhte mung, galaw na matu tsun matsun yawng hkan shatup galaw ngut jang she, anhte gaw yu maya shangun ma ni sha rai nga ga ai; anhte gaw galaw ra ai lit hpe sha galaw shatup saga ai, ngu mu,” ngu nna tsun mu ai.

Jinghpaw Hanson Version Bible

¹⁰ Dai hte maren nanhte mung tsun matsun yawng hpe hkan shatup ngut jang she, ‘Anhte gaw akyu n rawng ai mayam ni rai nga ga ai; galaw ra ai hpunda hte sha anhte shatup saga ai,’ ngu mu,” ngu wu ai.

LUKA 17:10 ပူးပေါင်းရင်းမြစ်များ

ESAIA 6:5

Ngai gaw, “Nye a matu myit mada shara n nga sahka! Nye a nten kaw nna pru ai ga hkum shagu gaw yubak ga ni rai nna, ga hkum shagu yubak ga tsun shaga ai amyu masha ni a lapran e ngai nga nga nngai majaw, ngai gaw dingnye hkrum nga nngai. Ti mung, nye myi hte chyaw, Chyahtum Chyalai N-gun rawng ai dai Madu Hkawhkam wa hpe ngai mu se ai.

ESAIA 64:6

Anhte yawng gaw yubak mara kap ai ni rai nga saga ai; anhte a kaja htum ai magam bungli ni pyi npawt kaw nna ndung hkren matsat shabat amu hkrai rai nga ai. Anhte galaw shut ai yubak mara ni a majaw, anhte gaw nyui mat nna nbung e shapoi kau ai hpun lap ni zawn rai nga ga ai.

YEREMIA 32:23

Rai ti mung, shanhte gaw ndai mung de shang wa nna, dai mung hpe madu sha wa ai shaloi, shanhte gaw na a hkang da ai ga ni hpe mung, na a sharin achyin ai matsun ga hte maren nga na matu mung, n madat n mara nga ma ai; shanhte hkan galaw na matu nang hkang da ai lam hpa hpe mung shanhte n galaw shatup ma ai. Nang gaw shanhte a ntsa e dai jahten shabyak ai lam yawng shapraw dan nit dai.

MAHTE 25:30

Dai akyu n rawng nna n hkaw ai mayam hpe gaw shinggan na nsin sin ai de shaden shapraw kau u: dai shara e shi gaw hkrap ngu hkrap ngoi ai hte wa udik urin rai na ra ai,’ ngu nna jeyang nu ai.

LUKA 17:11

Ya Yesu gaw Yerusalem mare de sa wa nga yang, shi gaw Samari mung hte Galile mung yan a ga jarit hku ga sa wa ai.

LUKA 17:9

Madu tsun matsun galaw ai a majaw madu gaw shangun ma hpe ‘chyeju kaba sai’ ngu tsun ra na rai ni?

ROMA 11:35

Madu kaw nna chyeju bai htang ai hkrum u ga, kadai wa shi hpe hpa baw shawng sak jaw yu sata?,” nga nna rawng nga ai.

ROMA 3:12

Yawng mayawng Karai Kasang kaw na dam mat wa masai, shanhte yawng shut hpyit lam dam mat masai, kaja ai amu kadai mung n galaw ma ai, kaja wa langai mi pyi n nga ai.

HPILEMON 1:11

Shi gaw shawng de na a matu akyu n rawng ti mung, ya gaw na a matu mung, nye a matu mung akyu rawng nga ai.