LUKA 17:1 - Jinghpaw Common Language Bible 2009

¹ Yesu gaw shi a sape ni hpe, “Masha hpe yubak mara hta kataw bang shangun na lam ni gaw teng teng byin na ra ai; rai ti mung, dai lam shabyin shapraw dat ai wa gaw dingnye lu ai.

Jinghpaw Hanson Version Bible

¹ Dai hta kaga shi gaw shi a sape ni hpe, Myit kataw shara n pru hkra gaw n nga lu ai: rai timung, myit kataw shara shapraw dat ai wa gaw, dingnye lu ai.

LUKA 17:1 ပူးပေါင်းရင်းမြစ်များ

MAHTE 16:23

Yesu mahtang kayin nna Petru hpe, “Satan e, ngai kaw na sit mat wa u! Nang myit ai lam gaw, Karai Kasang kaw na n rai, masha kaw na sha nang myit nga ndai majaw, nye a matu myit kataw shara nang rai nga ndai,” ngu nna tsun wu ai.

MAHTE 18:7

Masha ni hpe makam masham myit kataw shangun ai baw lam ni nga ai majaw, mungkan ga na ni dingnye lu ma ai! Dai zawn re ai lam ni gaw galoi mung byin na ra ai rai ti mung masha hpe makam masham myit kataw shara shabyin ai wa gaw dingnye lu ai.

LUKA 16:31

Rai ti mung Abraham gaw, ‘Mawshe hte myihtoi ni a ga shanhte n madat ma yang gaw, si ai ni hta na langai mi bai hkrung rawt wa timung, shanhte madat kam na ma ai n rai,’ ngu nna tsun wu ai,” nga nna Yesu tsun sharin shaga ai.

ROMA 14:13

Dai re ai majaw, anhte shada da hpa n jeyang saga. Kadai rai ti mung, tinang a hpu nau wa yubak de ahtu kadawng shara hte myit kataw shara hpa n galaw hkra she myit daw dan saga.

ROMA 16:17

Bai hpu nau ni e, nanhte hkam la sai sharin shaga ai lam hpe nhtan shai je hpre let, shabra sharun ai hte masha ni a makam masham hpe myit kataw shara shabyin ai ni hpe joi yu nna shanhte hpe koi yen nga myit ga, ngai nanhte hpe shadum dat made ai.

1 KORINHTU 10:32

Yuda amyu masha ni a matu mung, maigan masha ni a matu mung, Karai Kasang a Hpung a matu mung, ahtu kataw shara hkum tai nga myit.

1 KORINHTU 11:19

(Nanhte hta hka bra wa ai lam byin na sha rai nga ai. Shaloi she kadai ni gaw jaw ai maga rai nga ai ngu ai teng man ai lam asan sha dan pru wa na ra ai.)

1 KORINHTU 8:13

Dai rai nna, shahpa a majaw nye hpu nau wa hpe myit kataw nna mara galaw shangun na she rai yang gaw, nye a hpu nau wa hpe n kataw shangun na matu, ngai prat dingsa e shan n sha na ni ai.

1 TIMOHTI 4:1

Htawm hpang de masha nkau mi gaw makam masham hpe kabai kau na mara ai; shanhte gaw masu hkalem ai wenyi ni a ga madat nna nat ni a sharin shaga ai lam ni hta hkan sa na mara ai lam dai, Wenyi gaw asan sha tsun nga ai.

SHINGRAN 2:14

Rai ti mung sumla ni hpe nawng ya ai hkungga shahpa ni hpe sha na hte, nse nsa ngu ai hpye ai amu galaw ai hta Israela masha ni hkan sa nna yubak mara galaw hkra Balak hpe hpaji daw ya ai Balam a sharin shaga ai hta hkan nang ai masha nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.

SHINGRAN 2:20

Rai ti mung ngai nang hpe mara shagun na lam langai mi mu nngai. Hpa majaw nga yang, nang gaw, tinang dai ‘Karai Kasang kaw na du sa ai kasa rai nngai,’ nga nna tsun ai num Yezebela hpe shi ra ai hku di shangun ai hte hkap la tawn ndai. Shi gaw nye a shangun ma ni hpe hpye ai amu galaw na hte sumla ni hpe nawng ya ai lusha ni hpe sha na lam sharin ya nna, shanhte hpe shut hpyit lam dam shangun mu ai.