LUKA 16:28 - Jinghpaw Common Language Bible 2009

²⁸ Ngai nau ni manga naw nga ma ai majaw, shanhte mung ndai nni nkri hkrum ai shara de n du mu ga, shanhte hpe wa shadum jahprang sadi jaw shangun ya rit law,’ ngu nna hpyi wu ai.

Jinghpaw Hanson Version Bible

²⁸ shanhte hpe wa shadum jahprang na, Lazaru hpe nye wa nta de shangun dat ya e law,’ ngu nna hpyi wu ai.

LUKA 16:28 ပူးပေါင်းရင်းမြစ်များ

LUKA 16:27

Bai sahti wa gaw, ‘Wa Abraham e, dai rai yang gaw, ngai nang hpe hpyi de ga, nye wa a nta de Lazaru hpe shangun dat ya rit.

KASA 10:42

Shi nan mung, hkrung ai ni hte si ai ni a tara agyi tai na Karai Kasang e san da ai wa rai nga sai lam Kabu Gara Shiga hpe, mung masha ni hpe hkaw tsun dan na matu shi anhte hpe hkang da mani ai.

KASA 18:5

Ya Sila yan Timohti Makedoni mung nna hkan dep du wa ma yang Pawlu gaw mungga hkaw tsun ai amu hkrai san aten jaw nna, Yesu gaw Meshia nan rai nga ai lam Yuda masha ni hpe sakse hkam dan nga ai.

KASA 2:40

Petru gaw ga kaga law law hte mung sakse hkam nna, “Nanhte gaw nanhte a hkum hpe ndai n hkru ai masha ni hkrum sha nga ai ari hta na lawt pru lu myit ga law!,” ngu nna shanhte hpe shadut shadum jahprang wu ai.

KASA 20:21

Yuda masha ni hpe mung, maigan masha ni hpe mung, shanhte a yubak mara ni kaw na Karai Kasang hpang de myit malai kayin wa nna, anhte a Madu Yesu hpe kam sham na matu mung, ngai aja awa sadi jaw shadum shahprang ni ai.

KASA 20:23

Chyoi Pra ai Wenyi gaw ngai hpe gyit hkang sharen da ai hte zingri zingrat ai lam ngai hpe ala nga ai, nga nna mare shagu hta tau hkrau sadi jaw ai hpe chyu sha ngai chye nngai.

KASA 20:24

Rai ti mung nye a matu masat da ai amu lit hpe mung Madu Yesu ngai e ap ya da ai magam amu hpe mung, tsep kawp ngut kre hkra gun na lam chyu sha ahkyak madung rai nga ai majaw ngai gaw nye a asak hpe pyi lahpawt nngai n rai. Dai Madu ap ya da ai magam amu ngu ai gaw Karai Kasang a chyeju Kabu Gara Shiga hpe hkaw tsun sakse hkam na lam nan rai nga ai.

KASA 23:11

Dai shana Madu gaw shi a makau e tsap pru nna, “Hkum hkrit et, nang nye a lam Yerusalem mare hta sakse hkam nit dai hte maren Roma mare hta mung naw hkam lu na ndai,” ngu tsun wu ai.

KASA 26:22

Rai ti mung Karai Kasang kaw nna karum ai lu la ai majaw sha, dai ni du hkra ngai asak hkrung nga lu ai hte kaji kaba n nga yawng a man e tsap let sakse hkam lu nga nngai.

KASA 28:23

Shing rai, shanhte gaw shi hte hkrum chyai na nhtoi madat da nhtawm, dai nhtoi du jang shi manam nga ai shara de masha law law wa sa hpawng nga ma ai. Pawlu gaw, jahpawt kaw nna shana de du hkra Karai Kasang a mungdan hte seng ai shi a mungga hpe Mawshe a tara hte myihtoi ni a ga hku hkan nna Yesu hpe shanhte chye na kam sham wa hkra hkaw tsun sakse hkam shakut nga ai.

KASA 8:25

Shan chyawm gaw, dai Madu a mungga lam sakse hkam nna hkai dan ngut jang Yerusalem mare de bai wa mat ma ai. Shan a wa maga hkrun lam e Samari kahtawng law law hkan dai Kabu Gara Shiga hkaw dan ma ai.

GALATI 5:3

Dai hta n ga, matu gadoi hkam ai wa gaw jep ai Tara nlang hte hpe shatup shadik lu na ra ai ngu nna, matu gadoi hkam ai masha yawng hpe ngai kalang mi bai sadi jaw nngai.

EHPESU 4:17

Manu n rawng ai myit mang ai lam lu ai maigan masha ni zawn matut nna asak n hkrung na matu Madu a mying ningsang hte ngai nanhte hpe sadi jaw made ai.

1 HTESALONI 2:11

Kawa gaw tinang a kasha ni hpe yu gawn lajang ai zawn, nanhte langai hte langai hpe anhte yu gawn lajang lai wa saga ai lam nanhte chye nga myit dai.

1 HTESALONI 4:6

Ndai zawn re ai amu hta nanhte kadai wa mung, tinang a Hkristan hpu nau wa hpe shut hpyit ai lam shing n rai, hpu nau wa a ntsa e ahkaw ahkang la ai lam n mai galaw myit dai. Ndai lam shawng de nanhte hpe anhte tsun dan yu saga ai rai nna Karai Kasang gaw shut hpyit tawt lai ai ni hpe ari jaw na ra ai lam nanhte hpe aja awa sadi jaw dat ga ai.