LUKA 16:16 - Jinghpaw Common Language Bible 2009

¹⁶ “Mawshe a jep ai Tara hte myihtoi ni a laika ni gaw Hkalup Sara Yawhan a lakhtak du hkra ngang kang ai hte grin nga ai. Dai kaw nna gaw Karai Kasang a Mungdan a Kabu Gara Shiga ni hpe hkaw tsun nga ai rai nna, masha shagu gaw Karai Kasang a Mungdan hta anin katut shang wa ma ai.

Jinghpaw Hanson Version Bible

¹⁶ Jep ai tara hte myihtoi ni a ga gaw, Yawhan du ai du hkra rai nga ai: dai kaw nna gaw Karai Kasang a mungdan a kabu gara shiga hkaw tsun nga ai rai nna, nlang hte gaw dai hta anin katut shang wa ma ai.

LUKA 16:16 ပူးပေါင်းရင်းမြစ်များ

MAHTE 10:7

Pru hkawm nna ‘Sumsing lamu a Mungdan gaw ni wa magang ra ai,’ ngu nna hkaw tsun dan mu.

MAHTE 15:11

N-gup de shang wa ai arai gaw, masha hpe awu asin di kau lu ai n rai, dai n-gup hta na pru ai mahtang gaw, masha hpe awu asin di kau nga ai,” ngu mu ai.

MAHTE 21:32

Hpa majaw nga yang, hkalup sara Yawhan gaw nanhte kaw sa nna teng man ai lam hpe hkap la na matu madun dan nga ai hpe nanhte n kam sham myit dai, rai ti mung kang hta ai ni hte shawa num ni chyawm gaw shi hpe kam sham ma ai.

MAHTE 3:2

shi gaw, “Sumsing lamu a mungdan du magang ra ai majaw, nanhte a yubak mara ni kaw na myit malai lu mu!” nga nna hkaw tsun hpang wu ai.

MAHTE 4:17

Dai aten kaw nna Yesu gaw, “Sumsing lamu a mungdan du magang ra ai rai nna, nanhte a yubak mara ni kaw na myit malai lu nna kayin wa marit!,” nga nna hkaw tsun hpang nga ai.

MAHTE 4:23

Yesu gaw Galile mung ting hta kawan hkawm let, tara jawng ni hta sharin shaga nga nna, dai Mungdan a lam Kabu Gara Shiga ni hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

MARKU 1:14

Yawhan hpe htawng hta rim bang kau ai hpang, Yesu gaw Galile mung de sa du nna Karai Kasang kaw na Kabu Gara Shiga hkaw tsun dan mu ai.

MARKU 1:45

Rai ti mung dai masha wa gaw pru mat wa nna dai shiga hpe shara shagu aja awa hkai dan ai hte kajai gumhkawng dat wu ai rai nna Yesu gaw mare kata de dan dan leng leng n shang lu wu ai. Mare de shang na malai, masha katsi ai shara hkan e nga nga ai: shara magup hkan na masha ni mung shi kaw sa du ma ai.

LUKA 10:11

‘Anhte a lagaw hta kap ai nanhte a mare na ga nhpu pyi, nanhte hpe deng u ga matu anhte ahpu katsut kau da ga ai, rai ti mung, Karai Kasang a Mungdan gaw nanhte hte ani sha du ra ai hpe chye nga mu, ngu nna tsun da mu,’ ngu mu ai.

LUKA 10:9

Dai mare na machyi ai ni hpe shamai ya nna, dai yang na masha ni hpe, ‘Karai Kasang a Mungdan gaw nanhte hte ani sha du ra ai,’ ngu nna tsun dan mu.

LUKA 16:29

Abraham gaw, ‘Na nnau ni kaw, Mawshe hte myihtoi ni nga ma ai, dai ni a ga madat mu ga,’ ngu wu ai.

LUKA 16:31

Rai ti mung Abraham gaw, ‘Mawshe hte myihtoi ni a ga shanhte n madat ma yang gaw, si ai ni hta na langai mi bai hkrung rawt wa timung, shanhte madat kam na ma ai n rai,’ ngu nna tsun wu ai,” nga nna Yesu tsun sharin shaga ai.

LUKA 9:2

Dai hpang, Karai Kasang a Mungdan lam hkaw tsun dan na hte, machyi makaw shamai ya na matu, shi shanhte hpe shangun dat mu ai.

YAWHAN 1:45

Hpilip gaw Nahtanela hpe mu nna, “Mawshe gaw Tara Laika ni hta, myihtoi ni mung myihtoi laika ni hta, sha-ang nna ka da ai, Yosep a kasha Nazaret mare na Yesu hpe anhte mu sagaw ai,” ngu nna shi hpe tsun dan wu ai.

YAWHAN 11:48

Anhte shi hpe ndai hku sha dat da nga yang gaw masha yawng mayawng shi hpe kam sham wa na mara ai rai nna, Roma ahkang aya lu ai ni sa nna, anhte a Nawku Htingnu hpe mung, anhte a amyu mungdan ting hpe mung jahten kau na mara ai,” nga ma ai.

YAWHAN 12:19

Dai re ai majaw Hparishe ni gaw, “Yu mu, anhte hta awng dang ai lam hpa mung n nga sai. Kaja wa mungkan ting gaw shi a hpang hkan mat wa masai,” nga nna shada da tsun shajang ma ai.

YAWHAN 5:4

(Karai Kasang a lamu kasa langai mi gaw jahkring jahkring sha hka lawng de yu sa nna hka hpe shamu shangun wu ai rai nna, dai masha ni gaw hka shamu wa na hpe la nga ma ai. Shing rai hka shamu wa ai hte rau shawng nnan hka lawng de shang lu ai wa gaw ana ahkya mat nga malu ai)

KASA 3:18

Karai Kasang gaw shi a Meshia nni nkri hkrum na ra ai lam, moi shawng shawng kaw nna myihtoi ni yawng a n-gup hte tau tsun tawn nu ai rai nna, dai lam ni ndai hku nna dik wa shangun nu ai.