LUKA 16:4 - Jinghpaw Common Language Bible 2009

⁴ Ngai bungli na hkrat mat ai hpang, masha ni ngai hpe shanhte ni a nta hta hkap la nna kanawn mazum kam hkra, ngai kaning di na gaw ya ngai chye se ai,’ nga nna shi a kraw hta myit la lu nu ai.

Jinghpaw Hanson Version Bible

⁴ ngai hpe kunhting aya na jahkrat kau yang, masha ni ngai hpe tinang a nta hta hkap la ra hkra, ngai kaning di na gaw, ya ngai chye se ai, nga nna shi a kraw hta myit la lu jang,

LUKA 16:4 ပူးပေါင်းရင်းမြစ်များ

GA SHAGAWP 30:9

Dai hta jan nna ngai grau lu wa ai rai yang, ngai nang hpe n ra dum nngai ngu nna, tsun kau hkrup na ra ai. Rai ti mung, ngai matsan mayan hkrum nga yang chyawm gaw, ngai lagu nna, nye a Karai Kasang hpe kaya kahpa awu asin di kau na ring nngai.

YEREMIA 4:22

Dai Madu gaw, “Nye a amyu masha ni gaw myit n su ma ai; shanhte ngai hpe n chye ma ai. Shanhte gaw angawk ai ma kaji ni zawn rai ma ai; shanhte hta chye na hkawn hkrang ai nyan hpa mung n rawng ma ai. Shanhte gaw n hkru ai amu galaw ai hta myit let ma ai, rai ti mung mai kaja ai amu galaw ai hta hkrat sum ma ai,” ngu nna tsun ai.

LUKA 16:3

Shangun ma wa gaw, ‘Nye a madu ngai hpe bungli kaw na jahkrat kau ni ai, ngai kaning rai na i? Ga htu, ga chye na mung ngai n-gun n rawng nna n di lu nngai, hpyi sha na mung ngai kaya nngai.

LUKA 16:5

Shing rai shi gaw, shi a madu kaw hka kap nga ai ni yawng hpe shaga la nhtawm, langai wa hpe, ‘Nye a madu kaw nang hka gade kap n ta?,’ ngu nna san wu ai.

LUKA 16:9

Ngai nanhte hpe tsun made ga, tinang a matu n tara ai mungkan sutgan hte jinghku hku mu, shaloi she dai htum mat jang dinggrin anga nga ai nta hta, nanhte hpe hkap la na marin dai.

YAKU 3:15

Shing re ai hpaji byeng-ya chyawm gaw sumsing lamu de nna yu wa ai hpaji byeng-ya n rai; dai gaw dinghta mungkan hte wenyi lam n re ai asai ashan hte nat matse hte sha seng nga ai.